Gênesis 12:2 - Kaxinawá Bíblia (BR)

² Miwẽ taeshũ minabus pawakĩ nawa shukua betsa itxapa kushipa wakĩ ẽ tari hatu hiwemashanaii. Pepawakĩ duawakĩ ẽ mia merabewapakeshanaii, mĩ kena hatu unãma akeakekinã. Miãri mĩ hatu pepawariashanaii.

Gênesis 12:2 Referencias Cruzadas

Gênesis 13:16

Ha inũ, eã minabu pakubaini mirimaibu mashiti tsuã tanatiruma keska ẽ hatu washaii. Minabu pakubainaibu tsuã hatu tana keyutiruma inũbarikanikiki.

Gênesis 15:5

ana tashnimabaĩ hemaĩtĩ Abrão iyushũ Senhor Deusũ yuikĩ: —Nai beiskĩ bishi tanawe. Mĩ tana keyutirumaki. Habiatiri minabu pakubaini haskanũbarikanikiki— aka

Gênesis 17:20

Ismaelkiri mĩ ea yuiai ẽ nĩkashurã, uĩwẽ. Ismaelrã, ẽ tari duawariashanaii. Hawenabũ bakebu hatu pawakĩ itxapahaira hatu wariakĩ 12 shanẽ ibubu kushipa iriashãkanikiki, hawẽ taea hawenabu itxapa kushipa tari hayariairã.

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Gênesis 19:29

Hanushũ ha maewã dabe inũ hawẽ napãpa menukĩ yamawariama Abraãokiri shinaĩ hawẽ nuikĩ Deusũ Ló hawẽ kupiti txakabuwẽ kupiama pashawashunikiaki, ha mae anuarã.

Gênesis 24:1

Hanua Abraão ma mestebuhaira Senhor Deusũ hawẽ daya dasibiwẽ pepawẽ duawakubainaya

Gênesis 24:35

Senhor Deusũ ẽ tsuma duahaira wakĩ shanẽ ibu wamiski, dasibi betsa betsapa inãkinã. Txashuwã mirima inũ, ina awa mirima inũ, prata mane inũ, ouro mane inũ, hawẽ huni inũ aĩbu dayaru escravo itxapa inũ, camelo inũ, ina betsa jumento itxapa inãmis hayaki.

Gênesis 25:11

Abraão mawaimakẽ Deusũ hawẽ bake Isaque pepawakĩ duawaya ha ũpash bana kini kenakĩ: “Laai-Roi Txatxaki”, anibu anu Isaque hanu hiwepaunikiaki.

Gênesis 35:11

Ana yuikĩ: “Earã, ẽ mekenika Deus kushipaki, ẽ kushipawẽ dasibi ẽ hatu binu keyuarã. Ea nĩkawe. Itxapai pashãkãwẽ, minabu bake pawai mirimahairawairã. Mia anua minabu shukua betsa betsapa shanẽ ibu kayabi ishãkanikiki.

Gênesis 46:3

hanushũ Deusũ yuikĩ: —Earã, ẽ Deuski, mĩ epa Isaque mekenika Deusrã. Mĩ Egitokiri kairã, dateama katãwẽ. Harishũ minabu ẽ mia hatu pa washũshanaii, mirimahaira hatu wakinã.

2 Samuel 7:9

Hanu mĩ nia ketaĩ anu ẽ mibe kakũkaũriamiski. Habu miki sinataibu ẽ mia hatu tenã keyukĩ nemashũkubaĩmiski. Shanẽ ibu kushipabu hiwebaunabu keska mĩ kena dasibibu ẽ hatu unãmakubainaii.

1 Reis 1:47

Haska bestima Davĩ dayarubu dasibi benimai bushũ yuikĩ: “Deusũ hau Salomão duawakubaĩshanũwẽ, shanẽ ibu kushipa wakĩ mia binumakinã”, akeakeaibũ shanẽ ibuhaira Davĩ Deus kẽwaĩ hawẽ dakati anu beti ishũ

Êxodo 1:7

hakia Israelĩ bababu pai bake itxapa pawakĩ hatũ mai pakea hatu atxĩ keyui ana patxakayamai kushipai hiwekubaĩkĩ hatũ mae anu hiwei nati ikaibũ

Êxodo 32:10

Hawa hatuwẽ nuiyamawe, natiã ẽ hatuki sinatahairaiwẽ taeshũ ẽ hatu yamawairã. Hatu yamawatã mia pahaira wakĩ minabu ẽ mia itxapa washũshanaii, hatu kushipa wakinã— aka

Miquéias 7:20

Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.

Números 14:12

Haskakẽ txami mesewẽ kupikĩ hatu yama watã mia inũ mĩ bakebu enabu washũ hatu pahaira wakĩ yurabu kushipa ẽ mia hatu washũshanaii, na Israelĩ enabũ kushipa binumakinã— aka

Números 22:12

haska Balaãonẽ yuia Deusũ nĩkatã yuikĩ: —Haskamaki. Hatube kayamashãwẽ. Ha dikabi ha nawabu hatu yupuyamawe. Ha nawa betsaburã, enabuki. Eã ẽ hatu duawakubainaii— aka ishĩ

Números 23:20

Hakia ẽ hatukiri pe yuikubainũ ea yunushuki. Deusũ hatukiri pe yuiaya hãtxa betsawẽ ẽ nematirumaki.

Romanos 4:11

Hanushũ Abraãonẽ Deusũ hãtxa ikũwaĩwẽ taeshũ unãti wakĩ hawẽ xinãmati wakĩ hawẽ hina kubitxi meshtenibuki, haska ikai tsuabũra shabakabi hau unãnũbunã. Deusũ haska wanikẽ dasibibũ Deusũ hãtxa ikũwaĩbu Abraão hatũ epa ikũkaĩtiwaniki, habũ hatũ hina kubitxi meshtemisbu inũ habũ meshteabumarã. Haska tibibu Deusũ haturi unãti wakĩ: “Yura pepabuki”, hatu washanikiki.

Gálatas 3:14

Haskawẽ taeshũ haska Deusũ Abraão duawakĩ pepa yubani Jesus Cristowẽ taeshũ judeubumãri mã ikũwãyã Deusũ Abraão yubaniwẽ taeshũ hawẽ Yushĩ Pepa Deusũ ma matu inãni dasibi mã ma hayaki.

Gálatas 3:7

Haskakẽ tsuabũra Deus ikũwãkĩ Jesus txibãmisbu Abraãonẽ bababu kayabibuki.