Gênesis 47:17 - Kaxinawá Bíblia (BR)

¹⁷ haska nĩkabaĩ Egito nawabũ hatũ cavalo inũ, hatũ txashuwã inũ, hatũ ina awa inũ, hatũ jumento beshũpakeaibuwẽ taeshũ José shekiwãwẽ taeshũ ina hatu biãkubaĩkĩ bari bestitxai nitxĩtã

Gênesis 47:17 Referencias Cruzadas

Gênesis 47:16

José hatu yuikĩ: —Aa, haskamẽ, mã peiumarã? Ẽ hawẽ taeshũ shekiwã matube bianananunã, matũ inaburi beshũ biriakubaĩkãwẽ— hatu wa

Gênesis 47:18

hanushũ bari betsa binukainaya ana bari betsa tashniaya ana haki txani beshũ José yuikĩ: —Ana nũ mia daketapa wayuaki, nũ ana hawawẽ haskatimahairarã. Nũ mia parãmaki. Nukũ pei inũ nukũ inabu mina wakĩ mĩ ma keyushinaki, ana hawa betsawẽ nukũ piti nũ bitimakirã. Eska besti nũ hayaki, nukũ yura inũ nukũ bai nũ ha mia inãtirumamẽ?

Jó 2:4

hakia itxakanika Satanásã Senhor Deus kemakĩ yuikĩ: —Tsuabũra hawẽ hamapai txakabuwabiatã hawẽ yura mekĩ itxakawariama shinãkĩ: “Peki. Ẽ tenetiruki”, itirubuki. Hakia tsuãra hawẽ yura itxakawaya hatu daewakĩ hawa yaushiama dasibi hawara haya hatu inãtiruki, mawakatsi ikamarã.

Êxodo 9:3

ẽ kushipawẽ matũ inabu dasibi ea Senhor Deusũ hatu isĩ paepa inã basi anu mapua matũ cavalo inũ, matũ jumento, inũ matũ camelo, inũ matũ ina awa inũ, matũ txashuwã isĩ betsa paepawẽ mawashãkanikiki.

Isaías 31:1

Tsuabũra mã Egito anu merabe yukai mã buaiburã, mã peirashãkãwã! Cavalo itxapa mã hayatiru inũ, haki tarãbaĩti itxapa mã hayatiru inũ, cavaloki katsaumebaĩmisbu mirima mã hayawẽ taea ana tsuki dateama haki txiti itã shinãkĩ mã ikũwãtirubia harã, hamẽki, Israelĩ Deus meribi anu txĩtũkĩ mã shinã betsa wai uĩmakĩ benakatsi ikamarã.

Mateus 6:24

—Ha inũ, haratura dayarũ hawẽ shanẽ ibu dabe dayashũkĩ ha dabe merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri txibãkĩ ha dabe haska washũ mã duawatirumaki— iwanã,