Gênesis 45:3 - Kaxinawá Bíblia (BR)

³ José hawẽ betsabu shabakabi hatu unãmakĩ habũ hãtxawẽ hatu hãtxa wakĩ: —Earã, ẽ Joséki. Ẽ epa hiweyuamẽ?— hatu waya habũ itxakawanibuwẽ taea haki datetxakayamai huĩti metesheketxakayamatã hawa yuiama hashpa ha dapi mapuabũ

Gênesis 45:3 Referencias Cruzadas

Gênesis 42:21

hãtxa maewanika ma kakẽ habu besti hatũ hãtxa shabakabi yuinamei: —Nukunã, nukũ betsa José nũ itxakawaniki. José: “Ea haska wayamakãwẽ”, iki nuitapakĩ nuku haska wabiaya nũ nĩkama iniki. Haskawẽ taeshũ ikis nukũri nũ bika teneriaii— ikaibũ

Gênesis 42:22

hanushũ Rúben iyuatũ hatu yuikĩ: —Uĩkãwẽ. Ẽ matu yuibia: “Ha berunã itxakawayamanãkãwẽ”, ẽ matu wabia mã ea nĩkama iniki. Uiã, José tenanibuwẽ taeshũ manakukĩ nukuri txakabuwakĩ Deusũ nuku bika tenemaikiki— hatu waya

Gênesis 43:27

José hatu yukakĩ —Mã haska pe hushumẽ? Hamẽ matũ ibu anibu mã ea yuimarã, harã haskaramẽ? Hiweriamẽ?— hatu wa

Jó 4:5

Uatiã datema ibiamis natiã miari isĩ tenei hawẽ taea datekĩ mĩ kushipa mĩ ma benuamẽ?

Marcos 6:50

dateaibũ Jesusũ hatu hãtxawakĩ: —Ẽ eaki. Ewẽ dateyamakãwẽ— hatu watã

Lucas 5:8

baka mirima neshekãshuwẽ taea Simão Pedro inũ habe dayamisbu inũ Zebedeũ bakebu hawẽ haibu betsabu Tiago inũ João e e iki dateaibũ Simão dãti itã Jesus yuikĩ: —Yusĩnaã, ẽ huni txakabuki. Ea anua butukaini ea henebaini kariwe— abia Jesusũ yuikĩ: —Eki dateyamawe. Na ikis mĩ baka nesheshu keska wakĩ yurabu mĩ ea hatu itxawashũshanaii— aka

Hechos 7:13

Ana ha katxu betsatiã bunitxakayamakĩ ana piti bitanũ ika buabũ hanushũ Josẽ hatu unãmakĩ hãtxa wakĩ yuikĩ: “Ẽ matũ betsa Joséki”, akĩ hatu unãmaya Egito shanẽ ibu Faraónẽ nĩkatã: “José hawa nawamẽ?” itã xinãxĩkẽ

Hechos 9:5

Saulõ dateyabi yukakĩ: —Shanẽ ibuũ, mĩ tsua ikai?— aka hanushũ ha hui tashniaitũ Saulo ana yuikĩ: —Habia ea ikũwaĩbu mĩ ea hatu itxakãwainã, ẽ eaki, Jesusrã.

Apocalipse 1:7

Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.