Filipenses 2:15 - Kaxinawá Bíblia (BR)

¹⁵ Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

Kashinawa : Diosun Jesúswen taexun yuba bena yiniki

¹⁵ Man jaskai jiwea matu tibi man chakabuma inun man kaneisma jaska Diosun bakebui ja yuda chakabubu inun atimapabu anua meshu nea keskama man jatube jiweadan, bishin kushipa chaxai jawen unanbainti keskakin

Filipenses 2:15 Referencias Cruzadas

Êxodo 34:35

Hanua hawẽ besu txasha txasha ikai uĩ haki dateaibuwẽ taea hawẽ tari tuashwẽ beyabukukũkainikiaki, hanu Senhor Deusbe hãtxamatianã, hanu Senhor Deusbe hãtxai kaitiã pekatãtanirã.

Provérbios 4:18

Huni pepabu hawẽ hiwea hawẽruai penai shabai taeitiã bari kaĩkirani bari mananãbi daka txasha txasha itxakayamai keskai ana pehairakubaĩmisbuki.

Provérbios 8:8

Dasibi ẽ hãtxarã, yui kayabiki, haska ẽ matu yuiai ẽ kanetirumarã.

Isaías 60:1

“Jerusalém anuabuũ, benimai benirikãwẽ. Senhor Deusũ ana matu merabewai tashnitã hawẽ kushipa bĩ keska matu anu atximakĩ ma matu anu txasha waikiki.

Daniel 6:4

haska shinaĩ hãtxai unãtã Daniel danãkĩ: “Danielkiri mĩ shinainã, dayai peismaki”, iwanã, shanẽ ibuhaira yuikatsi ikĩ ha shanẽ ibu beshmas dabe inũ yununikabũ Daniel daya txakai benaibũ hakia Daniel huni pepawẽ taeshũ hawa yunu txakai betxiabumawẽ taeshũ shanẽ ibuhaira Dario Danielkiri hawa txakabu yuiabumabiakẽ

Mateus 10:16

ana nuku yuikĩ: —Eskawẽ taeshũ ẽ matu yuiai nĩkairakãwẽ. Kamã inu pubẽbu anu mã ẽ 12 tsumabu txashuwã pepa nitxiã keska wakĩ ẽ matu yunuaii, mã ẽ tsumabu ewẽ taea matuki sinataibu anurã. Haskawẽ taea dunu tsuã parãtiruma unãnepai inũ deiwã pepa keskakĩ tsua sinatamayamashãkãwẽ.

Mateus 17:17

Jesusũ mapuabu hatu yuikĩ: —Ikũwaĩsbuma inũ txakabubuũ, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Mateus 5:45

Hakia haska matũ Epa nai anuatũ yura pepabu inũ yura txakabubuwẽ nuikĩ hatu bari txashamashũmis inũ ui imashũmis keska wakĩ maturi yura dasibibuwẽ nuikĩ mã hatu merabewakubainaiwẽ taeshũ habũ uĩkĩ mã Deusũ bakebu unãshãkanikiki.

Mateus 5:48

Haskakẽ matũ Epa Deus pepa nuikipa keskai maturi pepai dasibibube nuiriakubaĩshãkãwẽ— iwanã,

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea

João 5:35

Haska inũ, João bĩ ewapa dekua hi ikĩ txashawa keskashũ matu yusĩaĩ nĩkai ushe eskarabes hawẽ yusĩa abui mã benimakũkainimaki.

Hechos 2:40

ana hãtxa itxapawẽ Jesus mekenãkiri shabakabi yusĩ pewatã Pedrõ hatu yusĩkĩ yuikĩ: —Ha yurabu hiwe txakabu anua pasharikãwẽ— hatu wa

Hechos 20:30

Matu ibubis matu anua hanubi benitã shanẽ ibutã: “Ea txibãkãwẽ”, ishũ matu parãkĩ matu txani yusĩshãkanikiki.

Romanos 16:19

Eska matukiri dasibi pe txaniaibu ẽ matu nĩkamiski. Haska mã Deus dayashunairã, hawara Deusũ abuai unãtã mã amis inũ, hawara Deusũ danãkĩ abuama unãriakĩ mã xinã husiamakeakemis matũ xinã unaĩ ẽ matuwẽ dateama haska matukiri xinaĩ ẽ benimaii.

1 Coríntios 1:8

Haskawẽ taeshũ Deusũ hawa heneama matu kuxipa wakubaini Cristo ana huaya hawa txakabu matukiri yuitirubuma ishãkanikiki.

