Gênesis 12:7 - Kaxinawá Bíblia (BR)

⁷ Senhor Deusũ Abrão nitxiã kashiã yuikĩ: “Na mai pakea hirabi minabu pakubainaibu ibu wamakĩ ẽ hatu inanũbariaii”, aka ma hanu ana haki nukuawẽ taeshũ Abrão Senhor Deus kẽwanũ, iwanã, mishki txi tapu wakĩ mishki itxawakĩ maspu watã hanu txiwẽ kuakĩ txashuwã bake bene pepa teshteshũ himi haba watã hanushũ menukĩ keyukĩ Senhor Deus kẽwanikiaki.

Gênesis 12:7 Referencias Cruzadas

Gênesis 12:8

Hanua bari huaikiri kai mati betsanu mati betsa Betel inũ Ai mae betsa namakis hatũ bitxi tari hiwe nitxĩshinabũ hanushũ Abrão ana Senhor Deus kẽwanũ ishũ mishki ana mãtxĩkĩ itxawatã Senhor Deusũ kenawẽ ana kushipa yukakĩ kẽwãrianikiaki.

Gênesis 13:15

Ha mai hirabi mĩ uiaĩ inãkĩ ẽ mia ibu wamashanaii, mina inũ minabu paiburã.

Gênesis 13:17

Hanua benia nishũ mai hirabi uĩbaũwẽ, hawẽ hashpa inũ hawẽ txaiparã. Ha mĩ uiainã, ẽ mia ha ibu wamakĩ inãshanaii”, aka

Gênesis 13:18

hanua Abrão hawẽ tari hiwe hawẽ tsumabu pekamatã bekubirãkĩ Manre ni shukua merã hatũ tari hiwe ana nitxĩtã hiwenibukiaki, mae Hebrom dapirã. Hanushũ mishki txi tapu wakĩ mishki itxawakĩ maspu watã Abrão hanushũ Senhor Deus kẽwanikiaki.

Gênesis 15:18

habiatiãri Senhor Deusũ Abrão yubakĩ yuikĩ: —Egito anu pashkuwẽ pakea inũ hene ewapa hawẽ kena Eufrates namakis na mai hirabi minabu ẽ hatu inãkĩ ibu wamanũbariaii. Queneu nawabu inũ, Quenezeu nawabu inũ, Cadmoneu nawabu inũ, Heteu nawabu inũ, Ferezeu nawabu inũ, Refain nawabu inũ, Amorreu nawabu inũ, Canaã nawabu inũ, Girgaseu nawabu inũ, Jebuseu nawaburã, habu hiwebiabũ hatu kaĩmakĩ mebĩtã minabu hanu ha mai ẽ hatu ibu wamashanaii— anikiaki.

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Gênesis 17:3

Abrão Deus kẽhairawai hawẽ beyawẽ taea maĩ beua beti ika dakakẽ Deus ana habe hãtxakũkaĩkĩ yuikĩ: —Nĩkawe, ẽ mibe yubakairã. Eanã, ẽ mia yubaii. Miwẽ taeshũ minabu shukua betsa betsapabu itxapahaira ẽ hatu pahairawashanaii. Hanua miarã, mĩ hatũ shenipabu inũbariaii.

Gênesis 17:8

Canaã na hanu mĩ ikarã, mai pakea hirabi hanu mĩ hiwearã, habiari mia inũ minabu ẽ hatu ibu wamashanaii, inãkĩ yunukibi yunukinã. Mĩ mawakẽ ẽ hatũ mekenika Deus ipakeshanaii, hatu merabewanũ ikarã— iwanã,

Gênesis 18:1

Abraão Manre ni shukua merã hawẽ tari hiwe nitxĩshina hiwea ma bari mananãbikẽ hawẽ shui hikiti utanu tsaukẽ Senhor Deus haki nukuyuaya

Gênesis 22:9

hanu Deusũ yuishina anu hikitã mishki txi tapu wakĩ mishki itxawakĩ maspu watã haki karu mãtxĩshũ hawẽ bake Isaque sebitã txi tapu anu karu mamaki datãshũ

Gênesis 26:25

hanushũ Isaque mishki txi tapu wakĩ mishki itxawakĩ maspu watã ha mamakishũ daewakĩ hau benimanũ, iwanã, txashuwã bake tesẽshũ menu keyukĩ Senhor Deus kẽwãtã hanu hawẽ tsumabu hatũ tari hiwe dasibi pũtematã hanushũ hawẽ tsumabu ũpash kini benawamakĩ hatu yunua pukĩkubaĩkĩ ũpash betxinibukiaki.

