Filipenses 2:7 - Kaxinawá Bíblia (BR)

⁷ Hawẽ kuxipa beshtekekĩ heneyubirã nuku keskakĩ nukũ yura bitã na mai anua dasibibu merabewai habũ tsuma ikũkainikiaki.

Kashinawa : Diosun Jesúswen taexun yuba bena yiniki

⁷ Jawen kushipa bextekekin jeneyubidan nuku keskakin nukun yuda bitan na mai anua dasibibu medabewai jabun tsuma ikunkainikiaki.

Filipenses 2:7 Referencias Cruzadas

Salmos 22:6

Hakia earã, ẽ huni hawamahaira ẽ shena keska bestiki. Yurabũ ea usaĩburã, tsuãra ea uĩ eki kashekanikiki.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 49:3

Ea haska watã Senhor Deusũ ea yuikĩ: ‘Israelĩ, mĩ ẽ tsumaki. Miwẽ ẽ kushipa hatu uĩmakĩ ẽ hatu tashnimashũshanaii’ ”, ikaya

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Mateus 12:18

‘Ẽ tsuma ẽ katunirã, ẽ abuai ea benimawamiski. Ẽ Yushĩ Pepa ẽ yunua merabewaya pepakiri ẽ tsumapã yurabu shukuabu tibi yuibaũshanikiki.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Marcos 9:12

hatu kemakĩ: —Txanima Elias bebũkiri ana hushũ dasibi benawakĩ pewakĩ taewaimaki. Ha dikabi, Deusũ hãtxa yuishunikabũ kenekĩ: “Deusũ bake hatũ Hutxi Kayabi Iuwarã, habũ danãkĩ itxakawabu nuitapashanikiki”, arianibuki.

Lucas 22:27

Eska yurabũ uĩkĩ xinãmisbuki. Na bashti ika dakashũ pimisbu shanẽ ibuki. Hamẽ hatũ hatu pimakĩ duawairã, shanẽ ibumaki, iwanã, xinãmisbuki. Hamẽ eãnã, matu anushũ matu tapĩmanũ ishũ ẽ matu bestibu duawakĩ uĩmakubainaii. Haska keskakĩ haratutũra ea txibãkĩ betsabu mã binuai mã unãtiruki— iwanã,

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

Romanos 1:3

Haska nukũ Shanẽ Ibu kuxipahaira, Deusũ bake Jesus Cristorã, huni kayabi judeubũ shenipabu Davĩ baba kaĩshanaikiri Deusũ hãtxa yuishunikabũ kenenibu hayaki.

Romanos 15:3

Eska xinãnãkãwẽ. Cristo hamebi haska ikatsis ikaikiri xinãkĩ katuama iniki. Hakia haska bebũkiri Deusũ hãtxa hakiri kenenibu menei ikũkainiki. Haska Deusũ hãtxa yuishunika Davĩ kenekĩ: “Epaã, mia danãkĩ ea itxakawabu ẽ mia tenehairashunaii”, ini keskakĩ Cristõ menekĩ teneniki.

Romanos 15:8

Haska bebũkiri nukũ shenipabu Deusũ yubaniwẽ taea haska Deus txani txakaisma haska yubai hãtxani haska xarabu Deus yubakani menei Cristo nũ Israelbu anu tashniniki, duawakĩ nuku merabewanũ ikarã.

Romanos 8:3

Deusũ Moisés yunukĩ hawẽ hãtxa kenemanirã, yurabu hatũ xinã babuwẽ taeshũ haska washũ txibãtirubumakẽ haska bebũkiri yubani yurabu babubu hau hatũ txakabu hatu buashuni mawayunũ, iwanã, hawẽ bake yura babu nukuna keska bimatã Deusũ yununiki. Jesus haskakiranishũ hawẽ mawa kayabimati Satanásã kuxipa mebĩkĩ Deusũ bakẽ maemaniki.

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.

Filipenses 2:6

“Cristo Deus itsabia haskas xinaĩ keãma hiweniki.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

Hebreus 13:3

Ha inũ, Jesus ikũwaĩbuwẽ taeshũ bitxiti hiwe anu hatu bitxiabu hatuwẽ petxiama hatuwẽ nuikĩ matu habe bitxiabu keska xinãkĩ hatu merabewakubaĩshãkãwẽ, haskai nuitapaibu unãkinã. Ha inũ, hatu itxakawaibuwẽ nuikĩ hatu merabewakãwẽ, habiaskari matu waibu mã metiru xinãkinã.

Hebreus 4:15

Haska hiwea bika tenei nũ yumãkũkaĩmis keskai nukũ Deusbe nuku hãtxashunika binua na mai anua hiweria nuku itsai hamapai tibi mei bika teneriai yumãkũkainiki. Haskabiai hawa txakabu mekĩ kaneama iniki.