Hechos 13:27 - Kaxinawá Bíblia (BR)

²⁷ Huĩrukũti sábado tibitiã hanu itxamisbu anushũ Deusũ hãtxa yuishunikabũ kenenibu hatu yuimisbu inũ habuã hatu yuibiamisbũ hawa tapiãma Jerusalém anuabu inũ hatũ shanẽ ibubũ xinãkĩ hawa unãma Jesus hau tenãnũbũ, iwanã, danãnibuki, haska hawẽ hãtxa yuishunikabũ bebũkiri yuini keska wakĩ menekinã.

Kashinawa : Diosun Jesúswen taexun yuba bena yiniki

²⁷ Juindukunti sábado tibitian janu ichamisbu anuxun Diosun jancha yuixunikabun kenenibu jatu yuimisbu inun jabuan jatu yuibiamisbun jawa tapianma Jerusalén anuabu inun jatun xanen ibubun shinankin jawa unanma Jesús jau tenanunbun, iwanan, dananibuki, jaska jawen jancha yuixunikabun bebunkidi yuini keska wakin menekinan.

Hechos 13:27 Referencias Cruzadas

Gênesis 50:20

Hakia matunã, txakabu shinãkĩ mã ea itxakawaniki. Haskawẽ taeshũ Deusũ ha txakabu mae wakĩ matu pepawashuniki, natiã mã uiainã. Hati yurabu ewẽ taea mawama hiwekanimẽkainã.

Mateus 22:29

Jesusũ hatu kemakĩ: —Matunã, Deusũ hãtxa kenenibu unãma hawẽ kuxipa mã unãmariki. Haska wakĩ mã kanemiski.

Lucas 22:34

haska waya Jesusũ nemakĩ: —Pedroõ, mĩ haskamaki. Na habia mexu merã pena kemaya takara keuriama yuikĩ: “Ẽ ha unãmaki”, iki txanima dabe inũ bestiki mĩ eki dakekĩ yui kaii— atã,

Lucas 23:13

Pilatos anu Jesus ana txĩtuãbiranabu uĩkĩ Deusbe hawenabu hãtxashunika shanẽ ibubu inũ mae shanẽ ibubu inũ yurã kaiã Pilatõs hatu itxawashũ

Lucas 24:20

pepahairabiakẽ hau tenãnũbũ Deusbe nukunabu hãtxashunika shanẽ ibubu inũ nukũ mae shanẽ ibu betsabũ nawabu anu Jesus yunuabu cruzki hatu mastamabu mawaxinaki.

João 15:21

Hatũ ea yununi habũ unãbumawẽ taeshũ na haska tibi matu wakinã, mã ea txibaĩbuwẽ taeshũ matu ashãkanikiki.

João 16:3

ẽ Epa Deus unãma eari unãbumawẽ taeshũ matu hawa unãma itxakawashãkanikiki.

João 5:39

Haskakẽ matunã, ha txibaĩ hiwei ikibi iti hãtxa kenenibu betxinũ, iwanã, Deusũ hãtxa yuishunikabũ kenenibu anua mã benakubaĩmiski. Hakia habias kenewẽ ekiri yuinibu uĩbiakinã,

João 8:28

haskawẽ taeshũ Jesusũ ana hatu yuikĩ: —Matunã, matũ Hutxi Kayabi Iuwa ea binikĩ benimashũ hanu mã ea unãshanaii. Natianã, haska ẽ xinaĩwẽ ẽ akamaki. Hakia haska ẽ Epã ea yusĩni besti ẽ yuimiski.

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

Hechos 3:17

—Enabuũ, Jesus ikũwãkatsi ikama hawẽ kuxipa unãkĩ kayati wakĩ tapĩriamabia matũ shanẽ ibububetã ha huni unãma mã tenaĩma txanima ẽ unaiĩ.

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

1 Coríntios 2:8

Haskakiri shanẽ ibubu Deusũ hatu unãmarã, haska xinãkĩ nukũ Shanẽ Ibu mastama ikeanibuki. Hakia hawa shabakabi xinãbumawẽ taeshũ nukũ Shanẽ Ibu kuxipa duapa cruzki nuku mastashũkĩ xinãma kanekĩ itsa wanibuki.

2 Coríntios 3:14

Haska Moisés hãtxa danãkubiranaibu hatũ huĩti Deusũ kuxiwani keska wakĩ natiã habias yubani hãtxa betsabũ danãriaibu hatũ huĩti Deusũ kuxiwariamiski. Moisés hãtxa keneni yuiaibu hatu nĩkamamakĩ bepukĩ hunemiski. Tsuabũra Cristo danãkĩ Moisés hãtxa nĩkatirubumaki. Tsuabũra na habiatiã Deus kẽwãnũ, iwanã, benakĩ Deus unãkatsis ikaibu hãtxa shabakabiwẽ Deusũ hatu nĩkamamiski. Haskakẽ Cristo ikũwanũ ikaibu Deusũ hatũ huĩti ana kuxiwama inũ Moisés hãtxa ana bepuama shabakabi tapĩkĩ nĩkatirubuki.

2 Coríntios 4:4

Tsuabũra habũ ikũwãbumarã, na mai anushũ hatũ shanẽ ibu Satanásã hatu parãkĩ hatũ xinã nemakĩ bekũ keska hatu wamiski. Haskawẽ taeshũ Cristo, Deus itsa hiwea mekenika kuxipa yurabu mawashũtã hatũ txakabu ana xinãma buakatsis ini nĩkabiakĩ kaka pepa shabakabi ikũwãtirubumaki.

1 Timóteo 1:13

Ha dukunã, Jesus Cristokiri txakabu yui haki shetxakakĩ ha ikũwaĩbu danãkĩ ẽ hatu itxakawayuniki. Haskati dabanẽ Jesus Cristo ẽ ikũwãriama haska ẽ xinaĩ inũ haska ẽ akubainai Deus ẽ benimawai dabanẽ ẽ ibiaya ha ẽ kaneaiwẽ taea Deus ewẽ nuitxakayamaniki.