Gênesis 47:14 - Kaxinawá Bíblia (BR)

¹⁴ hanushũ José shekiwã hatu inãkĩ Egito anua inũ Canaã anua hatũ daya pei ma hatu keyu biãtã Faraónẽ hiwe ewapa merã arushĩkẽ

Gênesis 47:14 Referencias Cruzadas

Gênesis 41:56

hatu haska waimakẽ mae betsa betsapa anu buni pabauni pikuaya hanushũ José hawẽ piti aruti hiwe anua Egito nawabu shekiwã peiwẽ hatu inãkatsi bepeãyã hawẽ tsumabũ hatu inãkĩ taewanibukiaki. Hatu haska waya buni pikukũkainaya hanua mai pakea tibi anuaburi hawa pitima Egito anu besti piti haya txaniaibu nĩkatã yura shukua betsa betsapatũ hanua binũ ika José anu bebirã bebiranibukiaki, hatũ mae anu hawa piti hayamawẽ taearã.

Gênesis 47:15

hanua Egito anua inũ Canaã anua habũ pei ma yamakẽ Egito nawabu José anu bushũ haki txanikĩ: —Ma nukũ pei mĩ nuku keyu biãshinaki. Nũ buniwẽ mawairã, pemaki. Miã nuku pimawe, nũ ana pei hayamakirã— akabu

Provérbios 11:26

Tsuabũra hawẽ shekiwã trigo hawẽ karu ana shekeshanũ, iwanã, yaushiai keskakĩ mekekĩ aruyukẽ hakiri hãtxa txakabu yuimisbuki. Hakia tsuabũra hawẽ shekiwã trigo hawẽ karu shekema peiwẽ hatu inananãmisbu hatu duawamisbuki.

1 Coríntios 4:2

Tsuara shanẽ ibu betsã hau hawẽ daya ashunũ yunuarã, hawẽ hãtxa nĩkatã txibãkĩ hau uĩmakubainũwẽ, kaneamarã.

1 Pedro 4:10

Haska Deusũ matu kuxipa inãkĩ duawamis hawẽ dayakĩ pewakubaĩkãwẽ, hawẽ duapa kuxipa tibi ma matu inãni mã hayawẽ taeshũ betsabu uĩmai merabenaĩnã.