Gênesis 16:12 - Kaxinawá Bíblia (BR)

¹² Ha mĩ huni bake ewatã tsuã mekĩ daewakĩ yurãwãtiruma keska ishanikiki, yuinaka ni merã hiwea hawẽ yura cavalo keska pubenã. Haska keskariai dasibibuki hatuki sinataya haki sinatariakubaĩshãkanikiki. Ha inũ, hawenabu mestenepa wakĩ hatu kushipa Deusũ wanikẽ hanua tsuãra haki sinatabiakĩ hawa maematirubuma ipakeshãkanikiki— aka

Gênesis 16:12 Referencias Cruzadas

Gênesis 21:20

Deusũ merabewakubainaya hawẽ bake Ismael ewai pia kuĩwẽ tsaka mebeyai dekuyakũkaini

Gênesis 25:18

Ismaelĩ enabu pairã shuku betsai Havilá mai pakea inũ Sur mai pakea anu namakis ibu wai dasibi hiwea akeakerianibukiaki, Egito bari huaikiri inũ Assur bai bui binubaĩmisbu anurã, hawẽ betsabubes unanuma pe hiweama detenameirã.

Gênesis 27:40

Betsabu nemai hawẽ detenameti nupe kenu txaipawẽ hatube detenamei mĩ hiwebiakũkainaya mĩ betsa mia shanẽ ibushũkũkaĩshanikiki. Hakia miari kushipatã ana yunumama ibubis hanu mĩ tari yunubaĩshanaii”, akĩ haska wakĩ Isaque Esaú kushipa wakĩ pepawarianikiaki.

Gênesis 37:25

hawẽ betsa Rúben pashkakaĩkẽ hawẽ betsabu pi manishũ uĩkĩ Ismael nawabũ camelowẽ sheni ininipa hawẽ iti inũ hawẽ pushati dau Egito anu hatu inãtanũ ika Gileade anua beaibu hatu betxitã

Jó 11:12

Mae txaihaira ni merã jumento hiwemis dami huni itirumaki. Habiaska keskariai huni unaĩsmapa betsai damitã barikis unanepatirumariki.