Hebreus 5:6 - Kaxinawá Bíblia (BR)6 Hanushũ hawẽ kene betsa anushũri yuikĩ: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã”, aniki. Ver CapítuloKashinawa : Diosun Jesúswen taexun yuba bena yiniki6 Januxun jawen kene betsa anuxundi yuikin: “Miadan, minabu ebe janchaxunika niti ikama min ipakexanaii, Melquisedec ipauni keskaidan”, aniki. Ver Capítulo |
Israelbu Deusũ hatu hawẽ pepawayukatsi hawẽ yunuti inũ hawẽ nemati hãtxa Moisés hatu inãmakĩ yununikiaki. Hawẽ taeshũ Levĩ bababu Deusbe hawenabu hãtxashunika wakĩ ha hãtxa txibãkĩ hau hatu pewakubaĩshanũbũ, iwanã, Deusũ Moisés habu katumanikiaki. Hatu haska waniwẽ taeshũ habuã hawa pewama kanekubaini hiwenibuki. Haskawẽ taea huni betsa Deusbe nuku hãtxashunika betsa Deus anua huniki. Hamẽ Arãonẽ bababũ amis keskama hakia Melquisedeque imis keskai Deusbe nukunabu hãtxashunika bena hau ipakeshanũ haska Deusũ xinãnishũ hawẽ yunuti maewanikiaki.
Hamẽ nukũ Shanẽ Ibu katukinã, hawẽ yuba kanetima waniki. Hakiri tana yubakaikiri Davi hakiri hãtxakĩ kenekĩ: “Deusũ hawẽ bake katukĩ hakiri yuikĩ: ‘Miarã, ebe minabu hãtxashunika mĩ ipakeshanaii, niti ikamarã’, akĩ yubakĩ Deusũ ma yui hãtxashu ana hawẽ xinã betsa wama ishanikiki”, akĩ nuku keneshuniki.
Ha inũ, betsarã, nukunabu Deusbe nuku hãtxashunikakiri hatu unãkĩ hatũ epa inũ hatũ ewa inũ hatũ shenipabukiri unãkĩ nũ hatu tanakubaĩmiski. Hakia Melquisedeque betsahairakiaki, tsuã unãmarã. Hawenabukiri tsuã unãma inũ, hawẽ kaĩyãkiri tsua hakiri hãtxaisma inũ, mawani tsuã unãmakiaki. Hakia Deusũ bake keskai hawenabu Deusbe hãtxashunika ipakeriaikiaki, heneamarã.