Filipenses 4:9 - Kaxinawá Bíblia (BR)

⁹ Ẽ hãtxa nĩkakĩ ea uĩkĩ hawara mã tapĩni inũ ẽ matu yusĩkubainima heneama txibãkubaĩkãwẽ, mã haskaibu nukũ Epa Deus unãnumatũ matu heneama merabewapakeshanikikirã.

Kashinawa : Diosun Jesúswen taexun yuba bena yiniki

⁹ En jancha ninkakin ea uinkin jawada man tapini inun en matu yusinkubainima jeneama chibankubainkanwen, man jaskaibu nukun Epa Dios unanumatun matu jeneama medabewapakexanikikidan.

Filipenses 4:9 Referencias Cruzadas

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

Mateus 7:21

—Ha inũ, tsuabũra hatũ kesha bestiwẽ ea kenakĩ: “Shanẽ Ibuũ, Shanẽ Ibuũ”, ea wabiakĩ haska xinaĩsbumarã, habũ ẽ Epã hãtxa txibãma nai anu nukube hiweama ishãkanikiki. Hakia ẽ Epa nai anuatũ hawara yununi inũ abuai txibãkĩ akubaĩmisbu besti nukube hiweshãkanikiki.

Lucas 6:46

Jesusũ hatu yusĩkubaĩkĩ yuikĩ: —Shanẽ Ibuũ, Shanẽ Ibuũ, akĩ mã ea kenabiamis haskakĩ ẽ matu yusĩa mã aismamẽ?

Lucas 8:21

hatu yusĩkĩ Jesusũ yuikĩ: —Deusũ hãtxa nĩkakĩ akubaĩmisburã, habiabu enabu kayabiki, ẽ ewabu inũ, ẽ puibu inũ, ẽ betsaburã— hatu wanikiaki.

João 13:17

Na haska ẽ matu yuiai tsuabũra nĩkatã hawẽ hiwekĩ habũ aki benimakubaĩshãkanikiki.

João 2:5

hawẽ ewã ha habũ hatu pimai yuikĩ: —Matu yunuayarã, ashũkãwẽ— hatu wa

Hechos 9:6

Benikaini kai Damasco anu karitãwẽ, harishũ mĩ haskakũkaĩshanai tsuãra mia yuishanikikirã— akaya

Romanos 15:33

Deusũ hau matu unãnuma hiwemanũ haska ẽ matukiri xinaiĩ, haskakirã.

Romanos 16:20

Mã haskai hiweawẽ taeshũ nukũ Epa Deusũ nuku unãnuma hiwemamistũ matu merabewaya mã Satanás txitekĩ ha aka hawaira babutã matũ mae anua kaĩkaĩshanikiki. Mã haska waya nukũ Shanẽ Ibu Jesus Cristõ hawẽ pepawẽ hau matu unãnuma hiwemakubainũwẽ.

1 Coríntios 10:31

Hamapai pikĩ nushuti akĩ hamapai betsa betsapa akinã, Deus duawanũ, iwanã, akubaĩkãwẽ.

1 Coríntios 4:16

Haskawẽ taea ẽ matu yunuai ẽ aka ea txibãkãwẽ.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Filipenses 3:17

Ẽ betsabu inũ ẽ puibuũ, haska ea inũ ea merabewamisbu nũ hiwekũkaĩkĩ nũ matu uĩmamis nukũ aka nũ haskai hiwemis nuku xinãkĩ txibãkĩ nuku mawakubaĩkãwẽ.

Filipenses 4:7

Mã haska waibu Deusũ unãnuma matu hiwemakĩ haska tsuã xinãkĩ nĩkatirumawẽ Deusũ hawẽ unãnumawẽ matũ huĩti inũ matũ xinã mekekubaĩshanikiki, Jesus Cristo nĩkakĩ mã txibaĩwẽ taeshunã.

1 Tesalonicenses 1:6

Txanima nuku nũ ikai keskai inũ nukũ Shanẽ Ibu Jesus hiweni keskai matũri mã nuku txibãyã matu itxakawakĩ matu nuitapawabiaibũ Deusũ Yushĩ Pepatũ matu benimawakubainaya Deusũ kakape mã ikũwãkubainimabuki.

1 Tesalonicenses 2:14

Hamẽ betsarã, Jesuswẽ taea ẽ betsabu inũ ẽ puibuũ, Judéia anushũ judeubũ hawenabũ Jesus ikũwaĩbu hatu itxakawabu Deusũ bake Jesus Cristo ikũwaĩ yumanibu keskai habiaskari wakĩ matunabũri matu itxakawabu maturi mã nuitapaimabuki.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

2 Tesalonicenses 3:4

Ha inũ, nukũ Shanẽ Ibube nũ habe dasitã matu yusĩtanima hawa heneama txibãkĩ mã habias akubaĩshanai haskakiri nũ matu ikũwaiĩ.

2 Timóteo 4:22

Nukũ Shanẽ Ibu Jesus Cristo mibe nishũ hau mia merabewakubainũwẽ. Ha inũ, Éfeso anushũ ikũwaĩbu dasibi Deusũ hau matu duawakubainũwẽ. Hatiski, ẽ hãtxarã. Paulo

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.

2 Pedro 1:10

Ẽ betsabu inũ ẽ puibuũ, Deusũ matu kenashũ katutã hawena meribis matu wakatsis iniki. Mã hawenabu heneama ikatsis ikaiburã, txanima ikũwaĩ mã haki nukukatsis ikai matũ xinã mestẽtã ikubaĩkãwẽ. Haska tibi ẽ matu yunuai keskairã, mã haskakubainaiburã, babui txakabuwẽ taea kanei mã txĩtuãma ishãkanaii.

1 João 3:22

Haskawẽ taeshũ hawẽ hãtxa txibãkĩ haska abuai akĩ nũ benimawakubainai unã keyuaya hanushũ hawara bikatsis ikĩ Deus nũ yuka nuku ashũshanikiki.