Filipenses 1:20 - Kaxinawá Bíblia (BR)

²⁰ Haska inũ, Deus dayashuni tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii.

Kashinawa : Diosun Jesúswen taexun yuba bena yiniki

²⁰ Jaska inun, Dios dayaxuni tsuki en dakeamaki, jatun ea mekeawen taeadan. Jaskaken tsuabunda bedubi jawa jakidi dakeama natian en jiweawen inun en mawaxunxanaiwen Cristo kushipajaida ewen dasibibu en jatu uinmayukatsis ikaii.

Filipenses 1:20 Referencias Cruzadas

Provérbios 10:28

Huni pepabũ hatũ manakuti pepa huaya bi benimashãkanikiki. Hakia huni txakabubũ hatũ manakuti pema huaya benu bestishãkanikiki.

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 50:7

Senhor Jeová ea merabewamiswẽ taea tsuabũra ea itxakawakĩ ea isĩ tenemaya datei txĩtuãma tenea ẽ mishki kushipa keskaki. Ẽ shanẽ ibu kushipatũ ea mekeaya habiatiãri eki kashebiaibũ hawa datei ẽ hawa dakeama ishanaii.

Isaías 54:4

Miki hawa kashekĩ mia usãma ishanaibuwẽ taea hawa dateyamashãwẽ. Miki sinatama ishanaibuwẽ taea dakeyamashãwẽ. Mĩ txipash yumetxakai txakabuni hawẽ dakemisrã, hakimawe. Mia itxakawakĩ mĩ benẽ henebaĩkĩ mia dakewanirã, ana has shinãyamawe.

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 21:13

Paulõ nuku kemakĩ: —Haskai ewẽ taea kashakĩ mã ea huĩti nixmawakanai? Jesus ikũwãkĩ ẽ txibãmiswẽ taea Jerusalém anushũ ea atxishũ neashanaibuwẽ ẽ dateamaki. Hakia ẽ Jesus dayashũkũkaĩmiswẽ taea ẽ haria mawariashũtiruki— nuku wa

Hechos 4:31

Deusbe hãtxai meneaibũ habiatiãri hanu itxabu anu patxa sakuaya Deusũ Yushĩ Pepatũ hatu dasibi atxikĩ kuxipa wakĩ keyua hanushũ ana dateama Deusũ kakape hawenabu hatu shabakabi yuikubainibukiaki.

Romanos 12:1

Ẽ betsabu inũ ẽ puibuũ, nukuwẽ dabanã ikĩ Deusũ nuku duawakubaĩmiswẽ taeshũ hawara xinãkĩ abuai natiã mã ashũkubainũbũ shabakabi ẽ xinaĩ matu yununũ nĩkakãwẽ. Haska Deus kẽwãkĩ yuinaka detetã menukĩ inãkĩ apaunibu keskama hakia natiã matũ hiweawẽ Deus duawanũ, iwanã, meribi pashkai pepatã Deus matũ yura inãkuĩa keska wakĩ hawẽ kemutapai benimawakubaĩkãwẽ. Haska wakinã, txanima kayabi mã Deus kẽwaiĩ.

Romanos 5:5

Haska nũ manakatiru Deus nukuwẽ nuimis nuku unãmakĩ hawẽ Yushĩ Pepa nuku inã hawẽ taeshũ Deus ikũwãkĩ txibãkubaĩkĩ haska nuku yubani manai hamẽ nũ manakamaki. Haska xarabuwẽ taeshũ hamapai bika nũ teneairã, hawẽ taeshũ Deus nũ kẽwãkubainaii.

Romanos 6:13

Haska inũ, matũ yura ana txakabu tsumawamayamakãwẽ, ha hamapaiwẽ nukũ yura hawẽ txakabu watimakirã. Eska wakinã, matũ xinã pe mekekĩ matũ yura hirabi Deus inãkĩ mekemariakubaĩkãwẽ. Ha inũ, yurabu mawatã ana besteã keskatã matũ yura pe mekekĩ matũ hiwea Deus inãtã pepashũkubaĩkãwẽ, matũ yura hirabiwẽ Deus duawakinã. Hawa kaneama ha bebũshũ pepakĩ akubaĩkãwẽ.

