Gênesis 32:24 - Kaxinawá Bíblia (BR)

^24-25 Jacó besti niti ikẽ huni betsa hushũ maemakatsi ikĩ meshu merã habe tsumanametã tĩ anũ ishũ ashĩkĩ penaya huni betsã Jacó maematiruma huni betsã kishtĩkĩ Jacó kishtush atã

Gênesis 32:24 Referencias Cruzadas

Gênesis 18:2

Abraão bewenikitã ha bebũ huni dabe inũ besti mapuabu hatu betxitã hatu inũ ika beni kushikaini hatuki nukutã hawẽ beya txibaĩ dãti iki beti itã

Gênesis 30:8

Raquelĩ ana datxukĩ yuikĩ: “Ẽ betsa maemanũ ika ẽ habe ha imis ẽ ma binuaiĩ. Haskawẽ taea ha bakeishtã kenarã, Naftaliki”, hatu wanikiaki.

Gênesis 32:28

—Deus inũ hunibu binũkatsi ikũkaĩkĩ mĩ ma hatu maemaki. Haskawẽ taeshũ habũ mia ana Jacówẽ kenabuma ishãkanikiki. Hakia mia kenakĩ: “Israelki”, akĩ mia kenashãkanikiki— aka Israel nukũ hãtxarã, “Deusbe mĩ ma binunameaki” aka

Gênesis 32:30

Jacó shinãkĩ: —Ha hunirã, Deusraka. Deusbe ẽ beisinãbiashu ẽ mawama ishuki. Haskawẽ taeshũ na nenua ẽ habe atxinameshinai: “Penielki”, akĩ ẽ kena bena waii, nukũ hãtxawẽ yuiarã, “Deusbe ẽ beisinashuki”— ikarã.

Êxodo 14:27

ianẽwã bemaki hawẽ mestẽti hi Moisĩ ana sanãkẽ Egito detenamenikabu pashapanãbũ penaya ianẽwã ana haki dasiwakĩ hene merã Egito detenamenikabu Senhor Deusũ hatu atximakĩ bitxikĩ keyunikiaki.

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Lucas 13:24

—Haa. Txanimaki. Ea txibãkatsis iki menã xinã mestẽwãtã hanu hikiti shui haxu anu hikikãwẽ, txipu itxapa hikikatsis ibiai hikitubuma ishãkanikiki. Haska ẽ matu yuiaii.

Lucas 22:44

hanu bika tenetxakayamai mesteã daka anua niskãhairai himi keska tuis tuis ikĩ mai metxa watã

Romanos 15:30

Ẽ betsabu inũ ẽ puibuũ, nukũ Shanẽ Ibu Jesus Cristowẽ ha Deusũ Yushĩ Pepã betsabuwẽ nuiti nuku inãmis haskawẽ taea mã ea hakimayamanũ ẽ matu ea akaii, ẽ daya bikakiri mã ea Deus yukashũkubainũbunã.

1 Coríntios 15:47

Ha dukũ huni Adão wakĩ Deusũ mai mixpu bishũ hawẽ yura damiwanikiaki. Hamẽ yura Cristorã, nai anua hui huni kuĩ yura bitã kainiki.

Efésios 6:12

Na haska nũ hatube detenameairã, yurabũ kuxipawẽ nũ ikai keskamaki. Hakia yushĩ txakabubu inũ hamapai shanẽ ibu txakabu na mai anua inũ manaũri namakisshũ nuku keshebaũshũ yunuaitũ nuku atxiabube nemai heẽ iyamai nũ hatube detenamei keskaii.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Colosenses 2:1

Mã ikũwaĩbu Colossos anuabu inũ habu Laodicéia anuabu inũ dasibi betsabube nũ uĩnanãriabumabia matuwẽ nui ẽ dayatxakayamamis mã unãnũbũ ishũ matu xinãkĩ ẽ matu yuiaii.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.

Josué 5:13

Shaba betsatiã Josué Jericó dapi ka nikẽ huni betsa tashnia hawẽ deteti matxatu txaipaya tsuma nia uĩtã kai haki kemashũ Josué yukakĩ: —Mĩ nukũ merabenãmẽ? Ha habu nukuki sinataibu mĩ hatuna daka? Haskara kayamẽkaĩ, ea yuiriwe— aka