Hebreus 11:6 - Kaxinawá Bíblia (BR)

⁶ Ha inũ, tsuabũra Deusũ hãtxa ikũwãbumarã, haskatã Deus benimawatirubumaki. Hakia tsuabũra Deus hiwea haya inũ hatũ hatu manakushanai benakĩ hau ikũ besti wakubainũbũwẽ.

Kashinawa : Diosun Jesúswen taexun yuba bena yiniki

⁶ Ja inun, tsuabunda Diosun jancha ikunwanbumadan, jaskatan Dios benimawatidubumaki. Jakia tsuabunda Dios jiwea jaya inun jatun jatu manakuxanai benakin jau ikun besti wakubainunbunwen.

Hebreus 11:6 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Salmos 73:28

Hakia earã, Deus anu ẽ kemaii. Ẽ hakiri haskakainairã, harã, peki. Mĩ ẽ shanẽ ibu Senhor Deusuũ, mĩ ea mekekĩ arumiski. Mĩ dasibi ea haska washũmis mikiri ẽ txanikaũkatsis ikaii.

Provérbios 11:18

Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Provérbios 8:17

Tsuabũra ea betxipaiaiburã, eãri ẽ hatu betxipaimiski. Tsuabũra ea benai eki nukumisbuki.

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Jeremias 2:31

Ha dikabi mã ikis hiweaburã, pestã Senhor Deusũ hãtxa nĩkakãwẽ. Israelĩ enabuũ, earã, mã ea uianã, ẽ hanu tsua hiweabumanu keskamẽ, hawa hayamarã? Mai anu bari pesheama ẽ matu anua hunea keskamẽ? Ẽ haska matu ishuĩsmaki. Enabuũ, haskai hãtxa txakabukĩ yuikĩ: ‘Nukũ yununika nũ hayamawẽ taea mia anu nũ ana txĩtũkatsi ikamaki’, mã ikũkainai?

Números 14:11

Senhor Deusũ Moisés besti ana yuikĩ: —Ea danãkubaĩkĩ henekatsi ikabumaki. Hawẽ unãmati dami itxapa ẽ hatu uĩmabiakubirana ea ikũwãkatsi ikabumariki.

Números 20:12

hakia Senhor Deusũ Moisés inũ Arão ana yuikĩ: —Ũpash hatu amakĩ haska ẽ matu yunua shinãkĩ mã akama inũ hatu bebũshũ mã pe ea hatu kẽwãmamawẽ taea ha mai pepa hanu ẽ hatu ibuwamashanai anu ha yurabube kai maturi mã hikiama ishanaii— akĩ Senhor Deusũ ha dabe hatu kupinikiaki.

Mateus 11:26

—Epaã, ikũ haska wakatsi mekenishũ mĩ ma hatu unãmaii— itã yura betsabu mapushũ nĩkaibũ

Mateus 5:12

Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

Mateus 6:16

—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

Mateus 6:5

ana hatu yuikĩ: —Ha inũ, betsarã, ha hatũmebi kẽmisbũ itxati hiwe anu kasmai hemaĩtĩ anu nishũ hau ea nĩkakĩ kẽwãnũbũ ika hui kuxipawẽ Deus kẽwãmisbuki. Haska waibu Deusũ abuama yurabũ besti hatu abumisbuwẽ taea maturã, haskayamakubaĩshãkãwẽ.

Marcos 16:17

Haska inũ, tsuabũra ea ikũwaĩ haskakubaĩshanaibu matu yuinũ nĩkakãwẽ. Ẽ kuxipa hayashũ ẽ kenawẽ taeshũ yushĩ txakabu kaĩmashãkanikiki. Ha inũ, hãtxa bena tapĩriamawẽ hãtxashãkanikiki.

