Gênesis 35:27 - Kaxinawá Bíblia (BR)

²⁷ Manre hawẽ kena betsa dabe Quiriate-Arba inũ Hebromrã, hanu Abraão inũ Isaque hiwea mapupaunibu anu Jacó hawẽ epa Isaqueki ana nukutushinikiaki.

Gênesis 35:27 Referencias Cruzadas

Gênesis 13:18

hanua Abrão hawẽ tari hiwe hawẽ tsumabu pekamatã bekubirãkĩ Manre ni shukua merã hatũ tari hiwe ana nitxĩtã hiwenibukiaki, mae Hebrom dapirã. Hanushũ mishki txi tapu wakĩ mishki itxawakĩ maspu watã Abrão hanushũ Senhor Deus kẽwanikiaki.

Gênesis 14:13

Hanua Manre Amorreu nawa shanẽ ibu hawẽ mae Manre ni shukua merã hiwea Manre inũ hawẽ betsabu Escol inũ Anerã, Abrão hatũ haibuwẽ taea hanua huni bestitxai hune pasha hushũ haska detenamebaĩshinabu Abrão Hebreu nawa yuinikiaki.

Gênesis 17:8

Canaã na hanu mĩ ikarã, mai pakea hirabi hanu mĩ hiwearã, habiari mia inũ minabu ẽ hatu ibu wamashanaii, inãkĩ yunukibi yunukinã. Mĩ mawakẽ ẽ hatũ mekenika Deus ipakeshanaii, hatu merabewanũ ikarã— iwanã,

Gênesis 18:1

Abraão Manre ni shukua merã hawẽ tari hiwe nitxĩshina hiwea ma bari mananãbikẽ hawẽ shui hikiti utanu tsaukẽ Senhor Deus haki nukuyuaya

Gênesis 28:5

hau haskakaĩtanũ hawẽ bake Jacó mae betsa anu nitxiã Padã-Arã anu Rebecã pui Labão Arameu nawa Betuelĩ huni bake anu kashanaikiri Isaque yununikiaki.

Gênesis 37:14

—Mĩ betsabu inũ nukũ inaburã, haskaramẽkaĩ? Hatu uĩtãwẽ, hushũ ea banabimayushunã— iwanã, haska hanu Hebrom napãpa anushũ José yunua kai Siquém anu José hikitã

Gênesis 49:29

Ana betsatiã Jacó hawẽ bakebu hãtxa wakĩ hatu yunukĩ: “Matu shunubaini ma enabuki ẽ nukui kakatsi ikaii. Ẽ mawaya mishki kini tãpe merã ẽ epabe ea mai wai bushãkãwẽ. Canaã mai pakea anu Manre dapi Macpela bai depi mishki kini tãpe merã ea mai wai bushãkãwẽ, mai wati bai bikatsi ikĩ peiwẽ taeshũ Heteu nawa Efrom anua ẽ hutxi Abraão bini anurã, hanu hawenabu mawa mai wapaketi bini anurã. Ha mai bikĩ taewashũ hanu dukũ hawẽ aĩ Sara mawa mai waniki. Hanua hari mawa habianuri mai warianibuki. Hanushũ ẽ ibubu Isaque inũ Rebeca mawa habianuri ẽ hatu mai waniki. Eãri ẽ aĩ Léia mawa habianuri ẽ mai warianiki. Ha mai wati anurã, habianuri hatube ea mai wai bushãkãwẽ”, hatu watã

2 Samuel 2:1

Saul inũ Jônatas mawashinabuwẽ Davi nui kãtakĩ hatu kenemashina txipu Davĩ Senhor Deus yukakĩ: —Judá enabũ mai pakea anu mae betsa anu hiwei katãpa?— aka kemakĩ Senhor Deusũ yuikĩ: —Haa. Mapekekaini hari katãwẽ— aka haska wa tapinũ, iwanã, Davĩ ana yukakĩ: —Haratu maekiri katãpa?— aka kemakĩ Senhor Deusũ ana yuikĩ: —Hebromkiri katãwẽ— aka

2 Samuel 2:3

ha dikabi habe mapumisbu haburi hawenabuya Davĩ hatu iyui Hebrom dapi mae betsa betsapa anu hiwei buima hiwepaunibukiaki.

2 Samuel 5:1

Hebrom anu Judá enabu Davi hatũ shanẽ ibu ikaya Israelĩ enabu shukua tibibũ anibu unanepabu Davibe hãtxanũ ika Hebrom anu bushũ Davi yuikĩ: “Dasibi nũ nukuburã, Jacó nukũ shenipabuwẽ taea nũ habiabuski, huni betsamarã.

2 Samuel 5:3

haska wakĩ Israelĩ enabu anibu unanepabu dasibi bushũ Hebrom anu shanẽ ibuhaira Davibe hãtxakĩ Senhor Deusũ hau hatu unãti wakubaĩshanũ Davi hatube yubakai taekĩ Israelĩ enabu dasibi Davi habũri shanẽ ibu iriakũkaĩshanũ anibu unanepabu dasibibũ hatũ shanẽ ibu wakĩ Davi katunibukiaki.