Gênesis 35:23 - Kaxinawá Bíblia (BR)

²³ Hawẽ aĩ Léiã huni bakeburã, hawẽ tue benarã, Rúben inũ, Simeão inũ, Levi inũ, Judá inũ, Issacar inũ, Zebulom hati binikiaki.

Gênesis 35:23 Referencias Cruzadas

Gênesis 29:16

Labão aĩbu bake daberã, ha dukũ iyuatũ kena Léia inũ mashkũ kena Raquel inikiaki.

Gênesis 29:31

Jacó hawẽ aĩ Léia danãbiakĩ mekubainaya Senhor Deusũ uĩkĩ Léia merabewakĩ bake bimakĩ hakia Raquel hau bake biamayunũ Jacó txutabiakubainaya bakeuma wakĩ nemayukubainikiaki.

Gênesis 33:2

hawẽ escrava aĩ dabe hatũ bakebuya tari shuku watã bebũ hatu mapũtã hanushũ Léiari hawẽ bakebuya ha katxu tari mapũriatã Raquel hawẽ henekĩ hawẽ bake Josébe txipu tari nitxĩtã

Gênesis 49:3

ha dukũ hawẽ bake iyua Rúben yuikĩ: “Epaã, mĩ ẽ bake iyuaki. Ha dukũ miki dukũ dayai taekĩ ẽ kushipa berunãtũ mia bawai ẽ miki hinĩ taeniki. Haskawẽ taeshũ mia kushipawakĩ mia mekebaũ ẽ mia hatu binumaniki.

Êxodo 1:1

Israel, hawẽ kena betsa Jacó Egito anu hawẽ bakebuya hikinikiaki, habu tibi hawenabuyarã.

Hechos 7:8

habe hãtxakĩ nĩkayamashũ hawẽ huni bake Isaque kaĩyã oito dia shabatiã hawẽ hina kubitxi binikiaki, haska yubani taewakinã. Hanua hawẽ bake Isaque bakeyatãri hawẽ bake Jacó birianikiaki. Hanua Jacó, hawẽ kena betsa Israel, hawẽ 12 huni bakebu kaĩaĩ habiaskari wakĩ hatu biriakubainikiaki. Ha 12 huni bakebu habu tibi anua nũ habia hawẽ bababuki.

Apocalipse 7:7

Simeãonẽ bababu 12.000 habiaskari wakĩ Levĩ bababu 12.000 habiaskari wakĩ Issacarĩ bababu 12.000 habiaskari wakĩ

Juízes 5:14

Jacó bake Efraimnẽ enabu hunibu hatiritũ Baraque merabewai natukã napãpa anu butuaibũ hatu itxũri Jacó bake Benjamimnẽ enabu detenamenikabu Baraque merabewai buturiabũ hanua José baba Maquirĩ enabu shanẽ ibubu Baraque merabewai buturiaibũ hanuari Jacó bake Zebulomnẽ enabu shanẽ ibu beshmasbu Baraque merabewai buturiaibũ

Juízes 5:15

ha dikabi Jacó bake Issacarĩ enabu shanẽ ibubu Débora banawabirani bekĩ hawẽ detenamenikabu habũ merabewai Baraque itxũ kakĩ natukã napãpa pukebaĩkĩ Canaã nawabu hatu detei buaibũ Jacó bake iyua Rúbenẽ enabu anua shanẽ ibu betsabu huĩti kushipa hayabiakẽ hatukiri yuikĩ:

Juízes 5:18

Hakia Jacó bake Zebulomnẽ enabu inũ hawẽ bake Naftalĩ enabu debutirubu shinaĩ mesehairabiai Canaã nawabu mananã hiweabube detenamekĩ Baraque merabewashinabuki.

Rute 4:11

mapubaunabu inũ anibu unanepabũ kemakĩ Boaz yuikĩ: —Haa. Nũ nĩkashuki. Israelĩ enabu shuku betsa betsapabu pai taekĩ nukũ shenipabu Israelĩ aĩ dabe Raquel inũ Léiã huni bake itxapa bikubainibu keska wakĩ ha aĩbu mĩ hiwe anu mĩ bishanairã, Senhor Deusũ hau duawakĩ pepa wakubaĩshanũwẽ, bake itxapa bimakinã. Ha inũ, nukũ mae Efrata Belém anu huni pepa hiweshũ hatu uĩmakubaĩshãwẽ, hau dasibibũ mikiri pe shinãkubainũbunã.