Filipenses 4:1 - Kaxinawá Bíblia (BR)

¹ Ẽ betsabu inũ ẽ puibuũ, ẽ matu abutxakayamai inũ, ẽ matuwẽ nuiai inũ, ẽ matuwẽ benimaiwẽ inũ, matuwẽ taeshũ Deusũ ea manakua ẽ bishanaiwẽ taea xinaĩ ẽ matu ana uĩ kakatsis itxakayamaii. Ẽ matu haska xinãyã txĩtuãma nukũ Shanẽ Ibu txibãpakekãwẽ.

Kashinawa : Diosun Jesúswen taexun yuba bena yiniki

¹ En betsabu inun en puibuun, en matu bechipaichakayamai inun, en matuwen nuiai inun, en matuwen benimaiwen inun, matuwen taexun Diosun ea manakua en bixanaiwen taea shinain en matu ana uin kakatsis ichakayamaii. En matu jaska shinanyan chintuanma nukun Xanen Ibu chibanpakekanwen.

Filipenses 4:1 Referencias Cruzadas

Jó 31:36

Haska ea txitebiaibu ẽ kaneismawẽ taea ma keneabu maiti keska ha kene sawetã dakeama ẽ nikaũshanaii.

Salmos 27:14

Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

Mateus 10:22

Ekiri haska yuibaũkĩ mã ea txibaĩbuwẽ taeshũ yurabũ matu danaĩ mirima matuki sinatashãkanikiki. Tsuabura matu keskakĩ ea txibaĩ heneisbumari ẽ hatu mekeriakubaĩshanaii.

João 8:31

hanushũ ha shanẽ ibubũ ikũwãkĩ taewaibu Jesusũ hatu unãti wanũ ishũ hatu yuikĩ: —Tsuabũra ẽ hãtxa nĩkatã txanima uke merã mestẽwãtã mã txĩtuãmarã, mã ẽ tsuma kayabi itirubuki. Haskawẽ taeshũ txanima hãtxa unãkĩ mã tapiãyã txakabũ matu ana tsuma wama ishanikiki— hatu wa

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

2 Coríntios 1:14

Nukukiri mã nĩka beshmas waii. Hakia nukũ Shanẽ Ibu Jesus ana huaya mã pepaibu matuwẽ keĩ nũ benimaya nũ matu yusĩ pewamiswẽ taea inũ nukuwẽri taea benimakĩ mã nuku kẽwãriashanai ẽ manakubainaii.

Gálatas 5:1

Haska inũ, Moisés nemati inũ hawẽ yunuti nũ ana txibãyamanũbũ Cristõ nuku kaĩmaniki, Moisés yusĩa txibaĩ nũ ana hatũ escravo iyamanunã. Matu haska nemanikẽ Jesus besti txibaĩ ana xinã betsa wama judeubũ yusĩa danaĩ ana hatũ dayaru escravo iyamakubaĩkãwẽ.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Filipenses 1:8

Haska inũ, matube dasibi haibunaĩ nũ pekubainiburã, Deusũ nuku unaĩkiki, Jesus Cristõ nui duapa ea inã ẽ matu ashuniwẽ taea matukiri ẽ hakimaismaki.

Filipenses 2:16

matubunã, Deusũ kakape hiweakiri hãtxa hatu unãmakubaĩkãwẽ. Mã haskaya ea ẽ matu anu hamẽ dayai kama iniwẽ taea ea matuwẽ keĩ ẽ tse iki ẽ benimashanaii, hanu Cristo ana huaitianã.

Filipenses 2:26

Haska isĩ teneaikiri mã nĩkaimabu hawẽ taea hakiri xinaĩ mã hawẽ punu nukaxina haska xinaĩ matuwẽri nui hari matu hakimamariki.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

1 Tesalonicenses 3:13

Haskawẽ taea nukũ Shanẽ Ibu Jesusũ matu xinã mestẽwãkĩ matũ hamapai txakabu beshtenishũ mã hawenabu hawa txakabu matukiri metutirubuma mã hiwekẽ hatiãra nukũ Shanẽ Ibu hawẽ tsumabube ana huaitiã nukũ Epa Deus bebũ mã nia hau matu uĩshanũ haska matukiri ẽ xinaiĩ. Haskakirã.

2 Tesalonicenses 2:15

Haskawẽ taea ẽ betsabu inũ ẽ puibuũ, matu haska wakĩ katunikẽ nukũ yusĩa beya bena hari matũ mae anu kashũ ibubis nũ matu yusĩtanima inũ nukũ kenewẽ nũ matu yusĩainã, hakimama txibãkubaĩkãwẽ.

2 Timóteo 2:1

Mĩ ẽ bake keska Jesus Cristoki dasia mĩ hawẽ kuxipa hayanũ Deusũ hawẽ pepa mia inãnirã, hawẽ besti kuxipakũkaĩwẽ.

Hebreus 10:23

Habias mestẽwãtã xinã betsa betsapa wai txĩtuãma haska nũ ikũwãkĩ yuiai besti manakakubainãkãwẽ. Txanima Deus yubakanishũ nuku ashũshanikiki, kaneamarã.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

2 Pedro 3:17

Ẽ betsabu inũ ẽ puibuũ, matuwẽ nuihairakĩ ma bebũkiri haskashanaibu ẽ ma matuki txanishuki. Mekeirakubaĩkãwẽ, mã pebiakainaya hau huni txakabũ matu parãkĩ hau matu txĩtũmayamashanũbũ mestẽshãkãwẽ.