Gênesis 25:5 - Kaxinawá Bíblia (BR)

^5-6 Ha dukũ Abraão dasibi hawena hawẽ mabu inũ, hawẽ inabu inũ, hawẽ tsumabu dasibi pashkashũ hanushũ peiwẽ hatu bini hawẽ aĩ betsa tibibũ huni bakebu Abraão bebũkiri hatukiri yubakaimashũ hawẽ mabu hatu pashkashũtã hatu ibu wama akeaketã hanushũ hau Isaquebe ketashameama benãta hiwetanũbũ bari huaikiri hatu nitxĩpakenikiaki. Hatira hatu inã keyuama itxapa hawẽ bake Isaque yunu keyutã Abraão mawariama Isaquebe hiwenikiaki.

Gênesis 25:5 Referencias Cruzadas

Gênesis 24:35

Senhor Deusũ ẽ tsuma duahaira wakĩ shanẽ ibu wamiski, dasibi betsa betsapa inãkinã. Txashuwã mirima inũ, ina awa mirima inũ, prata mane inũ, ouro mane inũ, hawẽ huni inũ aĩbu dayaru escravo itxapa inũ, camelo inũ, ina betsa jumento itxapa inãmis hayaki.

Gênesis 24:36

Ẽ tsumapã aĩ Sara yushabuhairabia huni bake bima kaini ma huni ewakẽ hawẽ ibu Abraão hawẽ mabu itxapa yunuima ma ibuwakubainikiki.

Gênesis 25:4

Hanushũ Abraão bake betsãri Midiãnẽ huni bake 5 bawariatã hatu kenakinã, Efá inũ, Efer inũ, Enoque inũ, Abida inũ, Eldarã, hati inibukiaki. Hati dasibi Queturã enabu inibukiaki, hawẽ huni bakẽ inũ hawẽ huni bakebũ bababurã.

Mateus 11:27

Jesusũ hatu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski.

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

João 17:2

Mai hirabi anua hawẽ yurabu dasibi yunuti kuxipa mĩ bake mĩ ea inãniwẽ mĩ hatu katuni ẽ hatu hiwekuĩmashanaii.

João 3:35

Epa Deusũ hawẽ bake abukĩ hau dasibi ibuai shanẽ ibushanũ hawẽ kuxipa dasibi inãniki.

Romanos 8:17

Haskakẽ Cristoki nũ ma dasiabuwẽ taea nũ ma Deusũ bakebuki. Haska inũ, yura betsabũ hawara bika nuku tenemaibu Cristõ tenekubaini keska wakĩ hawa yuiama nũ tenekubainaii. Haskawẽ taea naiuri hawa ana bika teneama nũ habe hiweshanaii.

Romanos 8:32

Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.

Gálatas 3:29

Mã Cristonaburã, habia mã Abraãonẽ bababu dikabiwẽ taea haska Deusũ Abraão yubaniwẽ maturi hawenabui mã hiwea kayabi hayariashanaii.

Colosenses 1:19

Deusũ hawẽ bake haska wakinã, ha hawẽ kuxipa inã keyukinã, haki dasibi txiti iyukatsi anikiaki.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.