Filipenses 1:11 - Kaxinawá Bíblia (BR)

¹¹ Ha dikabi matu mã hatu bebushunaibunã, Jesus Cristowẽ taeshũ hawara pepa mã akai tsuabũra uĩkĩ Epa Deus duawakĩ kẽwãshãkanikiki.

Kashinawa : Diosun Jesúswen taexun yuba bena yiniki

¹¹ Ja dikabi matu man jatu bebuxunaibunan, Jesucristowen taexun jawada pepa man akai tsuabunda uinkin Epa Dios duawakin kenwanxankanikiki.

Filipenses 1:11 Referencias Cruzadas

Salmos 1:3

Ha yuraburã, hene kesha hi banabu pe ewatã hanu bimiaitiã hawẽ bimi pe hushĩmis keskabuki. Ha inũ, hawẽ pei shanama keskai, habũ Deusũ hãtxa betxipaimisburã, dasibi haska amis pepahaira ikubaĩmisbuki.

Isaías 5:2

Pukĩbaĩkĩ mai pewakĩ mishki putakĩ pewatã hawẽ uva tatxa pepa bitã banaimaki. Hanushũ hawẽ bai nemaki hanushũ uĩbaũti hiwe pishta keyatapa waimaki. Ha inũ, hanushũ tsinikĩ vinho wãti pewaimaki. Ẽ haibũ haska watã hawẽ uva banaima uva batapa manabiaya hakia hawẽ uva besheai anu uva bimi pe ikama bimi bũkash besti hayashinaki.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Mateus 5:16

Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

João 15:8

Haskai duapanãkĩ Deusũ kuxipa mã hatu kẽwãmairã, bimi itxapayai keskakĩ txanima ẽ tsumabu kayabi shabakabi mã ishãkanaii.

Romanos 15:28

Haskakẽ hatũ pei itxawaimabu ha dukũ Jerusalém anuabu ẽ hatu pei bumayuaii. Haska wakĩ hatu pewashũtã hanua Espanha anu hatu yusĩ kai matu daĩbaini ẽ matuki bayushanaii.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

1 Coríntios 10:31

Hamapai pikĩ nushuti akĩ hamapai betsa betsapa akinã, Deus duawanũ, iwanã, akubaĩkãwẽ.

2 Coríntios 9:10

Haska keska Deusũ nuikipabu hatũ hawara inãmistũ maturi matuna inãmiskẽ yauxiama pashkashũ mã hatu inaĩbu ana akũhaira matu inãkĩ binumakĩ Deusũ matu merabewamakubaĩshanikiki.

Efésios 1:12

Deusũ nuku dukũ katukinã, ha dukũ nukũ xinãwẽ Cristo nũ manashanũbũ nukukiri xinãmati waniki, haskawẽ taeshũ dasibibũ hawẽ kuxipa pepa nũ kẽwãkubaĩshanũbunã.

Efésios 1:14

Deusũ hawẽ Yushĩ Pepa matu inãkĩ haska bebũkiri matu yubakĩ nai anu habe matu hiwemakatsi matuki tanani hawẽ unãti mã ma hayaki, hawẽ Yushĩ Peparã. Haskakẽ hawatiãra nuku meneshũkĩ hawenabu nuku wanishũ nuku shabakabi bepẽshũ uĩmashanaiwẽ taeshũ dasibibũ Deusũ kuxipa pepa kẽwãkubainãkãwẽ.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Efésios 5:9

Ha shabapã nukũ xinã betsa wamatã nuku tapĩmai tsekekaĩkĩ mia imairã, nuku duapamai inũ, nuku kayatapimai inũ, nuku txani txakatimawaikiki.

Filipenses 4:17

Haskakẽ pei ẽ matu ea akamabia mã ea merabewamiswẽ taeshũ matũ pepa Deusũ hau matukiri ana xinãshanũ haska ẽ matukiri xinaiĩ.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Colosenses 1:6

Haska inũ, mai hirabi anushũ Deusũ kakape hawẽ bakekiri nĩkatã ikũwãbauni pakĩ yurabũ hatu uĩmabaunaibu keskai mã ikairã, txanima habias habiaskari matu anuri tashniai mã hayaniki, haska Deus duapakiri hãtxaibu nĩkai: “Txanimaki”, itã mã ikũwãniburã.

2 Tesalonicenses 1:12

Haska ẽ matukiri Deus yukashũmiswẽ taeshũ matu uĩkĩ nukũ Shanẽ Ibu Jesus dasibibũ kẽwãshãkanikiki. Mã haska waibu Jesusũ matu duawakĩ matu kẽwãriashanikiki, haska nukũ Epa Deus inũ nukũ Shanẽ Ibu Jesus Cristõ nuku abukĩ haska xinãkubaĩmisrã.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Hebreus 12:11

Ha inũ, txanima Deusũ pewakĩ nuku kupia shuama mebiatã txipu hakimatã hanushũ hawẽ yusĩa pepa tapĩkĩ hawẽ hiwea unãnuma pe hiwekũkainai unãtirubuki.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

1 Pedro 4:14

Ha inũ, mã Cristokiri yusĩkubainaibuwẽ taeshũ haska abuama tsuabura matuki sinatai ha ikaibuwẽ taea mã ma Deusũ pepa haya hawẽ benimakubaĩkãwẽ, Deusũ Yushĩ Pepatũ matu merãshũ matu henebainama hawẽ kuxipa matu uĩmakubainikikirã.