Gênesis 6:11 - Kaxinawá Bíblia (BR)

^11-13 Mai anu hiweabu txakabui detenamei itxakanikai hatũ mae txakabuwapaunibukiaki. Hatũ txakabu uĩkĩ Deusũ Noé yuikĩ: “Yurabũ shinã txakakĩ akaibu uĩtã eska hatukiri ẽ shinãshinaki. Mai anu ibubis txakabuwaibuwẽ taeshũ yurabu dasibi inũ mai anuabu dasibi ẽ hatu tenãkĩ keyushanaii, yamawakinã”, iwanã,

Gênesis 6:11 Referencias Cruzadas

Gênesis 13:13

Hanua Sodoma nawabu hiweaburã, hunibu txakabu atimapahairakĩ Senhor Deus danaĩ txakakubainibukiaki.

Gênesis 6:10

huni bake dabe inũ besti bawashũ hatu kenakĩ: “Sem inũ Cam inũ Jaféki”, anikiaki.

Gênesis 7:1

Hanushũ Deusũ Noé yuikĩ: “Yura dasibibube mĩ hiwebia mia besti mĩ pepaki, ẽ hãtxa nĩkai hiwekũkainirã. Haskawẽ taea nunuti merã minabuyas hikiriwe” atã

Êxodo 32:7

hanua haskaibũ Senhor Deusũ Moisés yuikĩ: —Uĩwẽ. Minabu Egito anua mĩ hatu iweimarã, hatũmebi txakabui benukanikiki. Hatu uĩ hawaira butukaĩtãwẽ.

Isaías 60:18

Matũ mai pakea Israel anua itimaskai detenamebaunaibu mã ana nĩka taskama ishanaii. Habianuri matũ mae ana yamawama inũ hiwe di akama ishãkanikiki. Hakia matũ maewã kenekauana kenakinã: ‘Hanu Mekea Kayabi Pepaki’, akĩ hawẽ beputirã, ‘Benimakĩ Kẽwãtiki’, ashãkanikiki.

Habacuque 1:2

Ea Habacuque punu nukashũ Senhor Deus yukakĩ: “Senhor Deusuũ, merabe ẽ mia yukabia mĩ ea nĩkama hatiki mia yukakubaĩshãpa? Pubẽkĩ nuku itxakawaibu hatu nuku nemashũkĩ beshteshuni mĩ huriamakẽ hatiki kashayabi mia yukakubaĩshãpa?

Habacuque 2:17

Líbano mati matipa anushũ hatũ himi haba wakĩ mã hatu detekubainiwẽ taeshũ habiaskari wakĩ maturi detekĩ matũ himiri haba wariakubaĩshãkanikiki, matũ inabu tenã keyukĩ matu datehairakinã.

Habacuque 2:8

Matuki sinatabirani nawa betsaburi itxatã mã hatũ mabu inũ hatũ pei mã hatu mebini keska wariakĩ matunari dasibi matu mebĩkĩ keyushãkanikiki. Hatũ mai pakea anushũ hanu hiweabu inũ hatũ maewã tibi mã hatu txakabu wakubaini tibiwẽ taeshũ maturi kupikĩ manakushãkanikiki.

Romanos 2:13

Ha inũ, tsuabũra hawẽ hãtxa nĩka bestikĩ Deus benimawatirubumaki, hawa txibãmarã. Hakia tsuabũra hawẽ hãtxa yununi nĩkatã habias txibãkubaĩmisbu hatuwẽ benimakĩ hatũ txakabu ana xinãma Deusũ hatukiri pe xinãshanikiki.

Romanos 3:19

Haskakẽ Moisés inũ Deusũ hãtxa yuishunikabũ yusĩni unãhairabianibu: “Mã pepaki”, akĩ Deusũ hatu haskakiri xinãkĩ yuiamaki. Hakia haska yura dasibi mai hirabi anuabũ txakabuwakĩ nũ kanemis nuku unãti washanai dasibibu Deus bebunua nũ hawa hãtxatirumaki.

Juízes 2:19

hakia hatũ shanẽ ibu unãti wanika kushipa tibi mawakubainaibũ hatũ txakabu shinaĩ ana txĩtuĩ yushibubu betsa betsapa duawakĩ kẽwaĩ hatũ epabu binui txakabu pikui hatũ beya txakabu henekatsi ikama inũ hatũ huĩti kushi pewakatsi ikama ikubainibukiaki.