Filipenses 2:17 - Kaxinawá Bíblia (BR)

¹⁷ Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

Kashinawa : Diosun Jesúswen taexun yuba bena yiniki

¹⁷ En jiwea en matu inani keska wakin en matu ikunwanmaniki. Matundi ikunwankin matun jiwea man Dios inankuinyaiin. Jaskawen taea en jiwea yaushiama mawakinan, jau man ikunwankin jeneyamanun en jiwea Dios en matu inankuinxuntiduki. En matu jaskaxuni en benima paewen dasibi en matu yuiaii.

Filipenses 2:17 Referencias Cruzadas

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 21:13

Paulõ nuku kemakĩ: —Haskai ewẽ taea kashakĩ mã ea huĩti nixmawakanai? Jesus ikũwãkĩ ẽ txibãmiswẽ taea Jerusalém anushũ ea atxishũ neashanaibuwẽ ẽ dateamaki. Hakia ẽ Jesus dayashũkũkaĩmiswẽ taea ẽ haria mawariashũtiruki— nuku wa

Romanos 12:1

Ẽ betsabu inũ ẽ puibuũ, nukuwẽ dabanã ikĩ Deusũ nuku duawakubaĩmiswẽ taeshũ hawara xinãkĩ abuai natiã mã ashũkubainũbũ shabakabi ẽ xinaĩ matu yununũ nĩkakãwẽ. Haska Deus kẽwãkĩ yuinaka detetã menukĩ inãkĩ apaunibu keskama hakia natiã matũ hiweawẽ Deus duawanũ, iwanã, meribi pashkai pepatã Deus matũ yura inãkuĩa keska wakĩ hawẽ kemutapai benimawakubaĩkãwẽ. Haska wakinã, txanima kayabi mã Deus kẽwaiĩ.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

2 Coríntios 12:15

Matu anu hikitã matũ ibu keskakĩ matuwẽ nuihairakĩ matu merabewakatsis ikĩ ẽ hawara bikĩ dasibi ẽ pei putakĩ ẽ keyushanaii. Ha inũ, matu abuhairakĩ ẽ heneama ibiakũkainaya matunã, mã ea abu mirĩkĩ henekubaĩshanai?

2 Coríntios 4:12

Haskakẽ shaba betsa nũ matu mawabiashũshanaya Jesus Cristokiri nũ matu yusĩmiswẽ taea niti ikama maturi benuama mã habe hiwepakeshãkanaii.

2 Coríntios 6:10

Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.

Filipenses 1:20

Haska inũ, Deus dayashuni tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii.

Filipenses 2:18

Maturi benimarikãwẽ, ẽ ikai keska xinaĩ ewẽ benimairã.

Filipenses 2:30

Tsuã mã ea haska watirubumahairabiakẽ Epafrodito ewẽ taea hawẽ hiwea yauxiama mesebiakẽ Cristo dayashunaiwẽ taea ea merabewai huima isĩ paepa bitã mawakĩ txanima nuku shunũkeanimaki.

Filipenses 4:18

Epafrodito yunukĩ matũ pei mã ea bumaima dasibi ẽ bimaki. Hawẽ ẽ hamapai ẽ paka keyubia teshe ẽ hayayuaki. Haska inãkuĩ ea yunukinã, Templo anushũ inĩti pepa inĩhaira kuakĩ Deus inãbu haska shetei Deus benimamis keskai eari matuwẽ ẽ habiaskariaii.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

1 Tesalonicenses 2:8

Haska wakĩ matu abukĩ Deusũ kakape yusĩ benimai matuwẽ nuihairai kashakatsis iki haska xinaĩ ẽ matu mawashũkeanimaki. Haskawẽ taea ana habias matukiri xinãkĩ matu merabewanũ, iwanã, hamapai betsa nũ matu ashũkatsis ikaii.

2 Timóteo 4:6

Hamẽ earã, natiã ma ẽ yura Jesus Cristo inãkĩ ẽ mawashũshanai ma kemaikiki.

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 João 3:16

Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.