Romanos 6:19

Ha inũ, dasibi mã tapĩ keyuriamakẽ matu shabakabi yusĩkĩ hãtxa bikamawẽ matu yusĩnũ nĩkakãwẽ. Hawara txakabu pepama Deusũ danãmis betsa betsapa anũ ika hawẽ kemui matũ yurawẽ txakabu irumai mã atimapakũkainiki. Hakia habiaskari wakĩ matũ yura Deus inãtã pepakĩ Deus dayashũkubaĩkãwẽ, hawẽruai pepakinã. Haska wakĩ matũ txakabu putai tari meribi pashkatã mã pe besti hiwekũkaĩshanaii, Deusunabuirã.

Romanos 8:19

Mai hirabiki dasibi habu Deusũ damiwani: “Haratu hawẽ bakebu kayabimẽkaĩ?” ishũ shabakabi uĩkatsis ikĩ hĩ hĩ itxakayamakĩ manakanikiki.

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

1 Coríntios 15:31

Ẽ betsabu inũ ẽ puibuũ, nukũ Shanẽ Ibu Jesus Cristo mã ikũwãyã txanima benimahairakĩ hãtxa kayabi matu yui: “Bari tibi ẽ mawakeãkũkainaii”, ika ẽ txanitxakamaki, haska ẽ ikũkainairã.

2 Coríntios 10:8

Ẽ matuki hawẽtxaĩs haska Cristõ hawẽ kuxipa ea yununikiri hawa dakeama ẽ txanimis hawẽ taeshũ matu beshtekĩ txĩtũmakatsi ikama hakia hawẽ merabewakĩ nukũ Shanẽ Ibũ kuxipawẽ ikũwãmakĩ ẽ matu kuxipa wakatsis ikũkainaii.

2 Coríntios 3:12

Eska Israelbũ Moisés besu uĩkĩ hawara txashahaira maĩ beshmasai hau uĩyamanũbũ Moisés tari tuashwẽ hawẽ besu hunei bepukukũkaini keskama haska nukũri nũ ikũwaĩbu Cristo manakakĩ nukũ hãtxa hakiri huneama hawa dateama shabakabi nũ yusĩkubainaii.

2 Coríntios 5:15

Cristo mawairã, dasibi hatu ishuniki. Hamẽ ikama habu hiweabu ishuinã, hau ana hatũmebi hatũ xinãnẽ besti hiweyamanũbũ hau ha hiweshũshanũbũ hatu ishuniki, mawatã ana hatu bestẽshunirã.

2 Coríntios 7:14

Haska hãtxa txanima nũ matu yuimis keska wakĩ Tito matu anu ẽ nitxĩriama matukiri kẽwãkĩ ẽ kaneama ikimawẽ taea ẽ hawa matuki txakabumaki. Haskawẽ taea txanima hawara matukiri ẽ yuima mã habiaskaki. Haska ẽ Tito yuima keska uĩmakĩ mã beyawaimawẽ taea nũ matu kẽhairawaii.

Filipenses 1:14

Na ea nenu eska wayamabu ewẽ dateama itxapabũ Cristo ikũwãkĩ hawẽ kakapewẽ benimakĩ dateama huĩti kuxitã nukũ Shanẽ Ibuki txiti itã Deusũ kakape hatu yusĩkubaũkanikiki.

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

1 Pedro 4:16

Haskawẽ taea mã shabakabi Cristo txibaĩbu matu nuitapa wabiaibu hatuwẽ datei dakeama mã Cristonabuwẽ taea hawẽ Deus kẽwãkubaĩkãwẽ.

1 João 2:28

Ẽ bake keskabuũ, natiã Jesus Cristoki dasitã heneyamakãwẽ, haki txiti ikirã, hanu ana nukuki nukui huaitiã damapai nũ haki datei daketirubumakirã, ha bebunuarã.