Hebreus 1:6 - Kaxinawá Bíblia (BR)

⁶ Kene betsa anushũ hawẽ bake bestitxai nukũ Hutxi Kayabi Iuwa yurabube hiwemashanaikiri hatuki txanikĩ yuikĩ: “Hau dasibi ẽ nai tsumabũ ẽ bake duawakĩ kẽwãriashanũbũwẽ”, arianiki.

Kashinawa : Diosun Jesúswen taexun yuba bena yiniki

⁶ Kene betsa anuxun jawen bake bestichai nukun Juchi Kayabi Iyua yudabube jiwemaxanaikidi jatuki chanikin yuikin: “Jau dasibi en nai tsumabun en bake duawakin kenwandiaxanunbunwen”, adianiki.

Hebreus 1:6 Referencias Cruzadas

Mateus 24:14

Ha inũ, betsarã, nawa dasibibũ hau ekiri unãnũbũ ẽ ana huriamakẽ yurabu maniakeakeabu dasibibu tsuabũra ẽ kakapekiri habũ hatu yusĩkubaũshãkanikiki. Nawa shukua tibibũ hau kakape ekiri nĩkanũbũ hatu yusĩkĩ menetanaibũs ẽ ana hushanaii.

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

Romanos 8:29

Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.

Colosenses 1:15

Deus tsuã uĩtirumabiakẽ Cristo ha itsa shabakabi uĩkubainibuki. Hawa dasibi dami wariama hawẽ bake kayabi bestitxai hayaniki.

Colosenses 1:18

Ha dikabi Cristo hawẽ hiweawẽ nukũ Shanẽ Ibushanũ ika kuxipai hawẽ bushkai nuku ishuniki, nũ ikũwaĩbũ hawẽ yura nũ ishanũbunã. Ha dukũ hiweniwẽ taea mawamisbu kuxipa binui ha dukũ mawabu anua besteĩ taekĩ dasibi hatũ dukũ binu keyuniki.

Hebreus 1:5

Deus hawẽ bakekiri hãtxani matu yuinũ nĩkakãwẽ. Deusũ hawẽ nai tsuma betsa yuikĩ: “Mĩ ẽ bakeki”, akĩ betsa yuitaskama inikiaki. Hakia hawẽ bake bestikiri hãtxairã, eskaniki: “Mĩ ẽ bakerã, natiã ẽ hiwea mia inãkĩ ẽ mia yunuaii”, aniki. Ha inũ, hawẽ nai tsumabukiri haska yuiamabia hawẽ bakekiri yuikĩ: “Earã, ẽ hatũ epa ikũkaĩshanaii, hawenarã. Harã, ẽ bake ikũkaĩshanikiki, enarã”, Deusũ arianiki. Hakia hawẽ nai tsumabu hawẽ bakebumawẽ taea haska hatu yuitaskama iniki.

Hebreus 10:5

Haskakẽ Jesus Cristo mai anu dami tashnimashũ yurabu yusĩkĩ taewakatsi hawẽ Epa Deus yuikĩ: “Epaã, yuinaka inũ shekiwã duru kuaibu besti mĩ ana abuamaki. Haskakẽ mĩ xinãwẽ ẽ akubaĩshanũ huni kuĩ yura mĩ ea inãniki.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

1 João 4:9

Jesus ikũwaĩ hawẽ taea nũ hiwea hayashanũbũ Deusũ hawẽ bake bestitxai yurabu anu yununiki, nukuwẽ nuikĩ nuku abuai nuku uĩmakinã.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.