Gênesis 31:41 - Kaxinawá Bíblia (BR)

⁴¹ Haska tenekubaini mia dayashuni 20 ano mĩ mae anu ẽ hiweshinaki. Hanua 14 ano mĩ aĩbu bake dabe binũ ika hamẽ ea ẽ dayama ikũkainiki. Hanua ana 6 ano mĩ inabu bi ẽ mia dayashũkũkaĩshinaki. Ẽ mia dayashunaya betsa tibi mĩ ea maewashũkubaĩmiski, ea hawẽ pakakinã.

Gênesis 31:41 Referencias Cruzadas

Gênesis 29:15

hanushũ Labão Jacó yuikĩ: —Txanima mĩ enabuki. Ea anua hawauma mĩ ebe dayashinaki. Hamẽ mĩ ana dayatirumaki. Ana ẽ mia dayamakubaina, hati ẽ mia pakatirumẽkaĩ? Ea yuiwe— akaya

Gênesis 31:38

Ma 20 ano ẽ mia dayashunaya mĩ inabu yushã tuyatã kaũmama ikũkainimaki. Ha inũ, mĩ txashuwã bene enawakĩ ẽ piama ikũkainimaki.

Gênesis 31:40

Shabatiã inũ meshu merã yumetsubainabũ ea pakamakĩ mĩ ea yunui dakaimaki. Bariri barĩ ea kuamiski. Meshu merã matsĩ ea aka ikinĩ iki ẽ ushaismaki, matsi teneirã.

Gênesis 32:4

hau eska yuishũtanũbũ Jacó hatu yunukĩ: —Ẽ betsa Esaú eska yuitãkãwẽ: “Mĩ tsuma Jacó mia yuikĩ: ‘Nukũ kukabe ẽ hiwetani atimas ẽ ana miki nukuyuaii. Earã, ẽ eska haya ẽ huaii. Nĩkawe. Ina awa inũ, jumento inũ, txashuwã inũ, huni inũ aĩbu dayaru escravo mirima ẽ hayaki. Mĩ ekiri pe shinanũ’, iwanã, ‘Mĩ ẽ shanẽ ibuki, akĩ mia yuikĩ bebũkiri mianu ẽ hãtxa ẽ mia bumaii’ ”, akĩ ẽ yunuai habiaskari ẽ hãtxa ẽ betsa Esaú ea yuishũtãkãwẽ— hatu wa

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

2 Coríntios 11:26

Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.