Hechos 13:11 - Kaxinawá Bíblia (BR)

¹¹ Mĩ haskaiwẽ taeshũ natiã Yavé Deusũ mia kupikĩ bari txasha mĩ uĩyamanũ mia bekũwãyuikiki— akaya hawaira mexũ bepua hawa uĩyama hanua: “Tsuã ea metsũbainimẽkaĩ?” iki mexã atanikiaki, ma bekũwanã.

Kashinawa : Diosun Jesúswen taexun yuba bena yiniki

¹¹ Min jaskaiwen taexun natian Yavé Diosun mia kupikin badi chaxa min uinyamanun mia bekunwanyuikiki— akaya jawaida meshun bepua jawa uianma janua: “¿Tsuan ea metsunbainimenkain?” iki meshan atanikiaki, ma bekunwanan.

Hechos 13:11 Referencias Cruzadas

Gênesis 19:11

hanu dasibi shanẽ ibubu inũ shanẽ ibuma huni ewabu inũ berunãbu haskaibu hatũ kushipawẽ itxakawakĩ hatu betxeshkĩ bekũwã beputi benai hikinũ ika haska hikitima Sodoma nawabu hĩ iki punu nukatã inũ buabũ

2 Reis 6:8

Síria nawa shanẽ ibuhairatũ Israelĩ enabu maemanũ ika ana hatube datenameaibu hawẽ detenamenikabu shanẽ ibubube itxa hatube yubakai Síria nawa shanẽ ibuhairatũ hatu yuikĩ: “Hune hari bushũ Israelĩ enabu detenamenikabu e imatã maemakĩ nũ hatu keyushanaii”, hatu wakĩ hari hanu huneshanaibu hatu yui yubakai

Salmos 32:4

Hua barĩ kua hawẽ shanawẽ txushi txapumis keska wakĩ meshu merã inũ bariri ea shinãmakĩ ẽ txakabuwẽ hawẽ ea timakĩ e imakĩ mĩ ea tenemakubainiki.

Êxodo 9:3

ẽ kushipawẽ matũ inabu dasibi ea Senhor Deusũ hatu isĩ paepa inã basi anu mapua matũ cavalo inũ, matũ jumento, inũ matũ camelo, inũ matũ ina awa inũ, matũ txashuwã isĩ betsa paepawẽ mawashãkanikiki.

João 9:39

Jesusũ ana yuikĩ: —Deusũ hatu unãti waiwẽ taea yurabube ẽ hiwekũkainaii. Tsuabũra uĩsbumã bepesheshũ hau uĩshanũbũ inũ natiã tsuabũra xinãkĩ uĩbiai bekũ keska hau ishanũbũ ẽ huniki— ikai

Hechos 9:17

nĩkabaini Ananias kai hanu Saulo ika anu hikikaĩ mamepitã yuikĩ: —Sauloõ, Jesus ikũwaĩ ma mĩ nukũ betsaki. Mĩ bai tanabiranai habias Shanẽ Ibu Jesus miki nukuxinatũ hau mĩ beru mĩ ana uĩ pewanũ inũ hawẽ Yushĩ Pepatũ hau mia atxitã kuxipa wanũ mia anu Jesusũ ea yunushuki— akaya

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

Hebreus 10:31

Txanima hawara tibi txakabui ikaiburã, mese beshmaski. Hamẽ Deus Hiweatũ hatu kupiai tibi ishanairã, mese mepakekubaĩshãkanikiki, hau haki besti datekubainũbũwẽ.

2 Pedro 2:17

Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.

1 Samuel 5:11

Deusũ haburi kupikĩ su ika pawakĩ hatu isĩ tenemakubainaya ha maewã anu hiweabu datetxakayamakĩ hatũ shanẽ ibubu hau hatu yuishũtanũbũ hatu kenabu ma bei itxai keyuaibũ hatu yuikĩ: “Israelĩ enabu mekenika Deusũ hãtxa hatube yubakani aruni bau nenu mã beimarã, hatu bushũritãkãwẽ, ibubu anurã, hau nenushũ nuku dasibi tenãyamanunã”, hatu wanibukiaki.

1 Samuel 5:9

Gate mae anu mistushinabũ hanushũ Senhor Deusũ habu dasibiri hawẽ hatu datekĩ kupikĩ bake mishtĩyãbis su imakĩ isĩhaira tenemakĩ hatu nuitapawaya