Gênesis 47:22 - Kaxinawá Bíblia (BR)

²² Habũ hawẽ yushĩ tibi Faraó kẽwãshũmisbu mukayabu besti Faraónẽ hatu piti inãkubaina pikubainaibuwẽ taeshũ habũ bai besti José hatu mebiãma inikiaki.

Gênesis 47:22 Referencias Cruzadas

Gênesis 14:18

Salém shanẽ ibu Melquisedeque Deus dasibi binu keyuabe hawenabu hãtxashunika hari hawẽ tsumabu kariakĩ misi inũ uva vinho bushũ Abrão inũ hawẽ haibuaibu hatu pimatã

Gênesis 41:45

Egito hãtxawẽ José kena benawakĩ: “Zafenate-Panéiaki”, anikiaki, nukũ hãtxawẽ yuiarã: “Deus Hiweatũ Hãtxamamiski”, akĩ kenakĩnã. Haska watã Egito maewã betsa hawẽ kena Om anushũ hatũ mekenika deus hawenabu yukashũmis Potíferã aĩbu bake Asenate José bimakĩ aĩwãmaima haskai José shanẽ ibukĩ Egito mai pakea uĩkubaini hiwekũkainikiaki.

Gênesis 41:50

Hanua buni tekiriamatiã José huni bake dabe wanikiaki, hawẽ aĩ Asenatekirã.

Gênesis 47:23

Hanushũ José yurabu hatu yuikĩ: —Eskatianã, matu inũ matũ bairã, mã Faraónena bestiki. Ha bishũkĩ ẽ hawena matu wamashinaki. Haskawẽ taeshũ na shekiwã bimi hanu ui ikaitiã banashãkãwẽ. Ha benawati nũ hayaki.

Gênesis 47:26

José haska wakĩ yunuti kushipa niti ikama Egito hirabi anu wakĩ 5 mãtxĩ tibi anua bestitxai hau Faraó inãkubainũ barinũbũ hatu haska yununikiaki. Hakia hatũ yushĩ tibi Faraónẽ kẽwãshũmisbu mukayabũ hatũ bai tibi hawa Faraónẽ hatu meãmawẽ taeshũ habũ hawa pakama inibukiaki. Na haska yununirã, na eskatiã habias keyuama txibãriakubaĩkanikiki.

Esdras 7:24

Jerusalém anu Deus kẽwãti hiwe anu dayamisbu inũ, Deusbe hawenabu hãtxashunikabu inũ, Levĩ enabu inũ, kẽwaĩ kãtamisbu inũ, hawẽ hemaĩtĩ beputi mekemisbu inũ, merabewanikabu inũ, dayarubu imposto mã hatu yukayamakubaĩshanũbũ ẽ matu nemaii. Na yunuti hãtxa nĩkakĩ mã ẽ mekenikabunã, haskaki nĩkairakãwẽ.

Mateus 10:10

kapãkã buama tima tari betsa buama, matũ bitxi tae betsa buama, hawẽ mestẽti betsa buyamatãkãwẽ. Hakia mã haskakainaya dayakapabu pimamisbu keska wakĩ matu pimariashãkanikiki.

1 Coríntios 9:13

Ha inũ, Templo anushũ ha habu dayanikabũ yura betsabũ inãkuĩ Deus inaĩbu ha nami menushũkĩ hamapai betsa betsapa wakĩ habianushũri hatiri kuakĩ hatiri bikĩ hatũ piti dasibi bishũ hawenabu hatu pimamisbu mã unaiĩ.

Gálatas 6:6

Haska inũ, tsuabũra matũ yusĩnã Deusũ hãtxa matu yusĩaĩbu mã habu nĩkaibũ matũ hawara mã haya, piti inũ mabu inũ peirã, ha pashkatã matũ yusĩnã huni hatu inãkubaĩkãwẽ, merabewakinã.

2 Tesalonicenses 3:10

Haska matu yusĩ kaimashũ matu yunukĩ: “Tsuabura dayakatsi ikama txikixaiburã, hau hatu pimayamarianũbũwẽ”, iwanã, nũ matu yusĩmaki.

1 Timóteo 5:17

Mekenikabukiri ana mia yuinũ nĩkawe. Moisés Deusũ hãtxa kenekĩ: “Mĩ hemaĩtĩ anushũ mĩ ina awã hawẽ taewẽ mĩ shekiwã pema pema akĩ mia shemeshunaya dispiwẽ sheneshyamakãwẽ, hau dabukũ pinunã”, iwanã, yununiki. Haska yuikinã: “Dayakapabu hau hatu pakakubainũbũwẽ”, ani keska wakĩ mekenikabu tibi habũ matu yusĩaĩburã, haratura bestitũ Deusũ hãtxa matu yusĩ henekatsi ikama matu yusĩkĩ matu merabewakubainaibuwẽ taeshũ matũri ha matũ mekenika duawakĩ peiwẽ kasmai hawarawẽ merabewakĩ hawẽ hawara inãkubaĩkãwẽ.