Filipenses 3:1 - Kaxinawá Bíblia (BR)

¹ Ẽ betsabu inũ ẽ puibuũ, Jesusũ nuku mekeawẽ taea benimanãkãwẽ. Ẽ matu yuiyamarã, habiaskari ẽ ana matu keneshunairã, enarã bikamaki. Matu keneshũkinã, mã hawẽ hiwenũ merabewakĩ ẽ matu ashuaiĩ.

Kashinawa : Diosun Jesúswen taexun yuba bena yiniki

¹ En betsabu inun en puibuun, Jesúsun nuku mekeawen taea benimanankanwen. En matu yuiyamadan, jabiaskadi en ana matu kenexunaidan, enadan bikamaki. Matu kenexunkinan, man jawen jiwenun medabewakin en matu axuaiin.

Filipenses 3:1 Referencias Cruzadas

Salmos 32:11

Mã Deusũ tsuma matukiri pe hãtxamisbu pepabuũ, benimahairakĩ Deus kãtashũkĩ kẽwãkãwẽ.

Salmos 33:1

Mã Deusũ tsuma pepabuũ, Senhor Deus benimawai kãtashũkãwẽ. Matũ huiwẽ Senhor Deuskiri kãtakĩ mã hawẽruawaya Senhor Deusũ betxipaimiski.

Salmos 37:4

Senhor Deus mĩ betxipaiairã, nuikipakĩ ha besti shinãkubaĩwẽ. Mĩ haska waiwẽ taeshũ haska uke merã pe shinãkĩ mĩ bikatsis ikai unãkĩ hawa yaushiama Senhor Deusũ mia inãshanikiki.

Salmos 42:4

Ea haska tibi yuikĩ ea shinãmabu eã dasibi ẽ hawẽ bika teneai ẽ huĩti ẽ mia bepẽshũmiski. Mĩ tari hiwe anu enabu ẽ hatu iyuaya habũ ekiri shinãkĩ benimakĩ hatũ huĩti hirabiwẽ haska mia kẽwãkubaini nũ haskanirã, ẽ shinaiĩ. Mikiri besi pepa ẽ hakimamaki!

Isaías 41:16

Mã hatu beka beka aka niwẽ hatu bushanikiki. Niwe shubi shubi ibirãkĩ sa abaĩshanikiki. Ẽ matu haska waya matubu mã benimashãkanaii. Israelĩ mekenika ẽ Senhor Deus meribiwẽ mã kẽshãkanaii.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Joel 2:23

Mã Mati Sião anu hiweabuũ, benimarikãwẽ. Hanu ui pakei taekaini inũ hanu bari pakei taekaini hanu shaba pepatiã Senhor Deusũ ui yunumiswẽ taea matũ Mekenika Senhor Deuswẽ benimakubaĩkãwẽ. Txanima uatiã matu ashũmis keska ana habias keskari matu ashũkubaĩshanikiki.

Mateus 5:12

Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

Romanos 5:11

Natiã nukũ Shanẽ Ibu Jesus Cristõ hawẽ Epa Deus hatũ nuku haibu wamakĩ daewamani unãnuma hiwekĩ txanima hawẽ taeshũ benimakĩ Deus nũ kẽwãkubainaii.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Efésios 6:10

Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Filipenses 4:4

Nukũ Shanẽ Ibu ikũwaĩnã, benimarikãwẽ. Ana habias ẽ matu yuaii. Heneama benimarikãwẽ!

Filipenses 4:8

Ẽ betsabu inũ ẽ puibuũ, kenekĩ ẽ ma matu keyushunai ea nĩkairakãwẽ. Eska tibi pepa xinãkãwẽ. Dasibi hãtxa kayabi inũ, dasibiwẽ pepa wai nũ haki mesetiru inũ, dasibi nũ kanetiruma inũ, dasibi pepas inũ, dasibi hawẽ nũ xinã txãkãtiru inũ, dasibibu tsuara hawẽ pepawẽ kẽwãmisbu inũ, haska tibi hatukiri xinã kayabikubaĩkãwẽ, haskakĩ Deus benimawakinã.

1 Tesalonicenses 4:1

Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.

1 Tesalonicenses 5:16

Haskakubaini benimai heneyamakubaĩkãwẽ.

Santiago 1:2

Ẽ betsabu inũ ẽ puibuũ, hawara bika betsa betsapa mã mekĩ tenebiai Deusũ benimati mã hayawẽ xinã txãkãkãwẽ.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.

1 Pedro 4:13

Haska matu memabiabu Cristo ani keska wakĩ habiaskarianiwẽ taeshũ matu tenemariakanikiki. Haskawẽ taea Cristo shanẽ ibuhairai ana tashnikirã matu benimahairawashanai xinaĩ natiã haskawẽ benimatimabiakẽ Cristowẽ taea benimayukubaĩkãwẽ.

2 Pedro 3:1

Ẽ betsabu inũ ẽ puibuũ, matuwẽ nuikĩ ana ẽ matu keneshunairã, eskawẽ taeshũ ẽ matu ashuaiĩ.

1 Samuel 2:1

Eska hãtxawẽ Anã Senhor Deus kẽwaĩ kãtakĩ yuibaĩkĩ: “Senhor Deusuũ, mĩ ea kushipa bena inaĩwẽ taea mia shinaĩ ẽ huĩti benimaii. Mĩ ea merabewaimawẽ taeshũ eki kashemisbu hatu binui benimahairakĩ ẽ hatu txitetiruki. Mĩ ea merabewaimawẽ taea ẽ benimaii.