Hebreus 11:32 - Kaxinawá Bíblia (BR)

³² Matũ shenipabũ Deus ikũwãkĩ Gideão inũ, Baraque inũ, Sansão inũ, Jefté inũ, Davi inũ, Samuel inũ, Deusũ hãtxa yuishunika betsa betsapabũ haska wakubainibu ana ẽ matu yuikatsi ibiakĩ haska washũ ẽ matu yui keyutirumaki.

Kashinawa : Diosun Jesúswen taexun yuba bena yiniki

³² Matun xenipabun Dios ikunwankin Gedeón inun, Barac inun, Sansón inun, Jefté inun, David inun, Samuel inun, Diosun jancha yuixunika betsa betsapabun jaska wakubainibu ana en matu yuikatsi ibiakin jaska waxun en matu yui keyutidumaki.

Hebreus 11:32 Referencias Cruzadas

Mateus 5:12

Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

Lucas 13:28

Hanushũ matũ shenipabu Abraão inũ hawẽ bake Isaque inũ hawẽ baba Jacó inũ Deusũ hãtxa yuishunika dasibi Deusũ mae anu dasiabu uĩ txai matu urenibuwẽ taea hatu uĩ haska mã mapeketirubumawẽ taea sheta yẽsh yẽsh iki mã kashakũkaĩshanaii.

Lucas 16:31

ana nemakĩ Abraãonẽ yuikĩ: “Moisés yusĩa txanima inũ Deusũ hãtxa yuishunikabũ hatu yusĩni hawa nĩkaisbumawẽ taeshũ huni mawa ana bestẽkaini kashũ minabu hatu yusĩbia hawa nĩkamari itirubuki”, akĩ Abraãonẽ nemaimaki— iwanã,

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Hechos 13:20

ha habu haska wakubirãkĩ 450 ano nitxiĩ bikanibukiaki. Hau hatu merabewayunũ mekenikabu besti wakĩ Deusũ habu yunukubaĩmis hawẽ henea Deus hãtxashunika Samuelĩ hatu mekeriaya

Hechos 3:24

Moisés besti haska hakiri txaniama hakia hawẽ hãtxa yuishunika tibi Deusũ hatu yuimakĩ Samuelwẽ taewakĩ haska Deusũ hawẽ bake yunushanaikiri yusĩ haburi txanikubainibuki.

Romanos 3:5

Yura betsã xinã txakai hãtxatiru keska matu xinãmanũ nĩkakãwẽ. Yura betsã ea yukakĩ: “Nũ txakabu betsa betsapa wamiswẽ taeshũ Deusũ hawẽ yubakawẽ nukuwẽ nuibiai haskai Deus pepama ikaskĩ nuku kupimismẽ? Haskakenã Deusrã, txakaburaka”, ikaya

Romanos 4:1

Deusũ hãtxa yuishunikatũ nukũ shenipabu Abraãokiri keneni eska yuiaki. Deusũ hãtxa Abraãonẽ ikũwãniwẽ taeshũ Deusũ xinãkĩ: “Abraão huni pepaki”, akinã, Abraãonẽ Deus ikũwãkubainai anikiri matu yuinũ nĩkakãwẽ. Abraãokiri Deusũ xinãkĩ: “Abraão pepai hiwekũkainaiwẽ taea huni pepaki”, ikaya Abraão ibubis kẽkeaniki. Hakia pepai hiwekũkainaiwẽ taeama hakia hawẽ hãtxawẽ Deusũ yubai nĩkakĩ tapĩtã ha besti Abraãonẽ txibãkubainiwẽ taeshũ Deusũ Abraãokiri pe unãti wakĩ xinãniki.

Romanos 6:1

Hanua yurabũ txakabuwakĩ Deusũ yusĩa txibãkubainabumawenã, nukunã ha xinãma yuikĩ hatũ Deus pepabia kemaĩ hau ana shabakabi hawẽ duapahaira nuku uĩmanũ nukubunã, txakabuwakĩ heneyamakubainãkãpa?

Romanos 7:7

Haskakẽ nũ xinãkĩ yuiairã: “Deusũ yunuti inũ hawẽ nemati hawẽ txakabukĩ danãmatimẽ?” Haskamaki. Haska Deusũ Moisés hawẽ yunuti inũ hawẽ nemati kenemabianikẽ hawẽ yusĩa ẽ nĩkaisma txakabu hakiri ẽ tapiãma ikeaniki. Hakia Deusũ nukũ shenipabu yusĩkĩ: “Hawara yura betsana xinaĩ hawẽ kemuyamakãwẽ”, ini ha ẽ tapiãma hawẽ kemuti txakabu ẽ unãma ikeaniki, kemu Deusũ nemabianikenã.

Santiago 5:10

Ẽ betsabu inũ ẽ puibuũ, nukũ shenipabũ Deusũ hãtxa yuishunikabũ Deusũ hãtxa shabakabi hatu yusĩ bika tenebiai hĩ hĩ ikama tenetã hiwepaunibukiri xinaĩ habiaskariai hiwekubaĩkãwẽ.

