Ezequiel 3:8 - Kaxinawá Bíblia (BR)

⁸ Hakia habu keska ẽ mia wariaii, mĩ besu inũ mĩ huĩti mia kushi wakinã.

Ezequiel 3:8 Referencias Cruzadas

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

Isaías 50:7

Senhor Jeová ea merabewamiswẽ taea tsuabũra ea itxakawakĩ ea isĩ tenemaya datei txĩtuãma tenea ẽ mishki kushipa keskaki. Ẽ shanẽ ibu kushipatũ ea mekeaya habiatiãri eki kashebiaibũ hawa datei ẽ hawa dakeama ishanaii.

Jeremias 1:18

Judá enabũ mai pakea anu hiweabu hatũ shanẽ ibuhairabu inũ, hatũ shanẽ ibu yununika beshmasbu inũ, minabu ebe hãtxashunikabu inũ, yurabu mae anu hiwebaunabu bebũshũ mĩ hatu nemakubaĩshanũ mae mishkiwẽ kenebaũkĩ keyatapa wanibu keska mia wakĩ inũ, mane ferro txibu kushipa keska mia wakĩ bronzewẽ mae kenebaunibu keska mia watã ikis eã mia nitxĩkĩ ẽ mia yunuaii.

Ezequiel 3:7

Hamẽ mia hanu yunuama ha dasibi Israelĩ enabu huĩti kushibu inũ besu kushibu habũ ea nĩkaisbumawẽ taeshũ miari nĩkama ishãkanikiki.

Ezequiel 3:9

Ha nẽkati diamante keska wakĩ ẽ mia kushipa washanaii, mishki betsa kushipa binua keska wakinã. Ea danã paepa wamisbuwẽ taeshũ hawara mia bebũshũ yuiaibu hatuwẽ taea teku iki dateyamakũkaĩshãwẽ”, iwanã,

Miquéias 3:8

Hamẽ ea Miquéiasrã, Senhor Deusũ hãtxa danãkĩ Israelĩ enabũ txakabuwakubaĩmisbu hatu berabĩwãkĩ hatu yuãkĩ ẽ hatu ha akubaĩshanũ ea kushipa inãkĩ datetima ea wakĩ Senhor Deusũ Yushinĩ hawẽ yunuti kushipa pepawẽ ea amakubainikiki. Ea haska wakĩ heneama ipakeikiki.

Hebreus 11:27

Haskakẽ Egitonawabu shanẽ ibu haki sinatabiaya hawa haki dateama Egito mai pakea anua kaĩkainima Deus uĩtirumabia ikũhairawakĩ xinã betsa wama ikũkainikiaki.