Gênesis 31:26 - Kaxinawá Bíblia (BR)

^26-30 Jacó anu kashũ Labão haki sinatakĩ yuikĩ: —Haskai mĩ haskakirãshinamẽ? Ea parãkĩ ẽ aĩbu bake dabe mĩ ea iwẽshinaki, detenametã hatu atxibiranai keska wakinã. Ea hawa yuiama ea parãtã hune mĩ pashashinaki. Haskara shinaĩ mĩ hushiãmẽ? Bebũkiri hukĩ mĩ ea yuia mimawati harpa inũ tũ tũ atiwẽ nawakĩ benimakĩ ẽ mia nitxĩpanã mĩ hune pashai hushiãki. Mia nitxĩkĩ ẽ bake dabe inũ ẽ bababu benimakĩ hatu tãtsu apanã mĩ ea hatu hunẽbirãshinaki. Haskara mĩ unaĩsmapahairamẽ? Ẽ kushipawẽ ẽ mia txakabuwapanã mĩ epã mekenika Deusũ ea yuikĩ: “Uĩrawe. Mimebi Jacó kũyã akĩ ha akĩ hawa yuiyamashãwẽ”, ea wa ẽ nĩkabirãshinaki. Mĩ epã mae anu kabiai hui peama haskakĩ ẽ mãkã dami shũska mĩ ea yumetsukirãshinamẽ?— aka

Gênesis 31:26 Referencias Cruzadas

Gênesis 12:18

Abrão hatu kenama hua yukakĩ: “Mĩ ea haska wai? Haskakĩ mĩ ea yuiama itushimamẽ, mĩ aĩkirirã? ‘Ẽ puiki’, mĩ ea wa ẽ hiwe anu ea iweshunimabuki. Haskai mĩ txanitxakaimamẽ? Uĩwẽ. Mĩ aĩki. Ana bitã iyui nenua kariwe”, atã

Gênesis 2:24

Haskawẽ taea hunĩ hawẽ ibubu dapashkabaĩ aĩyainã, hawẽ aĩbe hiwei yura bestitxai keskati waniki.

Gênesis 26:10

ana Abimeleque yuikĩ: —Haskakĩ mĩ nuku haska waimamẽ? Nukũ huni betsã Rebeca aĩwãtã txutaya Deusũ nuku uiãyã mĩ nuku txakabuwakeãshinaki— atã

Gênesis 29:25

Hanua penaya Jacó bestẽtã Léia betxitã Jacó Labãoki sinatakĩ yuikĩ: —Mĩ ea haska wa ẽ ishiaĩ? Raquel bikatsi ẽ mia dayashũshinaki. Haskakĩ Raquel ea inãma Léia ea inãkĩ mĩ ea haska wakĩ parãmẽ?— aka

Gênesis 3:13

Senhor Deusũ aĩbu yukakĩ: —Mĩ haskakĩ haska washumẽ?— aka aĩbũ yuikĩ —Dunũ ea parã ẽ pishuki— aka

Gênesis 31:25

hanua bestẽkaini kai Gileade Matikiri kaya ha matikĩ Jacó hatũ tari hiwe nitxĩkĩ pũteshina dakakẽ Labão hawenabuya kai haki nukutã hatũ tari hiweri mati anu habũri nitxĩkĩ pũteriatã

Gênesis 31:36

hanua Jacó sinatakĩ Labão txitekĩ yuikĩ: —Hawai e iskirã ea txibãshĩshũ ẽ mabu dasibi itimaska wakĩ mebaũkĩ hawa mabu mina mĩ ma betxiamẽ? Minabu inũ enabũ bebũ mãtxĩwẽ. Haratutũ nũ pewaimẽkaĩ? Mĩ miamẽkaĩ? Ẽ eamẽkainã? Nukunabũ hau nuku yuinũbunã.

Gênesis 34:29

hatũ mabu dasibi biãtã hatu tsuma wabaĩkĩ hatũ bakebu inũ hatũ aĩbuaibu dasibi hatu itxawabaĩkĩ ha maewã dasibi anua hatu iyukĩ hatu yumetsubainibukiaki.

Gênesis 4:10

Senhor Deusũ yuikĩ: —Mĩ haska washinamẽ?— iwanã —Mĩ betsã himi mai anu habai sai ikĩ hau ẽ mia kupinũ ea yuikiki. Mĩ betsarã, mĩ tenãshinaki— iwanã

João 18:35

e itã Pilatõs yuikĩ: —Earã, ẽ judeumaki, haska mĩ ea yuipananã. Minabu judeubu inũ mĩ shanẽ ibubu Deusbe hãtxanikabũ mia ea inãkãshuki. Mĩ hawa txakabu mexinamẽ?— aka

Josué 7:19

Ma unãmawẽ taeshũ Josué Acã yuikĩ: —Ẽ haibuũ, ea nĩkawe. Nukũ shenipabu Israelĩ mekenika Senhor Deus pepawẽ duawakĩ kẽwãkĩ mĩ haska washina huneama ea yuiwe— aka

1 Samuel 14:43

haskaya Saulũ Jônatas yunukĩ: —Hawara mĩ kanebirana shabakabi ea yuiwe— aka Jônatasã shabakai txanikĩ: —Txanimaki. Buna bata betxitã ẽ hashi hawẽ debuwẽ besti pukutã eskarabes ẽ me bestibirãshinaki. Ẽ haska wabirãshinawẽ taearã, dateama ẽ mawatiruki— aka

1 Samuel 17:29

kemakĩ Davĩ yukakĩ yuikĩ: —Ẽ hawa hãtxa txakabuwaiwẽ taeshũ mĩ ea ha akai, damahairabĩ ẽ hãtxai?— itã