Gênesis 10:19 - Kaxinawá Bíblia (BR)

¹⁹ Hanua Canaãnẽ baba betsa betsapabu hatũ maewã kesha kesuakea Sidom mae ianẽwã kesha betsa dapi anua kai Gerar binui Gaza anu yusmauri txĩtũkauã Sodoma inũ Gomorra anu ana yusmauri txĩtũkauã Admá inũ Zeboim binui Lasa anu ana yusmauri txĩtũkauana anu maewã Sidom anu hikia hanu hiwepaunibukiaki.

Gênesis 10:19 Referencias Cruzadas

Gênesis 10:20

Haskai Camnẽ baba ikubaini hatũ hãtxa betsa betsapawẽ taea mae shukua betsa betsapai pashkabaini bui mai pakea tibi ibu wakeaketã hanua pai habias yurabu hiwekubaĩmisbuki.

Gênesis 14:3

Sidim napãpa anua hawẽ kena Mar de Sal, nukũ hãtxawẽ Ianẽwã Batapa, dapi ha 5 shanẽ ibubu hatũ piayabube itxashũ mananibukiaki.

Gênesis 18:20

hanushũ Senhor Deusũ Abraão yuikĩ: —Txanima Sodoma nawabu inũ Gomorra nawabu txakabuhairamisbuki. Habu itxakanikanamei kũyã iki sinatanamemisbukiaki.

Gênesis 20:1

Manre ni shukua anua Abraão kaĩkaini hawẽ aĩ inũ hawẽ escravo dayarubu inũ hawẽ inabube kakũkaini atimas mai pakea Neguebe anu mae betsa Cades inũ mae betsa Sur namakis nashui ika Gerar mae anu hikitã hanu Gerar nawabube hiweyukatsi ikĩ

Gênesis 26:1

Ha baritiã Abraão hiwekẽ ui ikamahairakẽ dasibi yurabu inũ hatũ inabu buninibu ana habias keskai ana ui ikamahairarikẽ nuitapai dasibi buni keyuaibũ piti benai Isaque hawenabube Gerar maewã anu ka Filisteu nawa shanẽ ibu Abimeleque Abraão uinitũ hawẽ bake Abimeleque betsa shanẽ iburiai anu buniwẽ taea kaima habube Isaque hiweyukẽ

Jó 38:20

Hawẽ kati baiwẽ mai hirabi txaihaira dũkemabaũkĩ bari inũ meshu ana txĩtũwãbirãkinã, mĩ hatu yunutirumẽ?

Hechos 8:26

Ha haska wawãxinabutiã Deusũ nai tsuma betsã Filipe yunukĩ yuikĩ: —Benitã Jerusalém anua kai sulkiri ha bai tanabaini Gazakiri kawẽ katãwẽ— aka Filipe benitã kai hanu tsua hiweabuma anu bai tanabainaya bai namaki Etíopianawa aĩbu shanẽ ibuhairatũ tsuma huni hawẽ pei mekeshunikatũ Jerusalém anushũ Deus kẽwãtani hawẽ mae anu ana txĩtũkaini cavalo dabetã tarãbainaiki nawa ina tsaushũ Deusũ hãtxa Isaíasĩ keneni yuikubiranai betxitã uĩayã

Juízes 16:1

Shaba betsatiã uĩtanũ ika Filisteu nawabũ maewã Gaza anu Sansão kai hikitã aĩbu hininipa dasibitũ memis ha aĩbu anu hawẽ hiwetã habe ushatanũ ika ka hikikẽ

Juízes 6:4

Israelĩ enabu mai pakea tibi anu hatũ tari hiwe pũtetã yunu banakubiranaibu hatu yumetsũkĩ hatu keyũkubirãkĩ Gaza anu hatu henẽkĩ Israelĩ enabũ ana hawa pitirubumawakĩ hatũ txashuwã inũ hatũ ina awa inũ hatũ jumentori hawẽtsaĩs yumetsukĩ hatũ piti yamawapaunibukiaki.

1 Samuel 13:18

hanua shuku betsa Bete-Horomkiri butanũbũ hanua shuku betsa hanu tsua hiweabuma anu kesha Zeboim pashku napãpakiri bui hanushũ uĩbaũtirubu anu mananã hikiabũ,