Hebreus 4:1 - Kaxinawá Bíblia (BR)

¹ Ha haskanibukiri natiã nũ yuikubainairã, hawẽ mae pepa haska Deus yubakani hanu huĩrukuĩ hikikatsi iki nũ ikaiburã, haska keskariki. Uĩrakãwẽ. Betsabũ matũ xinã mã betsa wamakẽ haskawẽ taea mã hikitirumariki.

Kashinawa : Diosun Jesúswen taexun yuba bena yiniki

¹ Ja jaskanibukidi natian nun yuikubainaidan, jawen mae pepa jaska Dios yubakani janu juindukuin jikikatsi iki nun ikaibudan, jaska keskadiki. Uindakanwen. Betsabun matun shinan man betsa wamaken jaskawen taea man jikitidumadiki.

Hebreus 4:1 Referencias Cruzadas

Provérbios 14:16

Unanepabu txakabuwẽ datekĩ henekubaĩmisbuki. Hakia unaĩsmapabu txakabuwẽ dateama nashui ika mapumisbuki.

Números 14:34

40 dia Canaã mai pakea mã uiãtãbaunimaki. Haskawẽ taea 40 ano matũ txakabu pakai mã yumãshanaii, dia tibi mã uĩbaunima keska wakĩ ano bestitxai ẽ matu kupia mã uĩshanaii, mã eki sinataiwẽ taeshunã”, akĩ ea hatu yuishũkãwẽ.

Mateus 24:48

Hakia hawẽ tsuma xinã pema ha shanẽ ibũ yunubainima xinãtxakakĩ yuikĩ: “Ẽ shanẽ ibu yane huamaki. Uatiã hui kaimẽkaĩ”, iki

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Romanos 11:20

Eskawẽ taeshũ hatu meshtea keska wanirã, matu yuinũ nĩkakãwẽ. Habunã, Deusũ hãtxa ikũwãbumawẽ taeshũ hatu heneniki. Hakia matubu mariastũ mã ikũwaĩburã, hawenabu matu waikiki. Haskawẽ taea hawẽ keãma Deus bestiki mesekubaĩkãwẽ.

Romanos 3:23

Ha inũ, yura dasibibũ txakabuwakubaĩmisbuwẽ taea haskatã ibubis Deus pepaki nũ tsua kematirubumaki, kanei hiwei peisbumawẽ taearã.

1 Coríntios 10:12

Hatu haska waniwẽ taeshũ tsuabũra: “Jesus txibãkĩ duawai ẽ txĩtuãmaki”, iki keãma mestẽtã hau uĩrakubainũbũwẽ, txakabu tibi huayarã.

2 Coríntios 6:1

Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Gálatas 5:4

Haska Moisés yusĩa txibaĩ pepanũ ika txĩtũkirã Deus matuwẽ nuini pepa danaĩ Cristo henei mã hawenabumaki.

2 Timóteo 2:13

Hamẽ nukubu nũ xinã betsa betsapa wai txĩtũbiamiskẽ hatunã, hawa xinã betsa betsapa waisma ikũkaĩnũbarikiki, haskatã hamebi ibubis txani txakatirumarã.

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 13:7

Haska inũ, Deusũ hãtxa Cristokiri habũ matu yusĩkĩ matu pe mekekubaĩkĩ matu xinã betsa wamanibuki. Haskawẽ taeshũ habũ Deus ikũwãkĩ txibãkubainibu haska hatũ hiwea pepa akĩ henebainibu xinãkĩ matũri ikũwãriai habiaskariai hiweriakubaĩkãwẽ.

Hebreus 3:11

haskawẽ taea hatukiri yubai: ‘Ẽ hatuki sinataiwẽ taea hanu mai pakea pepa ẽ hatu yubabiani anu hau hikiyamashanũbũwẽ’ ”, ika Deus yubakaniki.

Hebreus 4:11

Haskawẽ taea hawẽ huĩrukũti pepa anu hikishanũ ika nukũ merabenã Jesus txibaĩ yumãbiai txĩtũtaskayamanãkãwẽ, ha habũ hawẽ hãtxa nĩkama nukũ shenipabũ danãnibu keskakĩ hatu tanaĩ hatu txibãyamanãkãwẽ.

Hebreus 4:9

Haskawẽ taea hawẽ huĩrukũti pepa naiuri nũ Deus ikũwaĩbu meribi nũ hawenabu hikishanaibu hayayuakiaki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.