Gênesis 13:7 - Kaxinawá Bíblia (BR)

⁷ Abrão tsumabũ inũ Ló tsumabũ inabu pimanũ ika yaushinaĩ hatube ha iki detenameaibũ habianuri Canaã nawabu inũ Ferezeu nawabu habias maewanu hatũ inaya hiweriabũ haskawẽ taea basi itxapa hayabia damakẽ

Gênesis 13:7 Referencias Cruzadas

Gênesis 10:19

Hanua Canaãnẽ baba betsa betsapabu hatũ maewã kesha kesuakea Sidom mae ianẽwã kesha betsa dapi anua kai Gerar binui Gaza anu yusmauri txĩtũkauã Sodoma inũ Gomorra anu ana yusmauri txĩtũkauã Admá inũ Zeboim binui Lasa anu ana yusmauri txĩtũkauana anu maewã Sidom anu hikia hanu hiwepaunibukiaki.

Gênesis 12:6

atimas mai pakea betsa Canaã anu hikitã sulkiri bui Siquém maewã anu hikitã Moré hi shukua mapua dapishũ hanushũ yushibu kẽwãmisbu dapi hiwetushiyunibukiaki, hanu Canaã nawaburi habias maewã anu hiweriabu anurã.

Gênesis 26:20

ha napãpanã ũpash kini benawaimabu uĩkĩ Gerar nawa hatũ inabu mekenikabũ Isaque inabu mekenikabu kũyã akĩ hatu yuikĩ: —Nukunaki. Matunamaki— hatu wabu haskaibuwẽ taeshũ Isaque ha ũpash bana henebaĩkĩ kenakĩ yuikĩ: “Esequeki”, anikiaki, nukũ hãtxarã, “Yaushinamei ha ikaibu ũpashki”, akinã.

Gênesis 34:30

Hawẽ bakebũ hatu haska washuwẽ taea hatuki sinatakĩ Jacó hawẽ bake Simeão inũ Levi hatu ha akĩ yuikĩ: —Ea txakabuwakĩ nawa betsa betsapa mã ea hatu mesewamashuki, Canaã nawabu inũ Ferezeu nawaburã. Nukurã, nũ eskarabeski. Hakia haburã, itxapahairabuki. Habu dasitã nuku dete keyukĩ nuku yamawashãkanikiki, ea inũ enabu nuku teshe heneamarã— hatu wa

Gênesis 46:34

unanumas yuiyamashãkãwẽ: “Nukurã, nũ txashuwã mekenikabuki, nukũ shenipabu keskarã”, mã wa matu nĩkatã ha mae Gósen anu matu hiwemashanikiki, Egito nawabu txashuwã mekenikabube mã husitã hiwetirubumawẽ taearã— hatu watã

Êxodo 2:17

hakia txashuwã uinika betsabu beshũ ũpash yaushikĩ txipashbu hatu nema taewaibũ Moisés benikaũ hatu nemashũkĩ txashuwã uinika betsabu hatu nitxĩshuna buaibũ hatu merabewakĩ ũpash beatãtãkĩ txipashbũ txashuwã amashũkẽ

Provérbios 20:3

Ha ikeakeaibu nĩkabiai hatube kemanameisbumarã, huni pepabuki. Hakia huni unaĩsmapatunã, txakabu teneabu hatũ hatu tuekĩ taewashũmiski.

Marcos 3:25

Haska inũ, yurabu hawenabuyas pashkatã hatũmebi duanameama sinatai hiwea petirubumariki.

1 Coríntios 3:3

Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

Gálatas 5:20

Haska inũ, yushĩ txakabu kẽwãkĩ hawẽ kuxipawẽ daunãnãkinã, yurabu hãtxaibu hatu nemakinã, kũyã ikirã, hawenabuwẽ nuiamarã, hawara betsa hayawẽ taeshũ hatu binũkatsis ikĩ danãkinã, yura betsabuki hawaira sinatakinã, hatuki ha ikĩ hatu sa akĩ keyukinã, ibubis hawara pepa bikĩ xinã betsa betsapa wai hiweabuki.

Colosenses 4:5

Haskakẽ ikũwãbumabe mã hiwearã, hatube merabenaĩ pe hiwei unãnepakĩ hatu duawariakubaĩkãwẽ, Cristo mã ikũwaĩ haska bestikiri hãtxakĩ hatu ikũwãmakinã.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Santiago 3:16

Hanua matu anua tsuara unãnepabiaya ha txibãkatsi ikama haki sinatai eari haskarianũ ika xinaĩ shanẽ ibunũ ika mã binunãnaĩ mã haskaibu tsuã matu pe meketimakẽ hamapai txakabu tibi mekĩ mã akai hayaki.

Santiago 4:1

Mã unaĩ ikai hanua hukĩ matu ha imakĩ hãtxawẽ hanubi txitenamemakĩ matu detenamemairã, haska kaĩkinã, matũ huĩti meranua kemu txakabu tashnikĩ matu imaikiki. Mã haskakũkainairã, xinãkãwẽ.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.