Gênesis 32:30

Jacó shinãkĩ: —Ha hunirã, Deusraka. Deusbe ẽ beisinãbiashu ẽ mawama ishuki. Haskawẽ taeshũ na nenua ẽ habe atxinameshinai: “Penielki”, akĩ ẽ kena bena waii, nukũ hãtxawẽ yuiarã, “Deusbe ẽ beisinashuki”— ikarã.

Gênesis 33:20

hanushũ mishki txi tapu wakĩ mishki itxawakĩ maspu watã hanushũ Deus kẽwãti txi tapu washũ kenakĩ: ‘Deusrã, Israelĩ mekenika Deuski”, anikiaki.

Gênesis 35:12

Na mai pakea mĩ hutxi Abraão inũ mĩ epa Isaque yubakĩ ẽ yununi habiaskari wakĩ ẽ mia yunuaii. Hanushũ txipuri minaburi pakubainaibu ẽ hatu yununũbariaii”, atã

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Gênesis 8:20

Hanushũ Noẽ Senhor Deus kẽwãkĩ eska wanikiaki. Mishki txi tapu wakĩ mishki itxawakĩ maspu watã yuinaka pitibu betsa betsapa tibi bishũ tesẽshũ txi tapu anushũ menukĩ kua keyuaya

1 Reis 18:32

Ha mishki biai Senhor Deusũ yunua hawẽ kẽwãti txi tapu Eliasĩ bena wakĩ keyutã ha mishki mania anu dũkemabaũkĩ hanu hene matati wakĩ mai pukĩbaũkĩ watã hanu 20 litro heshe manebaũti nati akĩ keyushũ

Esdras 3:2

haska Deusũ tsuma Moisĩ yununi Senhor Deus kẽwãkĩ hakishũ inabu nami kuakĩ keyushũkubaĩti hawenabu Jozadaquẽ huni bake Jesua inũ, hawẽ betsabu hawenabu Deusbe hãtxashunikabu inũ, Sealtielĩ huni bake Zorobabel hawenabubetã dasibi habũ Israelĩ enabu mekenika Deus kẽwãti txi tapu wakĩ taewakĩ

Êxodo 17:15

haska yunua Moisĩ atã hawẽ kẽwãti txi tapu washũ kenakĩ: “Ẽ Senhor Deus hau ea unãpakeshanũbũ na kena ẽ washuki”, iwanã,

Êxodo 24:4

hanushũ Senhor Deusũ hawẽ hãtxa dasibi yunushina una merã Moisĩ kene keyutã ushashini penaya butushũ mati tenãmã anu hawẽ kẽwãti mishki txi tapu hatu wamatã Israelĩ 12 huni bake hayani ha tibitũ enabu shukua akeakeabu 12 hawẽ Senhor Deus shinãmati mishki keyatapa meribi Deusuna hatũ kena tibiya txi tapu dapi hatu nitxĩbaũkĩ benimatã

Êxodo 32:13

Shinãwẽ. Miki txiti ikabu Abraão inũ, hawẽ bake Isaque inũ, hawẽ baba Israelĩ mia nĩkapaunibu ha dabe inũ besti ana shinãkubaĩwẽ, hatu hakimamarã. Miã kayabis habu tibi yubakĩ: “Bishiti wakĩ minabu ẽ pahairawakĩ na mai pakea hirabi ẽ hatu yunua ibu wakubaĩshãkanikiki”, hatu wakĩ mĩ kenawẽ mĩ hatu yubaniki. Haska mĩ yubani hakimama mĩ shinã betsa wawe, hatuki sinatakĩ yamawamarã— aka

Êxodo 33:1

Habiatiãri Senhor Deusũ Moisés ana yuikĩ: —Minabu iyui nenua kariwe. Ha dukũ Abraão, ha katxu hawẽ bake Isaque, ana ha katxu hawẽ baba Jacó ẽ yubakĩ: “Na mai pakea hirabi minabu ẽ ibu wamashanaii”, akĩ ha dabe inũ besti habiaskasri ẽ hatu yubani anu minabu Egito anua mĩ hatu tashnimabiranima hatu iyuritãwẽ.

Êxodo 6:3

Ea mekenika dasibibu binuatũ matũ shenipabu Abraão inũ, Isaque inũ, Jacó eã ẽ hatu unãmakubainiki. Hakia ẽ kena txanima kayabi shanẽ ibu Senhor Deus ẽ hatu unãmama iniki.

Êxodo 6:4

Habu ẽ hatube yubakanirã, Canaã mai pakeanu nawa keskai hiwekubaũpaunibu anu ha mai hirabi hawenabubetã hau ibuwashanũbũ ẽ hatube yubakaniki.

