Gênesis 10:5 - Kaxinawá Bíblia (BR)

⁵ Jafé hawẽ bakebu ianẽwã kesha betsa anu bushũ dasibibũ ibu wai shuku tibi hatũ hãtxa betsa wakĩ hatu pashka akeakenibukiaki.

Gênesis 10:5 Referencias Cruzadas

Gênesis 10:20

Haskai Camnẽ baba ikubaini hatũ hãtxa betsa betsapawẽ taea mae shukua betsa betsapai pashkabaini bui mai pakea tibi ibu wakeaketã hanua pai habias yurabu hiwekubaĩmisbuki.

Gênesis 10:25

Ha ewatã Éber huni bake dabe bawa ha dukũ kaiã mai hirabi anu yurabu pashka akeakenibuwẽ taeshũ hawẽ bake kenakĩ: “Pelegueki”, ashũ ana huni bake bawaima ha katxu betsa kaiã kenakĩ: “Joctãki”, anikiaki.

Gênesis 10:32

Hiri henẽ hatu atxini ma netsunikẽ haskai Noẽ bababu pai shuku betsa betsapai mai hirabi anu hiwenũ ika pashka akeakenibukiaki, hãtxa betsa betsapawẽ hãtxa akeakeirã.

Gênesis 10:4

Javãnẽ huni bakebu kenakĩ: “Elisá inũ, Társis inũ, Quitim inũ, Dodanimki”, anibukiaki.

Gênesis 10:6

Camnẽ huni bakebu kenakinã: “Cuxe inũ, Mizraim inũ, Pute inũ, Canaãki”, anibukiaki.

Gênesis 9:19

Noẽ huni bake dabe inũ besti mai anu pakũkaini ana itxai iake iakekubainibukiaki.

Ester 10:1

Hatu haska wakubaĩkĩ keyuabu bari betsatiã yurabu shukuabu tibi mai inũ hene natukã anu hiwebaunabũ hau shanẽ ibuhaira pei hati hau bishũkubaĩshanũbũ shanẽ ibuhaira Assuerõ manakuti imposto bena hatu yununikiaki.

Isaías 40:15

Deusũ shinanã, eskaki. Nawa shukua tibi uiainã, ũpash tusua keska bestiki. Balança anu mai mishpu bestitxai hana keskabuki. Ianẽwã anu natukã mai tibirã, hawẽ karurã, mashi beru bestitxai keskaki.

Isaías 41:5

Ianẽwã Mediterráneo kesha anu mai pakea tibi anu hiwebaunabu haskaibu uĩ date paepaibũ mai hirabi kesuakea patxa sakui taka taka ikaya dasibibũ txaimashũ uinũ ika beshãkanikiki.”

Isaías 42:10

Kãtati bena betsawẽ Senhor Deus kãtashũkãwẽ. Nenumahaira mai kesua anushũ kẽwãbaũkãwẽ. Tsuabura mã ianẽwã shashuwãwẽ mapuabu inũ, mã ianẽwã merã yuinaka hiweabu inũ, mai pakea tibi ianẽwã kesua anu mã yurabu hiweabunã, Deus kẽwãkãwẽ.

Isaías 42:4

Hanushũ hawẽ yunuti kushipawẽ txakabu binuriama hawa huĩrukuãma inũ hawa punu nukai unãyamasama ishanikiki. Nawa shukua betsa betsapabu Ianẽwã Mediterráneo kesha anu hiweshũ ẽ tsumapã hãtxa nĩka pewashãkanikiki”, aka

Isaías 49:1

Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Jeremias 2:10

Nawabũ ea ikũwãbumã yushibu kẽwãkĩ henetã yushibu betsa kẽwaĩ maea akeakekanimẽkaĩ, benabaũkĩ hau uĩ pewatanũbũ mae ewapa Quedar anu tsuara yunukãwẽ. Habiaskariakanimẽkainã, yushibu tibi kẽwaĩ maeirã. Hatu uĩ bari kaikiri natukã betsa betsapa anu butãkãwẽ. Ha yushibubu deus kayabima maewakĩ betsa katuisbumaki. Hakia mã enabunã, ea betxipaiama mã ma ea heneabuki, ẽ matũ mekenã kushipa ẽ duapa matũ shenipabũ ea uĩbianibunã. Haska wakĩ damipã hawa hatu merabewatirumabiakẽ txibãkĩ enabũ ea henenibuki.