Hebreus 1:14 - Kaxinawá Bíblia (BR)

¹⁴ Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Kashinawa : Diosun Jesúswen taexun yuba bena yiniki

¹⁴ Ja inun, Diosun jawenabu kayabi jabun jiwea ikibi ika bitan nun paxaxanaibu nuku yaushikin jawen nai tsumabun jau nuku mekekubainunbun Epa Diosun jatu yunukubainmiski. Dasibi Diosun nai tsumabudan, yushinki, jabun Diosun daya axunmisbudan.

Hebreus 1:14 Referencias Cruzadas

Gênesis 32:24

Jacó besti niti ikẽ huni betsa hushũ maemakatsi ikĩ meshu merã habe tsumanametã tĩ anũ ishũ ashĩkĩ penaya huni betsã Jacó maematiruma huni betsã kishtĩkĩ Jacó kishtush atã

1 Reis 22:19

shanẽ ibuhaira Acabeki dateama Micaíasĩ yuikĩ: —Haska mĩ ekiri hãtxaiwẽ taeshũ Senhor Deusũ hãtxa nĩkawe. Hawẽ shanẽ ibuhaira tsauti anu Senhor Deus tsaua dasibi hawẽ mekenika nai tsumabu ha namã itxa hatiri hawẽ tae yusiuri mapuabu inũ hatiri hawẽ tae yusmauri mapuabu Senhor Deusũ hatu yuikĩ: “Ramote-Gileade mebinũ ika Síria nawabube detenamei hau tĩ ika mawashanũ tsua mã kai, Acabe parainã?” hatu wa betsã hatũ shinã tibi besti yuiaibũ betsãri hatũ shinã betsakiri yuiriaibũ hakia atimas yushĩ betsa Senhor Deus bebũ nishũ yuikĩ: “Ea ẽ katiruki”, aka Senhor Deusũ kemakĩ: “Mĩ haskatã aki kai?” aka yushinẽ kemakĩ: “Hau txanitxakanũbũ kashũ shanẽ ibuhaira Acabẽ mĩ hãtxa yuishunikabu tibiki hikitã ẽ hatu txanitxakamai kaii”, ikai nĩkatã Senhor Deusũ yuikĩ: “Parãkĩ Acabe mĩ binushanaii. Haska mĩ yuiai keska ashũtãwẽ”, aka huai ẽ uĩshuki.

Jó 1:6

Hanua shaba betsatiã Senhor Deus bebũ hau benũbũ hawẽ nai tsumabu hatu kena bei itxabũ habiatiãri nai tsuma itxakanika Satanásri hua hatube nikẽ

Salmos 34:7

Tsuabũra Senhor Deuskiri pe hãtxakĩ kẽwãkubainaiburã, hawẽ nai tsumã hatu keshe pewashũ hatu piskumamiski.

Daniel 3:28

habiatiãri hawaira Nabucodonosorĩ hatu yuikĩ: —Sadraque inũ, Mesaque inũ, Abede-Nego hatũ mekenika yushĩ Deus dasibibũ hau kẽwãkubaĩshanũbũwẽ! Habu mawaki dateama hatũ mekenika Deus ikũwaĩ hawara yushĩ betsa bebũ dãti ishũ kẽwaĩsbuma inũ ea ẽ shanẽ ibũ yunuti hãtxa hawa akabumawẽ taeshũ txiwẽ nũ hatu kupiaya hatũ mekenika Deusũ hawẽ nai tsuma yunukĩ hawẽ dayarubu txanima txi nemashũkĩ hatu merabewashuki.

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Mateus 1:20

xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ.

