Gênesis 45:26 - Kaxinawá Bíblia (BR)

²⁶ haska hatu washiãbu hatũ epa yuikĩ: —José mawani dabanẽ nũ imisrã, hiwea ẽ betxitanaii. Ha mĩ bakerã, dasibi Egito mai pakea hirabi hatũ shanẽ ibuki— akabu haska shinãtirumahaira e itã pes hawa yuiama tsaua hatũ hãtxa besti hatu ikũwãtirumakẽ

Gênesis 45:26 Referencias Cruzadas

Gênesis 37:31

hanushũ hatũ epa hawẽ beparãkatsi txashuwã bene pishta tesẽtã José tari hawẽ himiwẽ irumawatã hawaira neshebaĩ hatũ epanu bushũ parãkĩ yuikĩ: —Na tari nũ betxishinaki, hanu tsua hiweabuma anuarã. Habia mĩ bakẽ tarimẽkaĩ? Uĩwẽ— akabu

Gênesis 37:35

hawẽ huni bakebu dasibi inũ hawẽ aĩbu bakebu dasibitũ nesewapaiabu hatu nĩkama yuikĩ: —Ea nemakĩ nesewayamakãwẽ. Ẽ bake Joséwẽ nui saĩ isi ẽ haki nukui mawariairã— ika kasha heneyuama inikiaki.

Gênesis 42:29

ana bui Canaã anu hatũ epa Jacóki nukushũ Egito anu haska hatu washiãbu

Gênesis 42:36

haska uĩkĩ Jacó shinãkĩ hatu yuikĩ: —Ea nuitapawakĩ mã ea bakeuma waii. José yama inũ Simeão hayamariki. Ikis ẽ hawẽ henea bake Benjamim iyukatsi mã yuishuki. Haska wakĩ bakeuma wakĩ mã ea nuitapawa txakayamaii. Hawai eã besti ẽ bika teneai?— ikaya

Gênesis 42:38

Jacó yuikĩ: —Ẽ bakerã, ẽ matube nitxiãmahairaki. Hawẽ betsa José mawaniwẽ taeshũ hawẽ ewã ha besti bitã haya ea mawashunikẽ haskawẽ taea matube kai bai namakia yutekakenã, earã ẽ haskashanai? Matũ ibu mestebu mã ea tenãshanaii, nui paewenã— hatu waimakẽ

Gênesis 44:28

Hawẽ iyua ea kashunikẽ ẽ ana uiãma eã shinaĩ: ‘Yuinaka pianãbũ ma ea pianimẽkaĩ’, ikĩ ẽ shinãpakeaii.

Gênesis 45:25

Egito anua kaĩbaini bui Canaã anu hanu hatũ epa hiweanu hikitushitã

Gênesis 48:11

hawẽ epã José yuikĩ: —Mĩ ma ea benushuni dabanẽ ẽ ikũkaĩmis ẽ mia uiaiĩ. Hanushũ mĩ bakeburi Deusũ ea hatube mia uĩmaikiki— ikaya

Jó 29:24

Hatu hãtxa wai ẽ benimaya habuã ea beiskĩ heneama ẽ hatu usã teneshũ uiã atimas ea ikũwãkubainimabuki.

Jonas 2:7

Ẽ yushĩ ea anua kaĩkainaya unãkĩ Senhor Deusuũ, mia shinãkĩ ẽ mia yuka mĩ Templo meribi anu mianu ẽ hãtxa tashnishinaki.

Lucas 24:11

hatũ hãtxa hawa ikũwãma: “Haskatãrũ haskanũ humei ikanikiki”, ikaibũ

Lucas 24:34

hanushũ habu itxapabu yuikĩ: —Ikũki! Ma besteãki, nukũ Shanẽ Iburã, ha Simão Pedroki nukukĩ uĩmashurã— iwanã, yui hatuki txaniaya

Lucas 24:41

xinã txãkãbiai bika tenekĩ ikũhairawariabuma xinã dabewaibuwẽ taeshũ Jesusũ ana hatu yukakĩ: —Piti mã hayamẽ? Ea inãkãwẽ— hatu wa