Gênesis 20:1 - Kaxinawá Bíblia (BR)

¹ Manre ni shukua anua Abraão kaĩkaini hawẽ aĩ inũ hawẽ escravo dayarubu inũ hawẽ inabube kakũkaini atimas mai pakea Neguebe anu mae betsa Cades inũ mae betsa Sur namakis nashui ika Gerar mae anu hikitã hanu Gerar nawabube hiweyukatsi ikĩ

Gênesis 20:1 Referencias Cruzadas

Gênesis 10:19

Hanua Canaãnẽ baba betsa betsapabu hatũ maewã kesha kesuakea Sidom mae ianẽwã kesha betsa dapi anua kai Gerar binui Gaza anu yusmauri txĩtũkauã Sodoma inũ Gomorra anu ana yusmauri txĩtũkauã Admá inũ Zeboim binui Lasa anu ana yusmauri txĩtũkauana anu maewã Sidom anu hikia hanu hiwepaunibukiaki.

Gênesis 12:9

Hanua hawẽ inapã piti basi benai sulkiri unãshubira bui hanu eskarabes hiweabu anu bua ketanibukiaki.

Gênesis 13:1

Hanua Egito anushũ nitxiãbu kai nortekiri Abrão hawẽ aĩ inũ, hawẽ betsã bake Ló inũ, hawẽ tsuamabu inũ, hawẽ hamapaiya kakĩ hatu iyui sulkiri txĩtunikiaki,

Gênesis 14:7

hari txĩtũtani bekĩ Quedorlaomer inũ habũ merabewaibu En-Mispate hawẽ kena betsa Cades anu hikitã tsuara Amaleque nawabuki nukutã hatu dete keyutã Hazazom-Tamar mai pakea anushũ tsuara Amorreu nawabukiri nukutã haturi dete keyunibukiaki.

Gênesis 16:1

Canaã anua 10 ano ka hiwebiashũ Abrão bake wanũ, iwanã, hawẽ aĩ kayabi Sarai txutabiakubaina Sarai bakeumakũkaĩkĩ shinã betsa watã hawẽ bene yuikĩ: —Uĩwẽ. Mĩ ea bake wabiapanã Senhor Deusũ ea bake bimama ea nemamiski. Haskawẽ taeshũ ẽ shinaĩ ẽ mia yuiaii. Ẽ dayaru escrava Egito nawa hayaki. Agar bishũ ha txutakĩ ea haki bakewashũwẽ. Peiwẽ Agar ẽ dayaru tsuma ẽ waniwẽ taeshũ hatũ bake bibia ena ishanikiki, hakia ẽ huni bake hayatirumẽkainã— aka hawẽ bene Abrão hawẽ aĩ Sarai hãtxa nĩkakĩ: —Peki. Haska mĩ ea yunuai ẽ mia ashũtiruki— ikaya Sarai hawẽ dayaru escrava Agar hawẽ bene Abrão yunuaiwẽ taeshũ

Gênesis 16:14

Haskawẽ taeshũ mae Cades inũ Berede ha dabe namakis ũpash txatxa kenakĩ: “Laai-Roiki”, akĩ nuku hãtxarã, “Hamebi Hiweatũ Ea Uĩmistũ Txatxaki”, akĩ kenakĩ ani haska yuimisbuki.

Gênesis 16:7

mae betsa Sur bai kawẽ kai hanu tsua hiweabumanu Agar pashashina hari ha txatxa dapi tsaukẽ Senhor Deusũ nai tsuma haki nukutã yukakĩ: —Agarĩ, mĩ Sarai dayaru escravoki. Harakiria mĩ huamẽ? Harakiri mĩ kai?— aka yuikĩ: —Ẽ tsuma Sarai anua pashai ẽ hunekirãshinaki— akĩ yuia

Gênesis 18:1

Abraão Manre ni shukua merã hawẽ tari hiwe nitxĩshina hiwea ma bari mananãbikẽ hawẽ shui hikiti utanu tsaukẽ Senhor Deus haki nukuyuaya

Gênesis 21:34

Hanua haskai Abraão Gerar nawabu anu hatu dapi bai kani hawenabube hiwepaunikiaki, bari itxapa hanu Filisteu nawabu hiweabu anurã.

Gênesis 24:62

habiatiãri ha txatxa kini Laai-Roi anu hukĩ hawẽ txashuwã hatu pima ataĩ mai pakea hawẽ kena Neguebe anu Isaque hiwea

Gênesis 25:18

Ismaelĩ enabu pairã shuku betsai Havilá mai pakea inũ Sur mai pakea anu namakis ibu wai dasibi hiwea akeakerianibukiaki, Egito bari huaikiri inũ Assur bai bui binubaĩmisbu anurã, hawẽ betsabubes unanuma pe hiweama detenameirã.

Gênesis 26:1

Ha baritiã Abraão hiwekẽ ui ikamahairakẽ dasibi yurabu inũ hatũ inabu buninibu ana habias keskai ana ui ikamahairarikẽ nuitapai dasibi buni keyuaibũ piti benai Isaque hawenabube Gerar maewã anu ka Filisteu nawa shanẽ ibu Abimeleque Abraão uinitũ hawẽ bake Abimeleque betsa shanẽ iburiai anu buniwẽ taea kaima habube Isaque hiweyukẽ

Gênesis 26:20

ha napãpanã ũpash kini benawaimabu uĩkĩ Gerar nawa hatũ inabu mekenikabũ Isaque inabu mekenikabu kũyã akĩ hatu yuikĩ: —Nukunaki. Matunamaki— hatu wabu haskaibuwẽ taeshũ Isaque ha ũpash bana henebaĩkĩ kenakĩ yuikĩ: “Esequeki”, anikiaki, nukũ hãtxarã, “Yaushinamei ha ikaibu ũpashki”, akinã.

Gênesis 26:26

Hanua betsatiã Abimeleque Isaquebe hãtxanũ ika Gerar anua huai hawẽ haibu Ausate inũ, hawẽ detenamenikabu shanẽ ibu Ficol hatu iyua

Gênesis 26:6

Gerar maewã anu Isaque hatube hiweyui hikishĩkẽ

Êxodo 15:22

Ianẽwã Tashipa anua Moisĩ hatu kaĩmabaĩkĩ iyua bui hanu tsua hiweabumanu hawẽ kena Sur anu shaba dabe inũ besti bukubaini ũpash hawa betxiama

Números 13:26

Parã hanu tsua hiweabuma anu mae betsa hawẽ kena Cades anu Moisés inũ Arão inũ Israelĩ enabu dasibibu hanushũ hatu manai maniabu anu hatuki ana nukutã haska ha mai pakea anu uĩbaũshinabu dasibibuki txanikĩ bimi pepa hanua beshiãbu hatu uĩmabaũkĩ keyutã

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

1 Samuel 15:7

haskabiranaibũ hawẽ detenamenikabubetã Saulũ Amaleque nawabu hatu dete taewakĩ Havilá anushũ hatu txibãbaĩkĩ Egito maiwã pakea kesha anu mae betsa Surkiri hiki buaibu hatu detekĩ keyutã