Mateus 18:10

ana nuku yusĩkĩ: —Na bakeixtã ea ikũwaĩ keskabu hawa keĩsbumarã, Deusũ nai tsumabũ hatu mekei ẽ Epabe beisinaĩ habe hãtxakĩ hatu merabewamisbuwẽ taeshũ hawa hatu itxakawakĩ danãyamakubaĩkãwẽ— iwanã,

Mateus 2:13

Bixi unãnikabu ma inũ buabũ habiatiãri José usha namaya Deusũ nai tsumã yuikĩ: “Joséẽ, hawaira bestẽwẽ. Shanẽ ibu Herodesĩ bakeixta detenũ, iwanã, hatu benamayuikiki. Hawaira bestẽtã ha bake hawẽ ewabe iyukĩ Egito anu hatu pashawaritãwẽ. ‘Iwewe’, iwanã, ẽ mia yuiriama habiari hiweyushãwẽ”, aka

Mateus 24:31

Deusũ hawẽ nai tsumabu yunua hawẽ trombeta txaã akĩ hawẽ katuabu mai hirabi anu manibaunabu hatu itxawashãkanikiki.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 4:11

hanushũ Satanásã heneyubainaya Deusũ nai tsumabu beshũ Jesus merabewakĩ duawanibukiaki.

Marcos 10:17

Hanua Jesus ana kaĩkainaya huni betsa kuxikirã haki nukutã ha bebũ dãti itã yukakĩ: —Yusĩnã pepaã, Mia yukapa? Hiwea kayabi bikinã, haska kayatã ẽ bitirumẽ? Ea yuiwe— aka

Lucas 1:19

nai tsumã yuikĩ: —Earã, ẽ Gabrielki, nai tsuma shanẽ iburã. Deus dayashuni ẽ hãtxashũmiski. Ẽ mibe hãtxanũ na kakape Deusũ ea yunushuki.

Lucas 1:23

Templo anua hatũ daya ushe bestitxai nitxĩtã Zacarias inũ kashũ

Lucas 16:22

hanua Lázaro nuitapai mawa hawẽ shenipabu Abraão anu hau pepa besti hiwenũ Deusũ nai tsumabũ hawẽ yushĩ iyuabu hanua hatiãra ha mabuhairayari mawa hawenabũ maiwabu

Lucas 2:13

hakimamari nai tsuma mirimahaira damibirã habetã Deus kẽwaĩ nawakĩ yuikĩ:

Lucas 2:9

Deusũ nai tsuma damia Deusũ kuxipawẽ txashahaira hatu dapi nia txashuwã mekemisbũ uĩ datehairaibu

Hechos 11:22

Hanua Antioquia anushũ judeubumã ikũwaĩbukiri Jerusalém anushũ ikũwaĩbũ hatu nĩkatã Barnabẽ hau hatu merabewatanũ yunuabu

Hechos 12:23

Herodesĩ haska waibu unãkĩ nĩkabiakĩ hatu hawa nemama hatũri Deus kẽwãkatsi ikamawẽ taeshũ hawaira Deusũ nai tsumã Herodes kupikĩ isĩ tenemaya nami shenã kaiãnẽ pia mawanikiaki.

Hechos 12:7

hanua bitxiti hiwe merã Deusũ nai tsuma damii hiki txashai shabakaĩ bitxiti dĩtu merã shaba wa nitã nai tsumã Pedro usha bestẽwãkĩ tima tima aka besteĩ tekuitanai yuikĩ: —Menaã, hawaira beniriwe— akaya ha Pedro mane dispi soldadobube meneshekea hawaira hamebi txurekei niri ikaya

Hechos 13:2

Hanua ana shaba betsatiã habu itxatã samakekĩ Deus kẽwaĩbũ Deusũ Yushĩ Pepatũ hatu yuikĩ: —Barnabé inũ Saulo daya betsa ma ẽ hatu kenani ẽ hatu yunukatsis ikaya hau dayatanũbũ meribi hatu nitxĩkãwẽ— hatu wa

Hechos 16:26

haskabiama e iskaũ hawaira patxa sakui mixki bitxiti hiwe wanibu takash takash akaya ha haska waya beputi tibi hamebi bepẽmanai keyuaya huni tibi mane dispiwẽ meneshekeabu hamebi txurekei niri iki keyuaya

