Filemom 1:22 - Kaxinawá Bíblia (BR)

²² Ha inũ, Deusbe hãtxakĩ mã ea yukashunaiwẽ taeshũ Deusũ hawawama hau hatu ea nitxĩmashanũ ikũwãkĩ ẽ manaii, dateamarã. Haska inũ, matu uĩ ka hanu ẽ iki kashanai anu ẽ ushati ea pewashũshãwẽ.

Kashinawa : Diosun Jesúswen taexun yuba bena yiniki

²² Ja inun, Diosbe janchakin man ea yukaxunaiwen taexun Diosun jawawama jau jatu ea nichinmaxanun ikunwankin en manaii, dateamadan. Jaska inun, matu uin ka janu en iki kaxanai anu en uxati ea pewaxunxanwen.

Filemom 1:22 Referencias Cruzadas

Hechos 27:24

ea yuikĩ: “Pauloõ, dateyamawe. Romano shanẽ ibuhaira César mĩ uĩ kanũ Deusũ mia merabewakĩ ha dasibi shashũ mibe buaibu miwẽ taeshũ hatu tenãma ẽ hatu pasha washanaii”, akĩ ea yuishuki.

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

Romanos 15:24

samama ẽ matu uĩ kakatsis ikairã. Hari kairã, Espanha mai pakea anu kakatsi mã Roma anuabu hanu dukũ matube uĩnanaĩ benimatã habianua eskarabes matube merabenãtã hanua unuri ẽ kaya matũri matũ hawarawẽ mã ea merabewa Espanha anu ẽ katiru ẽ xinaiĩ.

2 Coríntios 1:11

Nũ haskamiskẽ nukukiri xinãkĩ merabewakĩ Deusbe hãtxakĩ nuku yukashũkubaĩkãwẽ. Itxapabũ mã nukukiri Deus yukakubainaibũ Deusũ nuku mekekĩ duawaya itxapabũri nukukiri nĩkakĩ Deus kẽhairawatiruburiki.

Filipenses 1:19

mã ea Deus dayashuniwẽ taea tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii. Haskawẽ taeshũ Jesus Cristõ Yushĩnĩ ea merabewakĩ ea kaĩmashanai xinaĩ ẽ benimakũkainaii.

Filipenses 2:24

Haska kasmai ea kayabis kashũ ẽ matu uĩ katirumẽkaĩ, ishũ haska nukũ Shanẽ Ibũ xinã besti ẽ manaii, hawaira kanũ ishũ xinaĩnã.

Hebreus 13:19

Ha inũ, matu anu ẽ ana txĩtũkatsis ikaiwẽ taeshũ menã Deus ea yukashũrikãwẽ, matu anu ẽ hawaira kashanunã.

Hebreus 13:23

Ha inũ, nukũ betsa Timóteo bitxiti hiwe anua ma tashnimaxinabu ẽ matu unãmaii. Hawairakirã eki nukuaya habe kashũ ẽ matu betximai kashanaii.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.

2 João 1:12

Hãtxa itxapa ẽ matu yuikatsis ibiakĩ ẽ hati matu keneshũkatsi ikamaki. Hakia matuki bai ka ẽ matube hãtxanamekatsis ikaii, beisinaĩ nũ benimanameshanũbunã.

3 João 1:14

Hakia samama mia anu ka uĩnanaĩ ẽ mibe hãtxai kashanaii.