Gênesis 29:17 - Kaxinawá Bíblia (BR)

¹⁷ Ha iyua hawẽ beru besti atimapa duakabiwẽ taea hawẽruamakẽ hakia hawẽ bake mashku besti hawẽ yura hirabi hawẽruahairakẽ

Gênesis 29:17 Referencias Cruzadas

Gênesis 12:11

Egito mai pakea anu nukui kai kemakĩ Abrão hawẽ aĩ Sarai yuikĩ: “Uiã, mĩ aĩbu hawẽruahairaki.

Gênesis 12:14

hanua atimas Egito anu hikishĩkẽ Egito nawabũ yuikĩ: “Aĩbu hawẽruaki”, ikaibũ Abrão yuishina keska wakĩ Sarai hatu yuikĩ: “Ẽ puiki”, hatu wa

Gênesis 26:7

hunibũ hawẽ aĩkiri yukakĩ: —Tsuamẽ, ha aĩburã?— akubainabu Isaque shinãkĩ: “Rebeca hawẽruahairaki.” Eã hatu yuikĩ: “Harã, ẽ aĩki. Ẽ hatu warã, hawẽ taeshũ ea tenãshũ Rebeca bitirubuki”, iki datekĩ hatu paranũ ishũ hatu yuikĩ: “Ẽ puiki”, hatu waimakẽ

Gênesis 29:16

Labão aĩbu bake daberã, ha dukũ iyuatũ kena Léia inũ mashkũ kena Raquel inikiaki.

Gênesis 29:18

Jacó Raquel betxipaihairakĩ hakiri yuikĩ: —Mĩ bake mashku Raquel mĩ ea bimashanũ 7 ano nitxĩ ẽ mia dayashunaii— aka

Gênesis 29:30

Jacó Raquel biriatã betxipaihairakĩ hakia Léia mawaira betxipaiama danãbiai ana hawa yuiama Raquel bima ana 7 ano nitxĩriai dayashũrianikiaki.

Gênesis 30:22

Hanushũ Deusũ Raquelkiri shinãkĩ hawẽ hãtxawẽ bake bikatsi ea akai nĩkamis shũ hau bake binũ merabewakĩ Raquel bake bimaima huni bake kaĩshũ yuikĩ: “Ẽ bakeumawẽ taeshũ ea yuãmisbu ẽ dake ea maĩwãkĩ Deusũ ẽ txakabu tere akĩ ea huni bake inãshinaki. Ana huni bake betsa Senhor Deusũ ea inãshanimẽkaĩ. Haskawẽ taea na ẽ huni bakẽ kenarã, Joséki”, anikiaki.

Gênesis 35:24

Hamẽ hawẽ aĩ betsa Raquelĩ huni bake daberã, José inũ Benjamim inikiaki.

Gênesis 39:6

hawẽ shanẽ ibu Potifar hawẽ tsumabu betsa ana yunuama José bestitũ hau hatu uinũ yunuima hawara hayawẽ ana nuikĩ shinãma hawẽ pitiwẽ besti nuikũkainikiaki, ana hawa meama hiwearã. José hawẽruawẽ taeshũ dasibibũ uĩkĩ betxipaiaibũ

Gênesis 48:7

hawẽ aĩ Raquelkiri shinãkĩ yuikĩ: —Uiã. Padãkiria ẽ txĩtũkiranaya bai putxinĩ mae Efrata kemayui ma Canaã anua mĩ ewa Raquel mawaniki. Habianuri ẽ mai waniki, Efrata kemai anurã— anikiaki. Natianã, Efrata kena betsa wakĩ Belém wanishũ kenamisbuki.

Provérbios 31:30

Aĩbu natiã txipash hawẽ yura hawẽruabia hawẽ shinã mĩ unãma hawẽ yurawẽ mia parãtiruki. Ha inũ, hawẽ yura hawẽruabia hawaira atimapatiruki. Hakia aĩbu betsa Senhor Deuswẽ datekĩ duawakĩ pe shinãkubainai ha aĩbukiri hawenabũ kẽwãkubaĩshãkanikiki.

Jeremias 31:15

ana Senhor Deusũ yuikĩ: “Nuihairai kashai bis bis ikaibu ha mae Ramá anushũ nĩkashãkanikiki. Jacó aĩ Raquelĩ enabu aĩbuaibu hatũ bakebuwẽ taea kasha neseama hatũ bakebu dasibi hayabumawẽ taea hawenabũ hatu daewabiabu nĩkama ishãkanikiki”, iwanã,

1 Samuel 10:2

Ea anua mĩ ma ka, Benjamimnẽ enabu maiwã pakea Zelza anu hanu Raquel mai wanibu dapi huni dabeki mĩ nukui kaii. Ha dabetũ mia yuikĩ: “Jumenta mĩ benakubaũtanairã, ma betxishinabuki. Hakia mĩ epã jumentakiri ana shinãma matu dabekiri besti shinãhairaikiki, ‘Ẽ bake haskatã hatu betxipa?’ ”, iwanã, “mia shinaĩkiki”, akĩ mia haska wabu