2 Coríntios 6:17

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii,

Efésios 5:27

Cristo habũ nũ ikũwaĩbu pepahaira hawa detsis neama hawa tari txũpima ana hawa txakabu betsa tibi hayama nukũ hiwea sheni henetã pepa meribi besti haska hatũ besu uĩkatsis ikikiki.

Filipenses 1:10

haska pepa besti abuai mã katukubainũbunã. Haskai hiwekĩ matũ hiwea shũpĩ hawa txakabuma ewakaini hawa txakabuki huti ika keskama nukũ Shanẽ Ibu Cristo huriamakẽ mã pepa hiwekubaĩtirubuki.

Filipenses 3:6

Ha inũ, Deus duawanũ ishũ Jesus Cristo ikũwaĩbu ẽ hatu itxakahairawayukubainiki, haska dabanẽ ẽ xinã ẽ unãnepaiwenã. Ha inũ, Deusũ Moisés yusĩni ikũwãkĩ txibaĩ hawa kaneama ẽ pepahairakũkainaya ekiri hawa txakabu tsuã yuitiruma inibuki.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

1 Timóteo 3:10

Ha dukũ hatũ hiwea pemẽkaĩ ishũ uĩkubaĩkĩ hakiri hawa txakabu kaĩmabumakẽ unãtã merabewanika dayanika katutirubuki.

1 Timóteo 3:2

Na eska yunua daya birã, hau eska tibi ikubainũbũwẽ. Duapa hakiri txakabu yuisbuma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ hãtxa kayabi binumakĩ kaneama pe xinãkĩ akubaĩmisbu inũ, haki kasheisbuma inũ, bai mapuabu hatu itã hatu ushãmisbu inũ, yusĩnanaĩ pekũkaĩmisbu itirubuki.

1 Timóteo 5:14

Ikũwãbumã hau nukuki kasheyamanũbũ aĩbu beneyabiaima ma hawẽ bene mawa kasmai henebainima yushaburiabumarã, hau ana beneyakubainũbũwẽ. Haskatã bake bitã hatũ hiwe meranua pe dayakĩ hau hatu duawakubainũbũwẽ.

1 Timóteo 5:20

Hanushũ txakabu wakubainaibu pewanũ itã Deuski hatu datemakĩ dasibiburi hau daterianũbũ itxashũ nĩkaibũ pewakĩ hatu mesewakĩ shabakabi nemakubaĩwẽ.

1 Timóteo 5:7

Haskakẽ hau ikũwãbumã hatukiri txakabu yuiyamanũbũ ikũwaĩbu yusĩkĩ hau hatunabu merabewakubainũbũ hatu yunukubaĩwẽ, hatu xinãmakinã.

Tito 1:6

Mekenika katukinã, eska hiweabu hatu unãkĩ uĩtã akubaĩwẽ. Tsuã hatukiri txakabu yuisma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ bakebu habetã Jesus Cristo ikũwaĩbu hawẽ bakebu hawa metimakĩ hatu uĩmai hatuki ha imaisbuma ha hawẽ bakebu huĩti kuxi sinatapaisbumakẽ mĩ hatu katushũtiruki.

Tito 2:10

yumetsuama inũ, hau hawa hatu parãma dasibi hatu ashũkubainũbunã. Hatu haska wamakĩ nukũ mekenã Deusũ hãtxakiri dasibi pepa atikiri hatu uĩmashũkĩ hatũ tsumabu mĩ hatu abumatiruki.

Tito 2:15

Hatu yusĩkinã, kuxipai mestenepatã na hãtxa ẽ mia yusĩaĩwẽ hatu benimawakĩ nemakĩ hatu pewakubaĩwẽ, hau tsuã mia danãkĩ itxakawayamanunã.

Hebreus 7:26

Hanua Jesus Deusbe nuku hãtxashunika binua nũ haska keskariai hiwetiru ha hawa txakabu hayama inũ hawa detsis hayama meribi pepa besti haska yurabu txakabukĩ Deus sinatamamisbu keskama pepakĩ keyu hatu binutã naiuri pepahairai hauri nuku hiwei kashuniki.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

2 Pedro 3:14

Ẽ betsabu inũ ẽ puibuũ, ẽ matuwẽ nui heneama ẽ matu yusĩkubainai eskakiri xinãkãwẽ. Hau dasibi mã hawa detsisma inũ hawa txakabu hayama inũ unãnuma mã hiwe bestikẽ hau Jesus Cristo matuki nukuyushanũ ẽ matu yusĩshu xinaĩ hakimama manakakubaĩshãkãwẽ.

Apocalipse 2:5

Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.