Hebreus 5:2 - Kaxinawá Bíblia (BR)

² Hamẽ yura betsa imis keskai Deusbe judeubu hãtxashunika shanẽ ibu tibitũ ibubis mekei peama kanemisbuwẽ taea haska xinaĩ hatuwẽ nuiriatirubuki, unãriabuma inũ txakabuwakĩ kaneaibuwenã.

Kashinawa : Diosun Jesúswen taexun yuba bena yiniki

² Jamen yuda betsa imis keskai Diosbe judiobu janchaxunika xanen ibu tibitun ibubis mekei peama kanemisbuwen taea jaska shinain jatuwen nuidiatidubuki, unandiabuma inun chakabuwakin kaneaibuwenan.

Hebreus 5:2 Referencias Cruzadas

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Isaías 30:11

Nenu ana mapuama nuku dapashkarikãwẽ, Deusũ bai kayabi meshtebainirã. Israelĩ enabũ Deus meribi bebũ ana nuku nitxĩyamakãwẽ”, ikaibũ

Lucas 22:32

Habiaskabiakẽ ea txibaĩ hau mĩ huĩti babuyamanũ eãri Epa Deus ma ẽ mia yukashũxinaki. Mia haska wa kanebiatã ana ea txibã taewakĩ ikũwaĩ betsabu hau txĩtũyamanũbũ hatu kuxipa wakĩ merabewakubaĩshãwẽ— aka

2 Coríntios 11:30

Ẽ hawa hayama emebi ẽ haska kẽtirumabia haska ẽ babumiswẽ taea ẽ keaiĩ.

2 Coríntios 12:5

Haska ẽ ini ẽ hawẽ kẽtirubia ẽ hawẽ hawa keãmaki. Hakia haska babukĩ ẽ tenemis bestikiri txanikĩ ẽ yuitiruki, keĩnã, nukũ Shanẽ Ibũ ea merabewamiswẽ taearã.

Gálatas 4:13

Haskakẽ matu yusĩkĩ ẽ taewaitiã isĩ txakabũ ea atxia ẽ nuitapaya

Efésios 4:18

Habu mexu merã nia keskashũ xinã txakakĩ pe xinãtirubuma unaĩsmapabuki, haburã, hawa benima pae Deus anua huaiwẽ benimama haska hawa tapiãma unaĩsmapa besti habu huĩti kuxiburã.

1 Timóteo 1:13

Ha dukunã, Jesus Cristokiri txakabu yui haki shetxakakĩ ha ikũwaĩbu danãkĩ ẽ hatu itxakawayuniki. Haskati dabanẽ Jesus Cristo ẽ ikũwãriama haska ẽ xinaĩ inũ haska ẽ akubainai Deus ẽ benimawai dabanẽ ẽ ibiaya ha ẽ kaneaiwẽ taea Deus ewẽ nuitxakayamaniki.

Hebreus 12:13

Ha inũ, Jesus ikũwaĩ hawawẽra bika teneaibu punu nukai hau txĩtũyamanũbũ haska Deusũ abuai yusĩkĩ bai kayabikiri hatu pe unãmakubaĩkãwẽ.

Hebreus 2:17

Hawẽ betsabu inũ hawẽ puibu keskatã hatũ yura bitã Deus dayashuni ha bebunua hawenabu hãtxashunika binua inũ ika hawẽ yura Deus inaĩ mawai hawa txĩtuãma pepa duapa iniki, yurabu Deus hatuki sinatamis hatu merabewakĩ hatũ txakabu buashunũ ikarã.

Hebreus 2:18

Hanushũ Deusũ bake unãti wanũ ishũ Satanásã parãpanã Jesus ibubis yumãkĩ binũ keyuniwẽ taeshũ natiã tsuabura Satanásã parãriai Deusũ bakẽ nuku merabewariatiruki.

Hebreus 4:15

Haska hiwea bika tenei nũ yumãkũkaĩmis keskai nukũ Deusbe nuku hãtxashunika binua na mai anua hiweria nuku itsai hamapai tibi mei bika teneriai yumãkũkainiki. Haskabiai hawa txakabu mekĩ kaneama iniki.

Hebreus 7:28

Ha inũ, Deusũ Moisés yusĩni hãtxa txibaĩ pepakatsi ibiai Deusbe hatunabu hãtxashunikabũ kanemisbuki. Hanushũ Deusũ hawẽ yunuti inũ hawẽ nemati yunu keyunishũ hawẽ bake yubakĩ katukĩ nukunabu Deusbe hãtxashunika binua pepahaira hau ipakeshanũ hakiri yubakatã katuniki.

Hebreus 9:7

Hakia ha katxu meribihaira dĩtu anu ano tibi shaba bestitxaitiã bestiwai Deusbe nukunabu hãtxashunika shanẽ ibu binua besti hikikĩ ibubis kaneriamiswẽ taeshũ yuinaka himi bushũ hawẽ nuiti bau beputiki himi baxa baxa akĩ Deus daewayupaunibukiaki, hawẽ txakabu inũ hawenabũ txakabu Deus hakimawakĩ hau ana hatukiri haska xinãyamakubainunã.

Santiago 5:19

Ẽ betsabu inũ ẽ puibuũ, tsuara matũmebi txakabui bai pepa henetã mã ma benukenã, hau ikũwaĩ betsã mia merabewakĩ hau ana matu txĩtũwãkubainũbũwẽ.

1 Pedro 2:25

Ha dukũ na mai anu hiwearã, txashuwã ibuuma benuabu keska mã iki taenibuki. Hakia natiã Cristo ikũwãkĩ matũ hiwea txakabu henetã mã ma Cristo txibãyã hanua mekenika pepatũ ma matu mekeshũ uĩkiki.

Juízes 2:17

hakia ha shanẽ ibu unãti wanikabũ hãtxa Israelĩ enabũ nĩkabuma patapakĩ Senhor Deusũ hãtxa txibãma yushibubu betsa betsapa txibãkĩ duawakĩ kẽwãpaunibukiaki. Hatũ shenipabũ Senhor Deusũ hãtxa nĩkakĩ txibãpaunibu keska akama hatũ bai tanama inibukiaki, betsa betsapa txibãkinã.