Gálatas 4:19 - Kaxinawá Bíblia (BR)

¹⁹ Ẽ bake keskabuũ, haskakĩ mã ana ea bika tenemai? Cristo matu ikũwãmakĩ ẽ matu merabewaya mã ea ani keska wakĩ mã ana ea bika tenemaii, aĩbu bake kaĩ isĩ tenemis keska ea wakinã.

Kashinawa : Diosun Jesúswen taexun yuba bena yiniki

¹⁹ En bake keskabuun, ¿jaskakin man ana ea bika tenemai? Cristo matu ikunwanmakin en matu medabewaya man ea ani keska wakin man ana ea bika tenemaii, ainbu bake kain isin tenemis keska ea wakinan.

Gálatas 4:19 Referencias Cruzadas

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Lucas 22:44

hanu bika tenetxakayamai mesteã daka anua niskãhairai himi keska tuis tuis ikĩ mai metxa watã

Romanos 13:14

Ana haska txakabu tibi xinãkĩ akama nukũ Shanẽ Ibu Jesus Cristoki dasitã hawẽ kuxipawẽ kuxipakĩ hawẽ bai kayatapia besti txibãkubainãkãwẽ, txakabuwẽ besti pepamarã.

Romanos 8:29

Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.

2 Coríntios 12:14

Dabeki ẽ matu yusĩtanima samama ana matuki banũ ika ẽ kakatsis ikĩ ẽ matukiri ana xinãtanaii. Hakia haska bakebu yumeriabumã hatũ hamapai xarabu hatũ ibubu mekeshuĩsma hakia ibubũ hatũ hamapai hatũ bakebu mekeshũshũ hatũ hawara bishũmis keskakĩ eã dukũ Cristokiri ẽ matu yusĩtani ẽ matũ ibuki. Matu haska wakĩ ẽ bakebu keska ẽ matu aniwẽ taeshũ matũ hamapai ẽ matu mẽkatsis ikamaki. Hakia mã Cristoki dasiabũ ẽ yusĩa ikũwãkĩ txibãmisbũ mã ekiri xinãtiruki. Haskawẽ taea Cristo besti mã txibanũbũ ẽ matu ana yusĩ kakatsis ikaii.

Efésios 4:13

Haskakũkaini dasibi putanameama ikũwaĩbuki dasitã Deusũ bakekiri tapĩkubaĩkĩ Cristo ikũhairawai hawa xinã betsa wama Cristokiri unãnepai dasibibu nũ itirubuki.

Efésios 4:24

Matũ hiwea bena tari bena sawea keskakĩ matũ yushĩ bena wakĩ Deusũ matu damiwani hawẽ Yushĩ keskarikãwẽ. Haska txakabu pashkatã meribikũkaini mã hiwea pepaswẽ txanima hãtxa besti txibãkubaĩshanaii.

Filipenses 1:8

Haska inũ, matube dasibi haibunaĩ nũ pekubainiburã, Deusũ nuku unaĩkiki, Jesus Cristõ nui duapa ea inã ẽ matu ashuniwẽ taea matukiri ẽ hakimaismaki.

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

Filipenses 2:5

Tsuabũra Jesus Cristokiri haska mã xinaĩnã, haska Cristõ xinãkubaini keska betsabukiri xinaĩrakubaĩkãwẽ.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Colosenses 2:1

Mã ikũwaĩbu Colossos anuabu inũ habu Laodicéia anuabu inũ dasibi betsabube nũ uĩnanãriabumabia matuwẽ nui ẽ dayatxakayamamis mã unãnũbũ ishũ matu xinãkĩ ẽ matu yuiaii.

Colosenses 3:10

Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

1 Tesalonicenses 2:7

Hakia ewabũ hawẽ bakebu pe mekekĩ pimamis keska wakĩ matube hiweshũ matuwẽ nuikĩ unãshubira yusĩkĩ nũ matu meshtãmakubainimaki.

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

Tito 1:4

Titoõ, txanima ebetã ikũwaĩ mĩ ẽ bake kayabi keskaki. Nukũ Shanẽ Ibu Jesus Cristo hawẽ Epa Deusbe miwẽ nuikĩ mia unãnuma hiwemakĩ hau mia duawakubainũbũwẽ.

Filemom 1:10

Haskawẽ taeshũ mia daewakĩ mia anu Onésimo ẽ nitxiaiĩ, hau mia dayashũri kanunã. Nenu ea meneshimabu anu hiweshũ Onésimo Jesus Cristo ikũwãmakĩ ẽ xinã betsa wamaimawẽ taea mĩ dayaru escravo ẽ bake keskaki.

Filemom 1:19

ẽ mia pakashanairã. Ẽ mia Jesus unãmaniwẽ taeshũ miãri mĩ ea devehairaki. Haskakiri ea xinãwẽ. Na mia keneshũkinã, ẽ mekẽ kayabiwẽ ẽ Paulõ ẽ mia ashuaiĩ.

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

1 João 2:1

Ẽ bake keskabuũ, Deusũ hãtxa txibãkĩ mã ana txakabuwayamanũbũ ẽ matu keneshũ bumai nĩkakãwẽ. Mã haskabia tsuãra kanekĩ mã txakabu meayarã, nukũ hãtxashunika Jesus Cristo hawẽ Epa bebũ nia nũ hayaki, hatũ hawa kanenimatũ nuku merabewairã.

1 João 2:12

Ẽ bake keskabuũ, Jesus Cristõ hawẽ hiweawẽ nuku merabewanũ ika tashnitã nuku mawashuniwẽ taeshũ Epa Deusũ matũ txakabu buatã matu haibuwani xinãkĩ ẽ matu keneshunaii.

1 João 5:21

Ẽ bake keskabuũ, yushĩ dami kẽwãmisbu beyanu ha dapi ana buyamakubaĩkãwẽ. Hatiski, ẽ hãtxarã. João

3 João 1:4

Mã ẽ bake keskabu habias xinãwẽ mã txibaĩ matukiri nĩkai ẽ xinã txãkãkũkaĩmis ẽ benima pae tsuã ea mebĩtirumaki.