Gênesis 16:1 - Kaxinawá Bíblia (BR)

^1-3 Canaã anua 10 ano ka hiwebiashũ Abrão bake wanũ, iwanã, hawẽ aĩ kayabi Sarai txutabiakubaina Sarai bakeumakũkaĩkĩ shinã betsa watã hawẽ bene yuikĩ: —Uĩwẽ. Mĩ ea bake wabiapanã Senhor Deusũ ea bake bimama ea nemamiski. Haskawẽ taeshũ ẽ shinaĩ ẽ mia yuiaii. Ẽ dayaru escrava Egito nawa hayaki. Agar bishũ ha txutakĩ ea haki bakewashũwẽ. Peiwẽ Agar ẽ dayaru tsuma ẽ waniwẽ taeshũ hatũ bake bibia ena ishanikiki, hakia ẽ huni bake hayatirumẽkainã— aka hawẽ bene Abrão hawẽ aĩ Sarai hãtxa nĩkakĩ: —Peki. Haska mĩ ea yunuai ẽ mia ashũtiruki— ikaya Sarai hawẽ dayaru escrava Agar hawẽ bene Abrão yunuaiwẽ taeshũ

Gênesis 16:1 Referencias Cruzadas

Gênesis 11:30

Abrão Sarai mekĩ txutabiakubaina bake biama shãkĩ txakabu ikũkainikiaki.

Gênesis 12:16

haska wabaĩkĩ bimabu Saraiwẽ taeshũ Faraónẽ Abrão duawakĩ txashuwã inũ, ina awa inũ, jumento inũ, camelo inũ, aĩbu dayarubu escrava inũ, huni dayarubu escravo inãnikiaki.

Gênesis 21:12

hanushũ Deusũ Abraão yuikĩ: “Mĩ dayaru Agar inũ mĩ bake Ismaelwẽ dabanã ikĩ shinaĩ pesyamawe. Haska Sarã mia yunuai keska hatu wawe. Haska ẽ mia yubanirã, Isaquewẽ taea minabu kayabi besti inũbarishãkanikiki. Hakia mĩ dayaru escravã bake mĩ bakeriwẽ taeshũ Ismaelĩ enabu itxapahairari ẽ mia hatu ashũriashanaii”, aka

Gênesis 21:21

Parã mai pakea betsa hanu tsua hiweabumanu hawẽ ewabe hiweaya txipu hawẽ ewã Egito anuabu aĩbu iweshũ aĩyã wãkĩ aĩbu bimanikiaki, hawenabu kayabi bimakinã.

Gênesis 25:21

Rebeca ma bari itxapa kabia bake biamaskẽ Isaque merabewakĩ Senhor Deusbe Rebeca ea ashuna nĩkatã hawẽ nuikĩ Senhor Deusũ merabewa Rebecã tsupibu bake binikiaki.

Lucas 1:36

Hamẽ betsarã, minabu Isabel ma yushabubia ma huni bake bimaki. “Haskatũ bake bismaki”, iwanã, yuãbiakubaĩmisbu hamapai xarabu Deusũ atiruwẽ taea ikis ushe mekẽ bushka ka pustuki— akaya

Gálatas 4:24

Abraãonẽ aĩ betsa escravo Agarrã, haskakiri yuiarã, ha aĩbu escravo Mati Sinai Arábia mai pakea anu keskaki. Ha mati anushũ Deusũ Moisés yusĩkĩ hawẽ yunuti inũ hawẽ nemati inãnikiaki, hau keneshanunã. Habũ nĩkatã yubakai: “Ha Deusũ yunuti inũ hawẽ nemati nũ txibãshanaii”, iki Israelbu Deusbe yubakai hãtxanibukiaki. Hanushũ Agar escravo ini keskakĩ habũ ha yunuti inũ nemati Moisés keneni txibãmisburã, escravo keskabuki. Jerusalém anu hiwebiabu Mati Sinai hatũ ewa keskaki.

Juízes 13:2

habiatiãri Jacó bake Dã enabũ maiwã pakea anu mae betsa Zorá anu huni betsa hawẽ kena Manoá hiwea, hawẽ ainĩ haskatã bake bitirumahaira hiwekẽ