Lucas 12:31

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã— iwanã,

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 8:24

Haskakẽ matu yuikĩ: “Matũ txakabu hakimama mã mawashanaii”, akĩ ẽ matu yuishuki. Nĩkakãwẽ. Txanima ẽ hiwei ikibi ini mã ea ikũwãkatsi ikama matũ txakabuwẽ besti mã mawashanaii— hatu wa

Romanos 10:14

Haskakẽkaĩ hau Deusũ hatu mekekubainũ habũ Cristo ikũwãriabumanã, haskatã Cristo ea atirubumaki. Ha inũ, tsuabũra Cristokiri yusĩabu hawa nĩkariabumã hawẽ kakape ikũwãtirubumariki. Ha inũ, hatu yusĩriabumanushũ Cristokiri hawa tapĩtirubumariki.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Hebreus 11:26

Hanushũ Deus ikũwãkĩ hawara Deus yubakani manakĩ Egitonawabũ mabu pepa betsa betsapa Moisés inaĩbuwẽ taea Messias Cristo ha kẽwãma shanẽ ibu wabu hawẽ kẽtiru unãbiai shanẽ ibũ hiwe anua kaĩkaini Deus kẽwaĩ hatũ merabenã Messias Cristo hawenabubetã manakai bika tenei yumãbiai manakuti pepa Deus anua hawa benuama inãshanai Moisés haska katunikiaki.

Hebreus 3:12

Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.

Hebreus 4:2

Txanimaki. Matũ shenipabu hawẽ yubati hãtxa Deusũ Moisés hatu yuimani keska wakĩ hawẽ kakape hãtxa huĩrukũti betsakiri Jesusũ hawẽ tsumabu unãmatã hatu nukuri yusĩmani nũ nĩkariakubainaii. Nũ hatu keskatirumaki. Uĩrakubainãkãwẽ. Haskai nukũ shenipabũ hawẽ yuba hãtxa huĩrũkũtikiri nĩkabiai ikũwãma inũ hawa txibãma ikubainaibuwẽ taeshũ hawẽ mai pepa yubani anu hau hikiyamashanũbũ hatu yubanitũ hatu nemaniki.

Hebreus 4:6

Habu dukũ nukũ shenipabũ hawẽ hãtxa pepa nĩkabiatã danaĩ mai pepa huĩrukũti anu hikiama inibuki. Hakia betsabu hikinibuki. Natiã ha yubani hãtxarã, betsa wariamaki. Haskawẽ taea ha huĩrukũti pepa anu tsuabũra ikũwaĩ nũ hikishanaii.

Hebreus 7:19

Deusũ Moisés yunua hawẽ hãtxa keneni txibãbiai hatũ nuku pepawatirumakẽ hawẽ shãtukũ betsa yunukĩ nuku hawẽ yuba bena pehaira wakĩ ha txibaĩ haki dasitã Deusũ enabu kayabibu nũ hiweshanũbũ nuku ashuniki.

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.

2 Pedro 1:10

Ẽ betsabu inũ ẽ puibuũ, Deusũ matu kenashũ katutã hawena meribis matu wakatsis iniki. Mã hawenabu heneama ikatsis ikaiburã, txanima ikũwaĩ mã haki nukukatsis ikai matũ xinã mestẽtã ikubaĩkãwẽ. Haska tibi ẽ matu yunuai keskairã, mã haskakubainaiburã, babui txakabuwẽ taea kanei mã txĩtuãma ishãkanaii.

2 Pedro 1:5

Haskawẽ taea mã ikũwaĩ kuxipakĩ eska tibiwẽ ana matsãkĩ binumakubaĩkãwẽ. Jesus Cristo ikũwaĩ matũ xinãwẽ pe hiwekubaĩkãwẽ. Ana Deusũ kakape nĩka pehairawatã

2 Pedro 3:14

Ẽ betsabu inũ ẽ puibuũ, ẽ matuwẽ nui heneama ẽ matu yusĩkubainai eskakiri xinãkãwẽ. Hau dasibi mã hawa detsisma inũ hawa txakabu hayama inũ unãnuma mã hiwe bestikẽ hau Jesus Cristo matuki nukuyushanũ ẽ matu yusĩshu xinaĩ hakimama manakakubaĩshãkãwẽ.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.

Rute 2:12

Hau Deusũ mia manakunũwẽ. Enabu mĩ duawakubiranimawẽ taeshũ Israelĩ enabu mekenika Senhor Deusũ hãtxa mĩ txibãkatsi ikairã, hau mia pepawakubaĩriashanũwẽ— aka