Gênesis 45:22 - Kaxinawá Bíblia (BR)

²² hanushũ hawẽ betsabu tibi tari txaipa bena bestibu tibi inãkĩ hanushũ Benjamim besti 300 prata pei heshe inũ 5 tari txaipa inãtã

Gênesis 45:22 Referencias Cruzadas

Gênesis 43:34

José hatu yunukĩ hau tapuki piti hatu inãbaunũbũ hawẽ tsumabu piti pashkamakĩ hawẽ betsabu tibi hatu inãmabaũkĩ hanushũ Benjamim besti neshe neshe amakĩ 5 kẽtxati piti matahaira wamashũ inã hatubetã pi mabesh aki habu Josébe benimaibũ

Gênesis 45:23

hanushũ hawẽ ibu bumakĩ 10 jumento mabu pepa haki beshea inũ 10 jumento yushã piti haki beshea inũ, misi inũ piti betsa ha hukĩ pikubirãshanai hawẽ epa pewamashũtã

2 Reis 5:5

Síria nawabu shanẽ ibuhairatũ kemakĩ yuikĩ: —Peki. Ikis hatũ shanẽ ibuhaira ẽ mia keneshunaii. Ẽ kene bui katãwẽ, hau mia shushawanunã— aka kakĩ 30.000 prata pei heshe inũ 6.000 ouro pei heshe inũ 10 haya besiti tari pepa hawẽrua bui Samaria anu hawẽ tsumabube Naamã kashũ

Apocalipse 6:11

yushĩ datãbu Deusũ hatu yuikĩ: “Maturã, huĩrukũyukãwẽ. Ikismaki. Ẽ tsumabu betsa matu keska ea dayashũmis haburi hau tenãyunũbũwẽ. Habũ matu tenãmis keskariwakĩ ẽ hatu kupishanai manayukãwẽ”, itã habu tibi pepawẽ kupikĩ tari hushupa txaipa hatu inãkĩ sawemakĩ keyuaya

Juízes 14:12

ha 30 berunãbu Sansãonẽ hatu yuikĩ: —Hunea unãmati hãtxa ẽ matu yuai hawamẽkaĩ ea yuishãkãwẽ. 7 dia nũ beyusi keyuriama hawamẽkaĩ shabakabi mã ea yuia tari mãyunepa hushupa dasibi sawetiya inũ haya beyusti tari dasibi matu tibi ẽ matu inãshanaii.

Juízes 14:19

hanushũ Senhor Deusũ Yushinĩ Sansão kushipawakẽ Filisteu nawabũ mae betsa Asquelom anu kashũ 30 hunibu hatu detekĩ tenãshũ hatũ beyusti tari pepa hatu biãshũ bushũ hawẽ hunea unãmati hãtxa tapĩtã habũ yuishinabu haska hatu yubashina ha tari hatu manakukĩ inãkĩ keyutã sinatahairai hawẽ epã hiwe anu txĩtũkaĩkẽ