Gênesis 12:16 - Kaxinawá Bíblia (BR)

¹⁶ haska wabaĩkĩ bimabu Saraiwẽ taeshũ Faraónẽ Abrão duawakĩ txashuwã inũ, ina awa inũ, jumento inũ, camelo inũ, aĩbu dayarubu escrava inũ, huni dayarubu escravo inãnikiaki.

Gênesis 12:16 Referencias Cruzadas

Gênesis 13:2

Abrão mabuwãyã mane ouro tashi txashakapa inũ, mane prata hushupa txashakapa mane hushupa inũ, mabu itxapa inũ, inabu itxapaya buirã.

Gênesis 13:6

dasibi ha dapi habe hiweshũ hatũ inabu itxapatũ basi hawaira pikĩ keyuaibũ hatũ tsumabũ hawẽ inabu hania pimatima

Gênesis 16:1

Canaã anua 10 ano ka hiwebiashũ Abrão bake wanũ, iwanã, hawẽ aĩ kayabi Sarai txutabiakubaina Sarai bakeumakũkaĩkĩ shinã betsa watã hawẽ bene yuikĩ: —Uĩwẽ. Mĩ ea bake wabiapanã Senhor Deusũ ea bake bimama ea nemamiski. Haskawẽ taeshũ ẽ shinaĩ ẽ mia yuiaii. Ẽ dayaru escrava Egito nawa hayaki. Agar bishũ ha txutakĩ ea haki bakewashũwẽ. Peiwẽ Agar ẽ dayaru tsuma ẽ waniwẽ taeshũ hatũ bake bibia ena ishanikiki, hakia ẽ huni bake hayatirumẽkainã— aka hawẽ bene Abrão hawẽ aĩ Sarai hãtxa nĩkakĩ: —Peki. Haska mĩ ea yunuai ẽ mia ashũtiruki— ikaya Sarai hawẽ dayaru escrava Agar hawẽ bene Abrão yunuaiwẽ taeshũ

Gênesis 20:14

haska yuikĩ Abimeleque inũ Abraão habũ kaneshina daenamei petã hawẽ aĩ Sara ana yunutã hanushũ Abimeleque hawẽ txashuwã inũ, ina awa inũ, hawẽ escravo dayarubu huni inũ aĩbu inãkuĩtã ibu wamakĩ

Gênesis 24:35

Senhor Deusũ ẽ tsuma duahaira wakĩ shanẽ ibu wamiski, dasibi betsa betsapa inãkinã. Txashuwã mirima inũ, ina awa mirima inũ, prata mane inũ, ouro mane inũ, hawẽ huni inũ aĩbu dayaru escravo itxapa inũ, camelo inũ, ina betsa jumento itxapa inãmis hayaki.

Gênesis 30:43

Haskawẽ taea Jacó hawena itxapa hayakũkainikiaki, inabu inũ, huni inũ aĩbu tsumabu inũ, camelo inũ, jumento mirima hayairã.

Jó 1:3

Hanua hawẽ ina 7.000 txashuwã inũ, 3.000 camelo inũ, dabe ketashamabaĩbaina 500rã, habu ina awa bene pe dayamakubaĩkatsi hawẽ hubu meshte keyumis inũ, 500 jumenta yushã inũ, hawẽ dayaru escravo huni inũ aĩbu mirima hati hawenas ipaunikiaki. Haskawẽ taea bari huaikiri mai hirabi anu hiwebaunaburã, Jó ha besti mabuhairayatũ hatu binu keyua ipaunikiaki.

Jó 42:12

Hanua Jó anibui bari itxapa hawẽ henei hiwekũkainaya haska uatiã duawani binumakĩ dabeki keska Senhor Deusũ Jó ana duawakubaina hawẽ txashuwã 14.000 inũ, 6.000 camelo inũ, 1.000ti dabebaĩbaina ina bene hau ana pubeãma pe dayakubainũbũ hawẽ hubu hatu meshtemamis inũ, 1.000 jumenta yushã Jó hayakũkaini

Lucas 12:45

Hakia hawẽ tsuma xinã pema yunubainima xinã txakakĩ yuikĩ: “Ẽ shanẽ ibu yane huamaki. Hatiara hushanikiki”, iki dayanika betsabu huni inũ aĩbu itxakawai nawatxakayamai pãekĩ