2 Pedro 3:2

Xinãkãwẽ. Uatiã Deusũ hãtxa yuishunika meribibũ yusĩnibu inũ ha dikabi nukũ Shanẽ Ibu mekenã hãtxa nuku yununi habias hawẽ kuxipayabũ matu yusĩkubainaibu hakimayamakubaĩkãwẽ.

Juízes 13:24

Haska waima hiweatiã Manoá ainẽ bake bi tuyatã huni bake kaiã kenakĩ: “Sansãoki”, akimabu Senhor Deusũ duawakĩ pepa wakubainaya hatũ bake ewai ma yumekẽ

Juízes 15:20

Ha maiwã hirabi Filisteu nawabũ Israelĩ enabu hatu yunukĩ itxakawaibutiã 20 ano kaya Israelĩ enabũ Sansão hatũ unãti wanika kushipa merabenã shanẽ ibui hiweyunikiaki.

Juízes 4:1

Senhor Deusũ unãti wanika kushipa betsa Eúde ma mawakẽ hanua Israelĩ enabu ana txakabui txĩtũtã hatũ hiwea peama txakabuwaibũ Senhor Deus hatuki sinataiwẽ

Juízes 6:1

Ha 40 ano keyukainaya haska Senhor Deusũ hatu nemani keska hiwekĩ akama hatu uiãmaya keska Israelĩ enabũ ana txakabukubainaibuwẽ taeshũ Midiã nawabũ 7 ano Israelĩ enabu hau hatu itxakawakubaĩshanũbũ Senhor Deusũ hatu yunukĩ heneimakẽ

Juízes 6:11

Hanua mae betsa Ofra anu huni betsa Abiezerĩ enabu Joás ika anu Senhor Deusũ nai tsuma kushipa tashnia hi ewapa kushipa namã tsaua habianuri hanu haki vinho wanũ ishũ uva bimi pema pema akĩ hawẽ hene shuru shuru amisbu anurã, hau Midiã nawabũ uĩyamanũbũ hunetã Joásĩ huni bake Gideãonẽ ha mesti shekiwã tsekakĩ maiki kusha kusha akĩ shemeaya

Juízes 6:14

beiskĩ Senhor Deusũ yuikĩ: —Minabu Israelĩ enabu merabewakĩ Midiã nawabũ kushipa mebĩkĩ haska mĩ kushipa hayawẽ hatu merabewariwe, eã ẽ mia yunukĩ nitxiaĩwẽ taeshunã— aka

1 Samuel 1:20

merabewaya Anã ma bake bi tuyaima ewatã huni bake kaiã Senhor Deus ma yukakĩ ea akimawẽ taeshũ kenakĩ: “Samuelki”, anikiaki.

1 Samuel 12:11

Mã unanuma hiwekatsis ikaiwẽ taeshũ Senhor Deusũ matu nĩkatã matuki sinatakĩ matu itxakawaibu hau habũ matu nemashũkubainũbũ Gideão Jerubaal inũ, Baraque inũ, Jefté inũ, ea Samuel Senhor Deusũ nuku yunuakeakekubaĩshinaki.

1 Samuel 16:1

Atimas Senhor Deusũ Samuel yuikĩ: —Saulwẽ taearã, hatiã hawẽ nui kashakũkaini mĩ hakimashanai? Israelĩ enabu Saul hatu shanẽ ibushũkũkainai ana haskai ẽ betxipaiamaki, mĩ haska shinainã. Menã benikaĩ ha piti sheni mĩ txashuwã mashũ bishtuki mata watã Belém anu huni betsa Jessé hiwea anua hawẽ huni bake betsa hau ha Israelĩ enabu shanẽ ibushũkũkaĩshanũ ẽ ma katushinawẽ taea hari katãwẽ— aka

1 Samuel 16:13

haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.

1 Samuel 17:45

hanushũ Davĩ kemakĩ yuikĩ: —Miarã, hashi dabe inũ matxatu txaipa kenuhairayatũ ea detenũ ika mĩ huaii. Hakia eanã, Israelĩ enabu mĩ hatu mesewakĩ datekubainaiwẽ taea hatũ mekenika Senhor Deus dasibi kushipa binuatũ kenawẽ taea mibe detenamenũ ika eari ẽ huaii.

1 Samuel 2:11

hanua Elcana hawenabube hawẽ mae Ramá anu txĩtũbaini hikiabũ hakia hau Elĩ yunua Senhor Deus dayashũkũkaĩshanũ hawẽ huni bake Samuel Anã bashishũbainikiaki.

1 Samuel 2:18

haskabiaibũ Samuelĩ éfode tari mãyunepa yura putxinĩ kesua saweshũ bakeishtã Senhor Deus duawakĩ Deusbe hatu hãtxashunika shanẽ ibu Eli merabewakubainaya

1 Samuel 2:4

Tsakanamemis kushipabũ kanũ tekekubaĩkĩ babuaibu hawẽ kushipa Senhor Deusũ hatu sawemamiski.