Hebreus 3:6 - Kaxinawá Bíblia (BR)

⁶ Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Kashinawa : Diosun Jesúswen taexun yuba bena yiniki

⁶ Jakia Cristodan, chanima jawen bake kayabitun Diosunabu mekei Diosbe jatu janchaxuni kaneismaki. Jaskaken Cristo ikunwankin chibankin shinan betsa wama nun mestenwantan benimakin nun manaibu Jesúsun nuku benubainama ixanikiki.

Hebreus 3:6 Referencias Cruzadas

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Mateus 10:22

Ekiri haska yuibaũkĩ mã ea txibaĩbuwẽ taeshũ yurabũ matu danaĩ mirima matuki sinatashãkanikiki. Tsuabura matu keskakĩ ea txibaĩ heneisbumari ẽ hatu mekeriakubaĩshanaii.

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Mateus 24:13

Matu haska wabiaibũ tsuãra ea txibãkĩ heneisma hatu mekekĩ ẽ hatu pashawashanaii.

Romanos 11:22

Uĩkãwẽ, Deusrã, nuikipa hawẽruaki. Haskabia hawẽ yunua mestẽ binumaismaki. Habu txĩtuaĩbu danãkĩ hatu kupimisshũ matu mã Israelbumabiakẽ matuwẽ nuikĩ duawakĩ hawenabu matu wakeakekubainikiki. Hakia haska hi pũyã babu meshteshũ putamisbu keska wakĩ matũri hawẽ xinã txibãma mã txĩtuaĩbu Deusũ matu danãtã matu kupiriashanikiki.

Romanos 12:12

Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 5:2

Hanua haskawẽ nũ benimaiburã, txĩtuãma Jesus Cristo ikũwaĩ Deusbe haibunamei nũ hiweabuki, ikisrã. Ha inũ, na habiatiã bestima hakia betsatiãri Deusbe hiwei hawẽ kuxipaki nukutã nũ hawẽruashanaii, ikibi ikirã.

1 Coríntios 3:16

Haskawẽ taeshunã, matunã, mã unãmamẽ? Mã ikũwaĩbu Deus matubekẽ mã hawẽ hiwe keskawẽ taea Deusũ Yushĩ Pepa matuki dasia hiweaki.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

Efésios 3:12

Cristõ nuku haska washunikẽ hawa ana dateama haki txiti itã ikũwaĩ kematã nũ yukatirubuki.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

1 Tesalonicenses 5:16

Haskakubaini benimai heneyamakubaĩkãwẽ.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

1 Timóteo 3:15

Ẽ yane katiruma xinãkinã, haskai Deus hiweatũ enabũ txanima hãtxa Jesus Cristokiri hatũ matu tsuma unãkĩ txanima hãtxa besti xinaĩ hawẽ nemakanaĩ haskai hiwei hau mekei penũbũ haskakiri mĩ hatu yusĩnũ bebũkiri ẽ mia kene bumaii.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

Hebreus 10:19

Ẽ betsabu inũ ẽ puibuũ, haskawẽ taea Jesus Cristo nuku mawashũkĩ hawẽ himi habawaniwẽ taearã, natiã hawa dateama Deusbe hãtxanũ ika hawẽ dĩtu meribi anu hikiai keskatã nũ haki ma kematirubuki.

Hebreus 10:21

Natianã, nukũ Deusbe nuku hãtxashunika kayabi Deus bebũ ma niaki.

Hebreus 10:23

Habias mestẽwãtã xinã betsa betsapa wai txĩtuãma haska nũ ikũwãkĩ yuiai besti manakakubainãkãwẽ. Txanima Deus yubakanishũ nuku ashũshanikiki, kaneamarã.

Hebreus 10:35

Haskawẽ taeshũ mã ikũwaĩnã, benuyamakãwẽ, mã ma haki txiti ika bika tenemiswẽ taeshũ matu itxapa manakushanikiki.

Hebreus 11:1

Deusũ yubakati hãtxa txanima ikũwãkĩ hawa uĩriamabia hamapai tibi pepawẽ Deusũ nuku duawashanai hayakatsi hawa xinã betsa wama mestẽ besti watã nũ manakahairakubaĩtirubuki.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 4:11

Haskawẽ taea hawẽ huĩrukũti pepa anu hikishanũ ika nukũ merabenã Jesus txibaĩ yumãbiai txĩtũtaskayamanãkãwẽ, ha habũ hawẽ hãtxa nĩkama nukũ shenipabũ danãnibu keskakĩ hatu tanaĩ hatu txibãyamanãkãwẽ.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.

Hebreus 6:11

Haska matu tibitũ xinãkĩ mã akairã, betsabu uĩmakĩ heneama xinã txãkãkĩ hawara pepa mã uĩkatsis ikai heneama menekĩ akubaĩkãwẽ, haska Deus yubakani heneama manakinã.

Hebreus 6:18

Haska Deus yubakamis yubanametã maewai txani txakaismawẽ taea hawẽ nukuwẽ nuishanai nũ haki irushanũbũ ha ikũwãkĩ manakanãkãwẽ, nuku ashũshanikikirã, hawẽ taea yubakaniwenã.

Hebreus 7:19

Deusũ Moisés yunua hawẽ hãtxa keneni txibãbiai hatũ nuku pepawatirumakẽ hawẽ shãtukũ betsa yunukĩ nuku hawẽ yuba bena pehaira wakĩ ha txibaĩ haki dasitã Deusũ enabu kayabibu nũ hiweshanũbũ nuku ashuniki.

1 Pedro 1:8

Haska inũ, Jesus Cristo uĩyama ibiani mã abuhairaii. Ha inũ, natiã uĩyama ibiani mã ikũhairawariaii. Haska benima pae mã haya hãtxawẽ besti ha benima pae tsuã haska tashnimatirumaki.

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 Pedro 4:17

Jesus Cristo ikũwaĩ nũ hawenabuwẽ taeshũ natiã bika betsa tibi memakĩ nuku tenemakubaĩkanikiki. Haska nũ tenebiamiskẽ Jesus ana huaya habũ Deusũ kakape danãmisburã, habu Deusũ kupiarã, haskarara Deusũ hatu kupiaitiã yumãkĩ tenetxakayamashãkanimẽkaĩ?

Apocalipse 2:18

Ana Jesusũ ea yuikĩ: “Hatũ Deusũ hãtxa yuinika Tiatira anu itxamisbu mekea na hãtxa ẽ mia yuiai keneshũriwe: ‘Ẽ Deusũ bakẽ, na ẽ beru txi here txasha keska inũ na ẽ tae mane taxipa betsa hawẽ kena latão reluzente dẽke dẽke aka txashahaira keskayatũ ẽ matu yuiai nĩkakãwẽ.

Apocalipse 2:25

Hakia na besti matu yuinũ nĩkakãwẽ. Deusũ yusĩa mã haya ha txibãkĩ henepakeyamashãkãwẽ, ẽ ana kayushanairã.

Apocalipse 2:26

Tsuabũra ea danãma txakabu maemakĩ binumisburã, hawa heneama haska ẽ abuai apakemisburã, hanu ẽ ana huai anu ẽ hatu shanẽ ibu wakĩ kuxipa washanaii, hau nawa shukuabu mekenũbunã.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.