Hechos 27:23

Mexu merã ẽ Deus ha ẽ dayashũmis ea mekemistũ hawẽ nai tsuma yunua hushũ

Hechos 5:19

hanushũ mexu merã Deusũ nai tsuma hushũ habũ mekeabu hatu unãmamatã bitxiti hiwe beputi bepẽtã hatu kaĩmatã yuikĩ:

Romanos 13:6

Ha inũ, matũ governo shanẽ ibu Deusũ katuatũ matu mekekĩ Deus dayashunaibuwẽ taeshũ matũ shanẽ ibubũ hawẽ merabewati pei hawara matũ daya pei mã biai matu yukaibu shabakabi inãkĩ hatu pakakubaĩkãwẽ, yura dasibibũ pei itxawashũ hatũmebi hatũ hawara hamapai biti pei bishũ arutã pei teshewẽ hau yura dasibibu merabewakubainũbunã.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 15:27

Ha inũ, haska hatukiri xinã pewatã txanima hatu ashũxinabuki. Eska xinãkinã, hawara hawẽ katuabu Israelbu Deusũ hatu yubani hatu inãkĩ Israelbumari inãkubainaiwẽ taeshũ Israelbumã hawara pepa Israelbu hatube manakunãkĩ Macedônia anuabu inũ Acaia anuabũ habuã habu mabuyabũ hatũ hamapai biti pei yauxiabuma pashkashũ Jerusalém anu nuitapaibu duawakĩ hatu inãkatsi hatu manakamabuki.

Romanos 8:17

Haskakẽ Cristoki nũ ma dasiabuwẽ taea nũ ma Deusũ bakebuki. Haska inũ, yura betsabũ hawara bika nuku tenemaibu Cristõ tenekubaini keska wakĩ hawa yuiama nũ tenekubainaii. Haskawẽ taea naiuri hawa ana bika teneama nũ habe hiweshanaii.

1 Coríntios 1:21

Haska inũ, yura betsa betsapa unãnepabiakĩ Deus unãbumakẽ nukũ Epa Deusũ dasibi unãhairakĩ kakape nuku hatu yusĩmaya itxapabũ danãkĩ: “Tatima ikanikiki!”, ibiaibũ nũ matu yusĩayã Cristo mã ikũwaĩbu hawenabu Deusũ matu waniki, niti akamarã. Haskakĩ mã xinã betsa watã ikũwãyã matuwẽ Deus benimakũkainikiki.

2 Coríntios 9:12

Hawara Deusũ matu amakatsi ikai txibãkĩ Cristo ma ikũwaĩwẽ hawẽ kakapewẽ matu betsa wa yura betsabu shabakabi merabewakĩ mã hatu uĩmashanaii. Ha inũ, na mã hatu merabewashanai nukũ betsabu Jerusalém anua hawa hayabumakẽ nũ hatu bushuã bitã benimakĩ Deus kẽhairawashãkanikiki, matũ pepawẽ taeshunã.

Gálatas 3:29

Mã Cristonaburã, habia mã Abraãonẽ bababu dikabiwẽ taea haska Deusũ Abraão yubaniwẽ maturi hawenabui mã hiwea kayabi hayariashanaii.

Gálatas 3:7

Haskakẽ tsuabũra Deus ikũwãkĩ Jesus txibãmisbu Abraãonẽ bababu kayabibuki.

Gálatas 3:9

Haskakẽ Abraãonẽ ikũwãyã Deusũ duawani keska wakĩ tsuabũra hawẽ bake ikũwaĩbu Deusũ duawariamiski, hiwekuĩmakinã.

