Gênesis 22:14 - Kaxinawá Bíblia (BR)

¹⁴ Haska watã Abraão ha mati kenakinã: “Na mati Senhor Deusũ hatu yupa watirumaki”, anikiaki. Na habiatiãri ikis yurabũ habiariri kenariakĩ heneisbumaki.

Gênesis 22:14 Referencias Cruzadas

Gênesis 22:13

hanushũ hawẽ petxiuri Abraão hawaira uĩkĩ txashuwã bene hawẽ mashũki tsukuski bitxa hawaira atxitã neatã beshũ hawẽ bake hana butetã pekatã hanushũ Deus kẽwãkĩ hawẽ shãtukũ txashuwã bene tesẽshũ kuashũkĩ menu keyunikiaki.

Gênesis 22:15

Hanushũ nai anushũ Senhor Deusũ nai tsumã Abraão ana kenakĩ yuikĩ: —Ẽ tsuma Senhor Deusũ mia yuikĩ: “Ẽ mia yuishina mĩ ma ashuki. Mĩ huni bake bestitxai mĩ eki hawa yaushiamaki. Haskawẽ taeshũ ẽ mia yubaii. Ẽ kushipawẽ emebi ẽ mia yubai ea nĩkawe. Pepawakĩ ẽ mia duawashanaii, pa wakinã. Pa wakĩ minabu ẽ mirimawashanaii, bishi mĩ uiaĩti wakĩ inũ ianẽwã kesha mashiti wakinã, tsuã tanatiruma wakinã. Tsuabura minabuki sinataibu minabũ hatu maemakubaĩshãkanikiki.

Gênesis 22:8

Abraão kemakĩ: —Epaã, txipu Deusũ txashuwã bake nũ ha menunũ nuku inaĩkiki— abaini hawẽ bakebe kai

Gênesis 28:19

Haskakẽ uatiã ha mae ha dukũ nawabũ kenakĩ: “Luzki”, anibu hanushũ Jacó kena bena maewakĩ: “Betelki, Hanu Deus Hiwea Maerã”, anikiaki.

Gênesis 32:30

Jacó shinãkĩ: —Ha hunirã, Deusraka. Deusbe ẽ beisinãbiashu ẽ mawama ishuki. Haskawẽ taeshũ na nenua ẽ habe atxinameshinai: “Penielki”, akĩ ẽ kena bena waii, nukũ hãtxawẽ yuiarã, “Deusbe ẽ beisinashuki”— ikarã.

1 Reis 17:8

hanushũ Senhor Deusũ Elias ana yunukĩ: —Benitã Sidom mai pakea anu mae betsa Sarepta anu katãwẽ. Hari niti ika hiweyutãwẽ. Aĩbu betsa hawẽ bene ma mawani hiwea anu hau hatũ mia pimakubaĩshanũ mia pewashũkĩ ma ẽ mia yunushũshinaki— aka

Êxodo 17:15

haska yunua Moisĩ atã hawẽ kẽwãti txi tapu washũ kenakĩ: “Ẽ Senhor Deus hau ea unãpakeshanũbũ na kena ẽ washuki”, iwanã,

Miquéias 4:10

Matunabu nitxiãbu kaĩbaini maema anu hinamas hiwekubainaibu ushakubaini Babilônia anu matu iyushanaibuwẽ taea Sião anu hiweabuũ, yura isĩ uminai bis ikubaĩkãwẽ, aĩbu bake kaĩ isĩ memis keskairã. Hakia harishũ matuki sinatakĩ matu iwanibu anua habukiri sinatakĩ Senhor Deusũ mã hawenabu matu ana mebikinãkĩ matu piskumashanikiki.

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Juízes 6:24

hanushũ Gideãonẽ kẽwãti txi tapu Senhor Deus bena washũtã kenakĩ: “Senhor Deusrã, nukũ unanumaki”, anikiaki. Abiezerĩ enabũ mae Ofra anu ha kẽwãti txi tapu natiã uĩtirubu hayaki.

1 Samuel 7:12

mishki kerã ewapa katutã unuri Mispa inũ unuri Sem namakis bushũ hakimatima shinãmati wakĩ hatu nitxĩmashũ yuikĩ: “Natiã Senhor Deusũ nuku merabewakĩ heneama nũ unaĩwẽ taea hawẽ kena Ebenézerki”, Samuelĩ hatu wanikiaki.