Gênesis 32:28 - Kaxinawá Bíblia (BR)

²⁸ —Deus inũ hunibu binũkatsi ikũkaĩkĩ mĩ ma hatu maemaki. Haskawẽ taeshũ habũ mia ana Jacówẽ kenabuma ishãkanikiki. Hakia mia kenakĩ: “Israelki”, akĩ mia kenashãkanikiki— aka Israel nukũ hãtxarã, “Deusbe mĩ ma binunameaki” aka

Gênesis 32:28 Referencias Cruzadas

Gênesis 17:15

—Mĩ aĩ Sarairã, ana hawẽ kenawẽ kenayamawe. Na habiatiã taewakĩ hawẽ kena bena watã kenakinã, Sara wakĩ kenakubaĩwẽ.

Gênesis 17:5

Haskakẽ mĩ kena Abrão mia ana hawẽ kenabumaki. Minabu shukua betsa betsapabu ẽ mia bawama mĩ hatũ shenipabu ishanaiwẽ taea mĩ kena betsa bena wakĩ: “Abraãoki”, akĩ mia kenashãkanikiki.

Gênesis 25:31

Hanua habũ beya txibãkĩ hawẽ epa ma mawakẽ iyuatũ hawẽ kushipa bi shanẽ ibumis inũ hawena dasibi pashka itxapa inãkĩ mashku eskarabes inãmiskẽ Jacó shinãkĩ Esaú haskabiakẽ: “Eã mebinũ”, iwanã yuikĩ: —Mĩ ẽ hutxi kaĩbiani henetã miã ea hutxi wawe— aka

Gênesis 32:24

Jacó besti niti ikẽ huni betsa hushũ maemakatsi ikĩ meshu merã habe tsumanametã tĩ anũ ishũ ashĩkĩ penaya huni betsã Jacó maematiruma huni betsã kishtĩkĩ Jacó kishtush atã

Gênesis 32:27

—Harakiri mĩ kenamẽ?— aka —Ẽ Jacóki— aka

Gênesis 33:20

hanushũ mishki txi tapu wakĩ mishki itxawakĩ maspu watã hanushũ Deus kẽwãti txi tapu washũ kenakĩ: ‘Deusrã, Israelĩ mekenika Deuski”, anikiaki.

Gênesis 33:4

haskakũkainaya unuriari ana haki sinatamari uĩmariai kushiriakirã Esaú Jacóki nukutã ikukunaĩ teikukutã tãtsu aka benimai habia dabe kashanibukiaki.

Gênesis 35:10

eska wanikiaki: “Ikis mĩ kena Jacóki. Ana Jacó kenama hakia: ‘Israelki’, akĩ hau hawẽ mia kenapakeshãbũwẽ”, iwanã, haska wakĩ Deusũ Jacó kena bena wanikiaki.

2 Samuel 12:25

Ha huni bake betxipaikĩ Deusũ hãtxa yuishunika Natã yuimakĩ Senhor Deusũ Davi unãmaimawẽ taeshũ hawẽ kena betsa wakĩ Davĩ kenakĩ: “Jedidiaski”, arianikiaki, nukũ hãtxawẽ: “Ha Senhor Deusũ betxipaikiki”, akinã.

1 Reis 18:31

Jacó, Senhor Deusũ kena betsa wakĩ Israel wani, Jacó huni bakebũ enabu shukuati 12 keska mishki ewapabu katutã pewanikiaki.

Provérbios 16:7

Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

João 1:42

hanushũ Jesus anu Andrẽ Simão iyua hanushũ Jesusũ uĩkĩ dais butã butãkĩ yuikĩ: —Miarã, mĩ Jonasĩ bakeki. Mĩ Simãobiakẽ ẽ mia kena dabeya waii. Cefas wakĩ mia kenashãkanikiki— aniki. Cefasrã, nawã hãtxawenã, Pedroki. Pedrorã huni kuĩ hãtxawenã, Mixki Ewapaki.

Apocalipse 2:17

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, pewẽ kupikĩ misi naiuria Deusũ hunemis ẽ hatu pimashanaii, nai anu unãnuma ebe hatu hiwemakinã. Ha inũ, kena bena nẽkati hushupaki hatũ kena nea ẽ hatu inãriashanaii. Ha habũ biaibũ besti ha kena unãshãkanikiki, tsua betsã unãtirumarã’”, ea washu ẽ matu keneshunaii.