Hechos 7:5

hanu hawẽ mae ibubis bitã hanu hiwepaketirumabiakẽ Abraão bebũkiri yubakĩ bakeyariamabiakẽ hau hanu hawẽ bababu hanu hiweshanũbũ hatu inãti hatuki tanamanikiaki, Abraão mawakẽ hawẽ bababu patã ibu wakĩ hau bishanũbũ yubakinã.

Romanos 9:8

Eska hakiri hãtxani nuku xinãmaikiki. Deusũ bakebu yuikinã, habu hawẽ shenipabu Abraão inũ hawẽ bake Isaque xinãma hakia habu hatu yubani hawẽ yubakani hãtxa haska tsuabũra ikũwãkĩ xinãkĩ hakimama ashũkubainaibu Abraãonẽ bakebu itirubuki.

Gálatas 3:16

Na haska ẽ shenipabu Abraão Deusũ yubakinã, hawẽ baba bestitxaikiri aniki. Hakiri kenekĩ hawẽ bababu itxapakiri yubakai hãtxama hakia ha haska hawẽ baba bestitxaikiri yui yubakairã, Jesus Cristokiri iniki, nukubũ ha nũ ikũwãshanũbũ nuku anu hushanai yubakinã.

Deuteronômio 1:8

Ha mai hirabi dasibi Abraão inũ, Isaque inũ, Jacó inũ, matunabu pakubaĩshanaiburi matũ shenipabu ea Senhor Deusũ inãkatsi ẽ hatu yubani anu bukĩ hanu hiweabu mebĩkĩ putakĩ hatu yamawatã ha mai hirabi ibuwakubaĩshãkãwẽ’, akĩ Senhor Deusũ nuku yuini ẽ matu shinãmaii”, akĩ Moisĩ hatu yuinikiaki.

Deuteronômio 34:4

Senhor Deusũ Moisés yuikĩ: “Ha maiwã hirabirã, mĩ shenipabu Abraão inũ Isaque inũ Jacó habu tibi yubakĩ: ‘Ha maiwã pakea matunabu pakubainaibu ẽ hatu ibuwamashanaii’, akĩ ha dabe inũ besti ẽ hatu yubaniki. Ha maiwã pakea mĩ beruwẽ mĩ uinũ ẽ mia uĩmaii. Hakia ukeri pukebaini mĩ katirumaki”, akaya

Deuteronômio 6:10

“Matũ mekenika Senhor Deusũ matũ shenipabu Abraão inũ Isaque inũ Jacó mai pakea yubani anu ma matu hikimai kaikiki. Mae ewapa hawẽrua sharabu anu dayakĩ mã beniama ini nawabũ ayamabu anu Senhor Deusũ matu ma ibuwamai kaikiki.

Hebreus 11:13

Hamẽ ha yurabu haska Deusũ hatu yubani hari hiweriamabia ikũwã besti mawanibukiaki. Hakia Deusũ yubani bebũkirihairashũ ikũwãkĩ besti xinaĩ punu nukama manakakĩ habũ ibubis xinaĩ: “Na nawã mai anu baii niyua keskakĩ Deusũ mae pepa nai anua nũ hari kashanai anu nũ manakakubainaii”, ikubainibukiaki.

Hebreus 11:8

Ha inũ, Abraãonẽ Deus ikũwãkĩ txibãkubainaiwẽ taea Deus habe haria yubakakatsi ikĩ Deusũ kena hawa hẽ iyamama ikũwaĩwẽ taea hawẽ mae henei tashnikaini hani kai unãmabia ha mai pakea betsa anu Deusũ inãshanai anu kanikiaki.

Josué 1:6

Ha mĩ shenipabu hatu ibu wamakatsi ẽ hatu yubani anu minabu iyukĩ mai pakea tibi mĩ hatu ibuwamakĩ pashkashũshanaiwẽ taea kushipai hawa dateama txĩtũtaskayamashãwẽ.

Josué 8:30

Deusũ hatu ana merabewaiwẽ taeshũ Mati Ebal anushũ hawẽ kẽwãti txi tapu Josué wakĩ

Juízes 6:24

hanushũ Gideãonẽ kẽwãti txi tapu Senhor Deus bena washũtã kenakĩ: “Senhor Deusrã, nukũ unanumaki”, anikiaki. Abiezerĩ enabũ mae Ofra anu ha kẽwãti txi tapu natiã uĩtirubu hayaki.

1 Samuel 7:17

Haskakũkaũtani hanua kaini Ramá anu txĩtuinã, habianuri Senhor Deus kẽwãti txi tapu wani anu inũ hari hiwea shanẽ ibukĩ Israelĩ enabu Samuelĩ hatu yunupaunikiaki.