Hechos 1:24 - Kaxinawá Bíblia (BR)

²⁴ habũ eska Deus hatu yukashũkĩ: —Shanẽ Ibu Deusuũ, dasibibũ xinã mĩ unaĩwẽ taeshũ na huni dabe pepa haratura mĩ katuai nuku uĩmawe,

Kashinawa : Diosun Jesúswen taexun yuba bena yiniki

²⁴ jabun eska Dios jatu yukaxunkin: —Xanen Ibu Diosuun, dasibibun shinan min unainwen taexun na juni dabe pepa jadatuda min katuai nuku uinmawen,

Hechos 1:24 Referencias Cruzadas

Provérbios 15:11

Senhor Deusũ dasibi hatu uĩmiswẽ taea hanu mawaibu inũ hanu mawa bumisbu unã keyuikiki. Hakia haska hatu binuawẽ taeshũ Senhor Deusũ hunibũ shinãmis binuhairaki.

Números 27:16

—Senhor Deusuũ, yurabu dasibi hiwea mĩ hatu hiwea inãmisrã, minabu shanẽ ibu wakĩ huni betsa katuwe, hatũ bebukaĩkĩ hau hatu yunununã, txashuwã shukua mekenikauma hariri kai unãbuma keska hau iyamakubainũbunã— aka

Lucas 16:15

Jesusũ hatu yuikĩ: —Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,

João 21:17

ana hawẽ henekĩ Pedro yukakĩ: —Jonasĩ bake Simãoneẽ, mĩ ea abuhairai?— aka dabe inũ bestiki habias yukaiwẽ taea Pedro huĩti nixmai punu nukatã abuaiwẽ taeshũ yuikĩ: —Shanẽ Ibuũ, ẽ xinã dasibi unãkĩ ẽ mia abuhairairã, mĩ unaiĩ— aka —Habiaskari wakĩ enabu txashuwã keska hatu yusĩkĩ hatu ea mekeshuĩrakubaĩshãwẽ— iwanã,

Hechos 14:23

hanu ikũwaĩbu itxamisbu tibi anua mekenikabu hatu katutã hatube samakekĩ Deus dayuikĩ habũ Jesus ikũwaĩbu hau nukũ Shanẽ Ibu Jesusũ hatu merabewakubaĩshanũ Paulo inũ Barnabẽ kuxipa hatu yukashũkubiranibukiaki.

Hechos 15:8

Ha Romano shanẽ ibu Cornéliõ hiwe anushũ ẽ hatu yusĩayã habũ Jesus ikũwaĩbu Deusũ dasibi nukũ xinã unãmistũ ha judeubumari hawenabu wakĩ ikũwãmakĩ nuku keskari wakĩ kuxipa wakĩ hawẽ Yushĩ Pepa hatu inãkĩ hatu atximayamaki.

Hechos 6:6

Jesusũ kuxipayabu anu hatu iyuabu hanushũ hatu unãti wakĩ mamepishũ Deus hatu yukashũkĩ hatũ merabewanikabu hatu wanibukiaki.

Romanos 8:27

Haska inũ, nũ Jesus ikũwaĩbu Deusũ nukũ huĩti unaĩkiki. Ha dikabi hawẽ Yushĩ Pepatũ unãkĩ Deus ea akĩ habias nũ xinaĩ dasi watã nuku yukashũkubaĩmiski.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.

Apocalipse 2:23

Ha inũ, ha aĩbũ hãtxa nĩkamisbu tenãkĩ ẽ hatu yamawashanaii. Ẽ hatu haska waya dasibibũ xinã inũ habũ huĩti ẽ unãhairamis habũ ea ikũwãkĩ txibãmisbũ txanima unãshãkanikiki. Ha inũ, hatiribũ haska hiwea abumisbu unãtã pepabu pepawẽ hatu kupikĩ txakabubu txakabuwẽ ẽ hatu kupishanaii.

1 Samuel 14:41

hãtxa kushipawẽ Saulũ Senhor Deus yuikĩ: —Israelĩ mekenika Senhor Deusuũ, mĩ dayarũ mia yukabia haskakĩ mĩ ea hawa kemamamẽ? Ẽ kaneamẽkaĩ, ẽ bake Jônatasã kaneamẽkaĩ, hawẽ unãti Urim hau haki tashninũwẽ. Hakia Israelĩ enabu minaburã, habũ kaneamẽkaĩ, hawẽ unãti Tumim hau hanu tashninũwẽ— akaya Jônatas inũ Saul anu unãti watã Urim bia kaiãyã hawẽ hatu unãti waya Israelĩ enabu kaneabuma hatuki pe kaiãyã

1 Samuel 16:7

hakia Senhor Deusũ Samuelĩ shinã uĩkĩ yuikĩ: “Haskamaki. Hawẽ yura hawẽrua keyatapa shua uĩyamawe, ẽ ma haska danainã. Hunibũ bemakis hatu uĩmisbu keska wakĩ miãri bemakis uĩyamawe. Hakia eã uĩkinã, hatũ huĩti merã pe besti shinaĩbu ẽ unãti wamiski”, aka