Efésios 3:6

Uatiã Deus yubakakĩ hunenirã, shabakabi matu yuinũ nĩkakãwẽ. Yurabu betsa betsapa tsuabũra Jesus Cristokiri kakape nĩkakĩ ikũwaĩbu Deusũ hiwekuĩa hatu inãkatsi ma hatu kenaikiki, habias yura inũ habias yubani Israelbube hawenabu ashanai keska wakinã.

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

Filipenses 2:25

Ha dikabi ha dabe ẽ hatukiri xinaĩnã, nukubetã ikũwaĩ Epafroditõ hau ea merabewanũ mã eanu nitxĩma ea merabewai ebe dayai bika tenekũkainai Cristokiri kakape yusĩmis ana matu anu ẽ nitxĩyukatsis ikaii.

Tito 3:7

Nukũmebi nũ Deus hawa pepa ashũtirumabiakẽ duapa nukuwẽ nuikĩ nukũ txakabu nuku buashũtã hawẽ pepawẽ hawẽ hiwekuĩti nũ bishanai nũ hawẽ manakanũ hawẽ Yushĩ Pepa nukuki dasiwaniki.

Hebreus 10:11

Haska inũ, hatũ txakabu hatu buashunũ, iwanã, inãkuĩ betsa betsapa Deus inãkĩ habias bestikima yuinaka kuai bikamisbuki, haskawẽ hatũ txakabu tere akĩ keyutirubumabia Deuski nukuti Templo hemaĩtĩ anu dayakĩ bari tibi nukunabu Deusbe hãtxashunikabũ habiawẽs daewati wakubaĩmisbuki.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

Hebreus 6:12

Ha inũ, Jesus txibaĩ txikixi hau mã punu nukayamanũbũ Jesus ikũwãkubaĩkĩ hawẽ unãnuma hiweti Deus yubakani bikubainaibu keska wakĩ hatu txibãkĩ pepa besti wakubaĩkãwẽ, hanu mã mawaitianã.

Hebreus 6:17

Deus haska yubakani meneshanai hawẽ yubakatirã, hawa maewama tsuabũra txanima ikũwãkĩ shabakabi bishanaibu hatu inãkatsi Deus hawẽ bakewẽ txanima ashanai hakiri yubakaniki, mestẽwainã.

Hebreus 8:6

Hakia Cristo nuku hãtxashunika kayabirã, ha hawẽ Epabe nuku hãtxashũkĩ nukukiriri xinaĩ nukuwẽ dabanã Deus hakiri yuba bena pehaira ana tsuã betsa watima waniki, hawẽ taeshũ hawa kanetima txanima yuba mestẽwãkinã.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

1 Pedro 1:4

Nai anu hawa yamatiruma inũ, mexu tsamitiruma inũ, hawa txapui niri itiruma Deus matuki tanatã hawara pepa aruni Jesus Cristõ hawẽ manakukĩ matu inãkeakeshanikiki, mã hawẽ hiweshanũbunã.

1 Pedro 3:7

Ha dikabi mã huni aĩyãbuũ, maturi yuinũ nĩkakãwẽ. Matũ aĩ matube hiwea habebis nĩkakanãkubaĩkãwẽ. Hatũ yura kuxipa beshmas mã unaiĩ. Haskabiakẽ Deusũ habe matu hiwekuĩa inãshanai keska haska Deusũ abuai keska matũ aĩri hatu uĩmakĩ duawariakubaĩkãwẽ. Mã haskamiswẽ taeshũ Deusbe hãtxakĩ mã yukai matu nĩkakubaĩshanikiki. Hamẽ haskama mã habe hiwetxakashũ Deus yukairã, matu hawa nĩkama ishanikiki.

Judas 1:14

Ha dukũ Adãowẽ pakea setewẽ hawẽ baba Enoquetiã ha yurabu txakabukiri bebũkiri Deus hãtxashũkĩ yuikĩ: “Uĩa. Yavé Deus huirã, hawẽ nai tsuma mirima tsuã hati tanatirumaya hushũ

Apocalipse 5:6

hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki.