Gênesis 20:13 - Kaxinawá Bíblia (BR)

¹³ Ha dikabi ẽ epã enabu anua Deusũ ea iweaya ẽ aĩ yuikĩ: “Ea duawakĩ ea mekekĩ hanira betsabu anu hikishũ hatu yuikĩ: ‘Ẽ puiki’, akĩ hatu ea yuishũshãwẽ”, ẽ waniki— ikaya

Gênesis 20:13 Referencias Cruzadas

Gênesis 12:1

Hanushũ betsatiã Senhor Deusũ Abrão yunukĩ yuikĩ: “Mĩ mae anua kaĩkaĩkĩ minabu shunũbaĩkĩ pashkabaĩwẽ. Mĩ mai henekĩ mĩ epã enabu henekĩ mĩ epã hiweri henebaĩwẽ, hari mĩ hiweshanai anu ẽ mia uĩmashanai anu kakinã.

Gênesis 12:9

Hanua hawẽ inapã piti basi benai sulkiri unãshubira bui hanu eskarabes hiweabu anu bua ketanibukiaki.

Gênesis 20:12

Hakia txanima ẽ puiki. Nukũ epa habiaski. Hanua nukũ ewa besti betsaki, hasmarã. Nũ haskabia nukũ beya txibãkĩ hawa txakabumakẽ ẽ Sara aĩwaniki.

Hechos 5:9

Pedrõ yuikĩ: —Haskai Deusũ Yushĩ Pepa parãkatsis iki mã yubakarabekãshumẽ? Mĩ bene parananaĩwẽ taea ma mawa maiwatani bekanikiki. Mĩ miari mawaya mia maiwariai bukanikiki— akaya

Hebreus 11:8

Ha inũ, Abraãonẽ Deus ikũwãkĩ txibãkubainaiwẽ taea Deus habe haria yubakakatsi ikĩ Deusũ kena hawa hẽ iyamama ikũwaĩwẽ taea hawẽ mae henei tashnikaini hani kai unãmabia ha mai pakea betsa anu Deusũ inãshanai anu kanikiaki.