Gênesis 5:22 - Kaxinawá Bíblia (BR)

²² ana Enoque 300 bari hiwei Deusũ yunua ashuĩ habe haibunamekũkaĩkĩ huni bakebu inũ aĩbu bakebu bawakubaini

Gênesis 5:22 Referencias Cruzadas

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Gênesis 24:40

ea ana yuikĩ: “Senhor Deusũ ea mekeaya ẽ hawẽ hiwekũkaĩmiski. Hatũ hawẽ nai tsuma mibe yunua mia merabewabaina aĩbu ẽ epã enabu anua ẽ bake Isaque mĩ iweshũshanaii. Aĩbu enabu anua mĩ iwea mĩ ebe yubakashu haska wakĩ mĩ keyua mĩ benimashanaii.

Gênesis 48:15

Israelĩ José dukũ pepawẽ duawakĩ eska wanikiaki. —Ẽ shenipabu Abraão inũ Isaque txibãkubainitũ ha Deusũri ẽ tashnini anua ea mekemis habiatũri txakabu betsa betsapa ea binumamistũ na berunã dabe hau hatu duawakĩ pe hatu hiwemakubaĩshanũwẽ, hau habuwẽ ẽ kena inũ ẽ shenipabu Abraão inũ Isaque kena hau hakimama shinãpakeshanũbunã. Hau Deusũ hatu pa wapashanũwẽ, bake mirima hatu wamakinã. Hau mai hirabi anu hiwei yura mirima habus hau ipashanũbũwẽ— akaya

Gênesis 5:21

Enoque 65 bariyatũ huni bake bawaima kaiã kenakĩ: “Metusalémki”, anishũ

Gênesis 5:23

Deusbe haibui habe nia 365 bariya mawama hau habe hiwei kanũ nai anu Deusũ iyukẽ hawenabũ benabu mai anu yamanikiaki.

1 Reis 2:4

Senhor Deusũ bebũkiri ea yubaniwẽ taea mã ẽ bakebũ matũ shinã hirabiwẽ inũ matũ yushĩ hirabiwẽ mã enabu pakubaĩkĩ hawa txakabuwama txanima ibubis mekei pe hiwekũkaini mã enabu Israelĩ enabu shanẽ ibuhairai ikubaĩshãkanaii, hawa heneama ipakeirã, mã Senhor Deusũ hãtxa txibãkubainaiburã.

Salmos 16:8

Eã ẽ mia hawa pashkamakẽ mĩ eberi nikũkainaya tsuãra ea kanemakĩ ea txakabu amatirumaki.

Êxodo 16:4

hanushũ Senhor Deusũ Moisés yuikĩ: —Piti nai anua ui keska wakĩ ẽ matu niri ashuaiĩ. Ha yurabũ shaba tibi kaĩbaĩ hati ha shabatiã besti pitirubu hau itxawakubaĩshanũbũwẽ. Tsuabũra ẽ yunuti nĩkaibu inũ tsuabũra ea nĩkabuma ẽ hatu unãti wakatsis ikaii.

Amós 3:3

Habias shinã wãtã yura dabe ketashamea maputirubuki, pepa besti akubainirã.

Miquéias 4:5

Haskabiashanaya ikis yura shukuabu betsa betsapabũ hatũ mekenika yushibu nĩkakĩ ha txibãkanikiki. Hamẽ nukubunã, nukũ mekenika Senhor Deusũ yusĩti hãtxa nĩkakĩ ha heneama nũ ha txibãkubainaii.

Miquéias 6:8

Hunibuũ, Senhor Deus daewakĩ mã haska watirumahairaki. Hawara pepakiri Senhor Deusũ ma matu yuinishũ matu manaikiki. Hawẽ yunuti kushipa kaneama inũ, pepa aki betxipainamei yura betsabuwẽ nuikũkaini inũ, ibubis keãma matũ mekenika Deusũ hãtxa nĩkakĩ ha besti txibãkubaĩkãwẽ, matu waniki.

Malaquias 2:6

Levĩ hatu yusĩkinã, hawa txakabu hatu yuiama txanima hãtxa hatu yusĩkubaĩkĩ hau txakabuwayamanũbũ Israelĩ enabu mirima nemakĩ unanuma pepai ebe ketashamea ikubainibuki.

Hechos 9:31

Ha haskaibutiã ikũwaĩbu Judéia mai pakea anuabu inũ, Galiléia mai pakea anuabu inũ, Samaria mai pakea anuabu itxakawakĩ ana tsuã hatu meabuma unãnuma hawama hiwei hanua ikũwaĩbu kuxipai Deus kuxipaki meseaibũ hawẽ Yushĩ Pepatũ hatu merabewaya ana itxapabũ ikũwaĩ mirimabu hatuki dasikubaini hiwenibukiaki.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

1 Coríntios 7:17

Mae tibi anushũ ikũwaĩbu hanu itxamisbu tibi anu kakũkaũkĩ haska ẽ yusĩmis habiaskari matu yuinũ nĩkakãwẽ. Haska bebũkiri mã haska beyawẽ hiwea nukũ Shanẽ Ibũ matu hiwemashanũ, iwanã, Deusũ matu tibi katukĩ kenaniki, haska Deusũ hawẽ xinãnẽ haska matũ hiwea matu betsawamani hawa ana xinãma hau mã Jesus txibã bestikubainunã.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Efésios 5:15

Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.

Deuteronômio 13:4

Hakia matũ mekenika Senhor Deus besti txibãkĩ kẽwaĩ haki dasia hiweshũ hawẽ hui nĩkakĩ hawẽ yunuti inũ hawẽ nemati akubaĩkĩ dayashũkĩ duawakubaĩshãkãwẽ, yusinã betsa betsapabu nĩkamarã.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Colosenses 4:5

Haskakẽ ikũwãbumabe mã hiwearã, hatube merabenaĩ pe hiwei unãnepakĩ hatu duawariakubaĩkãwẽ, Cristo mã ikũwaĩ haska bestikiri hãtxakĩ hatu ikũwãmakinã.

1 Tesalonicenses 4:1

Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.