Filipenses 1:6 - Kaxinawá Bíblia (BR)

⁶ Eã ẽ matukiri xinãnã, haska Deusũ hawẽ daya matu anushũ taewanishũ haska abuai keska mã ikũwaĩ Jesusũ matu hiwemakubaĩkĩ niti akama matu pepa wakubaĩshanikiki, hanu Jesus Cristo txĩtũkiranaitianã.

Kashinawa : Diosun Jesúswen taexun yuba bena yiniki

⁶ Ean en matukidi shinanan, jaska Diosun jawen daya matu anuxun taewanixun jaska bechipaiai keska man ikunwain Jesúsun matu jiwemakubainkin niti akama matu pepa wakubainxanikiki, janu Jesucristo chintunkidanaitianan.

Filipenses 1:6 Referencias Cruzadas

João 6:29

Jesusũ ana hatu yuikĩ: —Deus benimawakinã, hatũ ea yununi besti ikũwãkãwẽ, ẽ eakirã— hatu wa

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 16:14

ha aĩbuaibu itxa betsã Deus kẽwãmis hawẽ kena Lídia mae betsa Tiatira anua hunishũ tari pepa bishũ pukukĩ nanke mexupa duakabi washũ hatu inãmis nukũ Shanẽ Ibũ merabewakĩ nĩka pewamakĩ hawẽ xinã betsa wamaya Paulõ hãtxawẽ Jesus Lídiã ikũwãyã

1 Coríntios 1:8

Haskawẽ taeshũ Deusũ hawa heneama matu kuxipa wakubaini Cristo ana huaya hawa txakabu matukiri yuitirubuma ishãkanikiki.

2 Coríntios 1:15

Haskawẽ taea matuki txiti ikĩ haska ẽ xinaiĩ. Haska matu anu kashũ matu uĩkatsis ikĩ ha dukũ ẽ xinaĩma keska dabeki matuki bai kai

2 Coríntios 7:16

Mã txĩtuĩsmawẽ taea ẽ matuwẽ benimahairariakũkainaii.

Gálatas 5:10

Haska yunukĩ ẽ matu keneshunai uĩtã habiaskari mã ikũwãriakubaĩshanai Deus ẽ ikũwaiĩ. Hamẽ tsuabura mapushũ matu xinã betsa wamakĩ habuã matu itimaska waiburã, Deusũ hatu unãtã kupishanikiki.

Efésios 4:12

Hatu haska wabaĩkĩ hawenabũ hawẽ daya tibi hau ashunũbũ hatu pewatã hatu yunubainiki, hau kuxipanamei haska Deusũ abuai hakiri ana tapĩ Cristõ yurai nũ mestenepakubainũbunã.

Filipenses 1:10

haska pepa besti abuai mã katukubainũbunã. Haskai hiwekĩ matũ hiwea shũpĩ hawa txakabuma ewakaini hawa txakabuki huti ika keskama nukũ Shanẽ Ibu Cristo huriamakẽ mã pepa hiwekubaĩtirubuki.

Filipenses 1:29

Deusũ hawẽ pepawẽ matu kenakĩ katushũ ikũwãmanirã, ha besti ikũwaĩ pepa bestitimaki. Habiaskariai Cristowẽ bika mei nuitapariatiki.

Filipenses 2:12

Ẽ betsabu inũ ẽ puibuũ, matuwẽ ẽ nuiaya mã ẽ hãtxa txibãmis heneama akubaĩkãwẽ, ẽ matu uĩayã mã amis keska inũ, ẽ matu uĩyama txaihaira ẽ hiwebiakẽ ea nĩkakĩ txibãriakinã. Hawa kaneama uke merã hawara matũ hiwea Cristona wamakĩ mã inãni Cristoki mesekĩ heneama hawẽ mekepakekãwẽ.

Filipenses 2:13

Matũ hiwea mã ma Cristo inãniwẽ taeshũ xinã betsawẽ Deusũ matu benimawakĩ haska matuwẽ dayakĩ hawẽ xinã pepa tashnimaya haska abuai keska matu amakĩ merabewaya shabakabi ashũkubaĩkãwẽ.

Filipenses 2:16

matubunã, Deusũ kakape hiweakiri hãtxa hatu unãmakubaĩkãwẽ. Mã haskaya ea ẽ matu anu hamẽ dayai kama iniwẽ taea ea matuwẽ keĩ ẽ tse iki ẽ benimashanaii, hanu Cristo ana huaitianã.

Colosenses 2:12

Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

2 Tesalonicenses 1:11

Haskawẽ taea Deusbe hãtxakĩ matukiri yukakĩ nũ heneismaki. Deusũ matu kenakĩ katunishũ pepabu matu wakatsis ikaikiri matu yukashũkinã, mã ikũwaĩwẽ taeshũ hawẽ kuxipawẽ hamapai pepa akĩ betsabube merabenamei mã hiwekubainũbũ ẽ matu ea ashũkubainaii.

2 Tesalonicenses 3:4

Ha inũ, nukũ Shanẽ Ibube nũ habe dasitã matu yusĩtanima hawa heneama txibãkĩ mã habias akubaĩshanai haskakiri nũ matu ikũwaiĩ.

Filemom 1:21

Ẽ hãtxa mĩ nĩkakĩ txibãmis unãkĩ ẽ mia keneshũ bumaii, haska ẽ mia ea akai binukĩ mĩ pepawashanai xinãkinã.

Hebreus 10:35

Haskawẽ taeshũ mã ikũwaĩnã, benuyamakãwẽ, mã ma haki txiti ika bika tenemiswẽ taeshũ matu itxapa manakushanikiki.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

2 Pedro 3:10

Hawatiãra nukũ Shanẽ Ibu huirã, tsuã ana hakiri xinãmakẽ yumetsu hua keskanũbarikiaki. Hanua kanatũ itxakayamai keskawẽ nai anu yamawakĩ habũ tsumabauna txi kuxipahairawẽ menukĩ mai hirabiri damiwani kupikĩ yamawashanikiki.